معهد arizona State University
الســلام عليكم ورحمة الله وبركاته ....
ابي مساعدتكم , اناا ابي اقدم على الابتعاث وبالتحديد في معهد arizona State University لاني سويت بحث عن اكثر من جامعات ولقيت انها هي الافضل
المهم , اناا اللحين ابي اقدم على الجامعة علما بأني ما سويت اي شى الى الان , اللي ابي تفيدوني عنه الافضل اقدم على موقع الجامعة او اروح احد المكاتب اللي بالدمام او الخبر
وش الافضل من ناحية التكلفة او ما فيه فرق ؟!
الشى الثاني هل اقدم على اكثر من جامعة في الفترة هذي او القبول شبه مأكده عندهم لان الولاية اشوف انها الافضل , واذا تقدرون تفيدوني عن بعض الجامعات الممتازة في نفس الولاية
يكون شهادتها في الطب و الهندسة ممتازة .
وبالنسبة للتحويل على حساب الحكومة الفترة تكون من كم الى كم (شهر , شهرين) ...
ارجوووووووو الرد في اسرع وقت لاني تأخرت بما فيه الكفاية ...
رد: معهد arizona State University
الجامعة هذي تقفلت هي مع معهدها لتكدس الطلاب السعوديين -__-
حتى انا كنت ناوي عليها لانها جامعة قوية و كبيرة و تتخرج منها فاهم , بس الله المعين
بالنسبة للتسجيل , اكيد من موقعهم ارخص هم ما بيطلبوا منك الا 500 ريال تقريبا رسوم التسجيل
اما المكاتب ياخذون من 1000 الى 3500 ريال !! يعني والله حرام
اما التحويل يا طويل العمر الحين مرة ناشف , يقلك خلص لغة و بعدها تتحول
رد: معهد arizona State University
لا تقولهااااا الجامعة هذي دخلت مزاجي ما ابي الا هي ...
طيب اذا فيه جامعة بنفس الولاية وقوية في الهندسة و الطب يفيدنا ؟!
رد: معهد arizona State University
والله حتى انا ما ابي الا هي , انا يوميا ادعي انهم يفتحونها قبل لا اخلص لغة خخخخخخخخخخ
المهم فيه جامعة بقوتها او يمكن اقوى
university of arizona فـ مدينة Tucson
رد: معهد arizona State University
هلا وغلا اخوي
اول شئ الجامعه ماتقفلت
انا احد الطلاب في المعهد
المعهد اوقفته الملحقية فقط اما الجامعه غير موقوفه
ومستحيل يتم ايقافها قريباً
اولاً عدد طلاب الجامعه ٧٢ الف وعدد الطلاب السعوديين في الجامعه ٤٩٣ تقريباً
يعني لايشكلون نسبة تذكر عشان يتم ايقافها للتكدس
هناك بعض التخصصات فقط تم ايقافها على ما اذكر
اذا بتقدم على الجامعه شيك على التخصص اللي تبيه في وزارة التعليم العالي قبل تقدم
بالتوفيق ان شاء الله يالغالي
رد: معهد arizona State University
الجامعه توقفت فيها تخصصات البزنس والهندسه
بس ماتوقفت كلها
اتوقع في بعض التخصصات مفتوحه
http://www.sacm.org/pdf/Oversaturated1.pdf
هذي الصفحه فيها الجامعات والتخصصات الموقوفه
بالتوفيق
رد: معهد arizona State University
انا قدمت اوراقي في مكتب اطلس اللي عنده اي خلفية عن المكتب يفيدنا لان فيه ناس ينصحوني فيه وناس تقولي لا تجيه
www.yesatlas.com
يا ليت تفيدوني ...
رد: معهد arizona State University
للأسف ماعندي اي خلفيه عن المكاتب
ان شاء يساعدونك الباقي
بالتوفيق
رد: معهد arizona State University
مرحبا
اختي back2me
ابغى اعرف كم مستوى بالمعهد وكل مستوى كم مدته والتكلفه الماديه لكل مستوى اذا عندك علم .؟
رد: معهد arizona State University
الموضوع هذا قديم
والمعهد ست مستويات كل مستوى شهرين
والرسوم ٢٤٠٠ دولار لكل مستوى
شامل التأمين الصحي والرسوم الادارية وقد تصل الى ٢٤٣٠ تزود ميه تنقص مية
وللعلم الجامعه غير موقوفه والمعهد غير موقوف
لايوجد اي تخصص موقوف في الجامعه حاليا سوى اندستريال انجنيرنق فقط
بالتوفيق يارب