مساعدة ارجوا المساعده من اهل الخبره

حبيبي
المكتب نصاب ولا عليك من كلامه
المدينة حلوة وهادئة والسكن متوفر بجميع الأشكال اللي تبيها
اكتب في الفيس بوك عن النادي السعودي هناك ، وستجد شباب طيبين يخدمونك .
لا تشيل هم ، لأن المدينة جميلة وأحمل فيها ذكريات رائعة .
أهنئك على اختيارك .
ربنا يوفقك

هلابك اخوي

طيب اخوي بس ابي طريقة احصل فيها السكن وانا هنا لان انا معاي زوجتي
وش افضل شي اسويه عشان اتجنب البهذله ابي اوصل هناك وانا مرتاح بخصوص السكن

جتني معلومه تقول ان السكن الجاهز باثاث سعره 1400 دولار او اخذ شقه بدون اثاث وسعرها 600 دولار
مدري اذا هالشي صحيح ولا لا

أخوي
تواصل مع النادي السعودي أفضل
هناك سكن جاهز ومؤثث بكل شيء وقريب من الجامعة وله باص خاص بالمعهد والجامعة كل ١٥ دقيقة ، واسمه Park Place لكن لازم حجز عندهم من بدري لأنه عادة يكون مليان ، طبعاً سعره غالي ١٥٠٠ دولار في الشهر .
الإسكانات الثانية تختلف شروطها ، لأن بعضهم يطلب منك تاريخك في أمريكا ، ولا يمكن يؤجر لك لأن توك جديد عليهم .
هناك شقق ترفع إجارات الموية والخدمات الثانية إذا عرفوا إنك جديد ، لأن المكتب له نسبة من الزيادة .
هناك شقق عقودها طويلة (١٢ شهر) والخروج منها قبل الفترة المحددة يعرضك للغرامة .

أنصحك تواصل مع النادي السعودي وسوف يقوموا بخدمتك بكل محبة .
تحياتي لك