ارجوا المساعده من اهل الخبره
السلام عليكم ورحمة الله وبركاته
اخواني المبتعثين اصحاب الخبره حبيت اخذ نصايحكم بخصوص السكن
انا متزوج ورايح ادرس انا وزوجتي واول مره نروح مدينتي هي انديانا بوليس
وشايل هم السكن اخاف اتبهذل الين احصل وانا معاي زوجتي
المكتب قالي انهم راح ينسقون مع المعهد بخصوص السكن
السؤال هل المعهد راح يئمنلي سكن ممتاز وهل هذي افضل طريقه ؟
ابي افضل طريقة احصل فيها سكن مناسب كسعر وكنضام ونضافه
تكفون من لديه نصيحه لايبخل علي فيها والله شايل هم كبيييير
رد: ارجوا المساعده من اهل الخبره
حبيبي
المكتب نصاب ولا عليك من كلامه
المدينة حلوة وهادئة والسكن متوفر بجميع الأشكال اللي تبيها
اكتب في الفيس بوك عن النادي السعودي هناك ، وستجد شباب طيبين يخدمونك .
لا تشيل هم ، لأن المدينة جميلة وأحمل فيها ذكريات رائعة .
أهنئك على اختيارك .
ربنا يوفقك
رد: ارجوا المساعده من اهل الخبره
هلابك اخوي
طيب اخوي بس ابي طريقة احصل فيها السكن وانا هنا لان انا معاي زوجتي
وش افضل شي اسويه عشان اتجنب البهذله ابي اوصل هناك وانا مرتاح بخصوص السكن
جتني معلومه تقول ان السكن الجاهز باثاث سعره 1400 دولار او اخذ شقه بدون اثاث وسعرها 600 دولار
مدري اذا هالشي صحيح ولا لا
رد: ارجوا المساعده من اهل الخبره
أخوي
تواصل مع النادي السعودي أفضل
هناك سكن جاهز ومؤثث بكل شيء وقريب من الجامعة وله باص خاص بالمعهد والجامعة كل ١٥ دقيقة ، واسمه Park Place لكن لازم حجز عندهم من بدري لأنه عادة يكون مليان ، طبعاً سعره غالي ١٥٠٠ دولار في الشهر .
الإسكانات الثانية تختلف شروطها ، لأن بعضهم يطلب منك تاريخك في أمريكا ، ولا يمكن يؤجر لك لأن توك جديد عليهم .
هناك شقق ترفع إجارات الموية والخدمات الثانية إذا عرفوا إنك جديد ، لأن المكتب له نسبة من الزيادة .
هناك شقق عقودها طويلة (١٢ شهر) والخروج منها قبل الفترة المحددة يعرضك للغرامة .
أنصحك تواصل مع النادي السعودي وسوف يقوموا بخدمتك بكل محبة .
تحياتي لك