الأعضاء الإشتراك و التسجيل

الملتقيات
ADs

استفسار بعض الاستفسارات عن امريكا اتمنى التكرم والإجابة ^_^

استفسار بعض الاستفسارات عن امريكا اتمنى التكرم والإجابة ^_^


NOTICE

تنبيه: هذا الموضوع قديم. تم طرحه قبل 2186 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية lovelorn
    lovelorn

    مبتعث مستجد Freshman Member

    lovelorn السعودية

    lovelorn , ذكر. مبتعث مستجد Freshman Member. من السعودية , مبتعث فى السعودية , تخصصى لغة انجليزية , بجامعة جامعة الملك فيصل
    • جامعة الملك فيصل
    • لغة انجليزية
    • ذكر
    • لايوجد, الشرقية
    • السعودية
    • Aug 2009
    المزيدl

    December 25th, 2011, 12:41 AM

    السلام عليكم ورحمة الله اعضاء ومشرفي هذا المنتدى الرائع

    انا معيد في جامعة الإمام تخصص لغة انجليزية ... ومتزوج ... وبدون اطفال ( الله يرزقنا )

    ارغب في اكمال دراستي لمرحلة الماجستير تخصص TESOL


    لدي بعض الاسئلة او الاستفسارات بذكرها بنقاط واتمنى القى مجيب ...

    - هل غلاء ولاية كاليفورنيا يقارن بغلاء بريطانيا ؟ ( لأني كنت بدرس ببريطانيا بس غيرت ومن الأسباب غلاء بريطانيا .. ) فهل كاليفورنيا تبقى أرخص من بريطانيا ولا كيف ؟

    -وش ارخص وافضل و انسب مدن كاليفورنيا ؟

    - وش الولايات الي المفروض ( مااقربها ) بسبب العنصريه او الأمان مثلا ؟

    -وش الولايات الانسب والأفضل للدراسة من ناحية ( جمال الطبيعه - وامنه - وكونها غير بارده جدا طول السنه - مناسبة للدراسه ) بالعربي الولايات الي المفروض ماأفكر بغيرها ؟

    -اختبار التوفل .. هل هو ضروري لتقديم للجامعات الامريكية ... ولا أقدر أقدم بدونه واحصل على قبول مشروط ؟

    -وش سالفه الاحتبارات الثانيه الي تتطلبها بعض الجامعات الأمريكية مثل ( جيمات )او شي زي كذا ... ومتى يكون اخذها ضروري او متطلب ؟

    -وش سالفة ( شهادة الثانويه ) مع الجامعات الأمريكية ! وأنا أقدم في أحد الجامعات كان موجود خانه للشهاده الثانويه ... فهل يطلبون نسخه منها لاحقا !!!!؟

    وجزاكم الله خير الجزاء
  2. اولا اسأل الله ان يرزقك الذرية الصالحة وتقر عينك بهم ,,,

    بالنسبة لكاليفورنيا وغلاء المعيشة فيها ,, طبعا الصورة العامة عند الكثير عن كاليفورنيا انها غالية ,, وهذا كلام غير دقيق ,, من الصعب جدا انك تحكم على كاليفورنيا بشكل عام ,, لازم تحدد المدينة ,, لأن فيها مدن من اغلى مدن امريكا مثل سان فرانسسكو ولوس انجلس ,, وفيها مدن متوسطة ,, وانا شخصيا عشت فيها ودرست فيها في جامعة كاليفورنيا ستيت في مدينة اسمها سان برناردينو ,, تبعد يمكن ساعة ونص عن لوس انجلس وكانت الاسعار فيها جدا معقوله وأرخص من مدن كثيره سواء في كاليفورنيا او في ولايات ثانية ,, وأعتقد ان اكثر شي يهمك في الغلاء هو اسعار السكن ,, فتقدر تدخل على واحد من الروابط اللي باحطها لك وتاخذ منها فكره عن اسعار السكن والقرار يبقى لك ,,
    www.craigslist.org
    www.rent.com
    بالنسبة للولايات اللي فيها عنصرية ,, بشكل عام جنوب امريكا عنصري وشمالها العكس ,,, ومع ذلك فيه طلاب سعوديين كثير في الجنوب ومرتاحين ,,

    بالنسبة للولايات اللي تسأل عن توفر كل الاشياء الحلوة فيها فهذي ابدا ابدا ابدا غير موجوده في امريكا ههههههههههه ,,, يعني عمرها ما تجتمع في ولاية وحده ان الطبيعة تكون حلوة والاجواء حلوه والاسعار حلوه واجواء الدراسة حلوه والامان اخر حلاوه ,,, يعني لازم تتنازل عن اشياء مقابل اشياء ,, بالنسبة للأجواء الحلوة لو تقسم خارطة امريكا بالعرض لنصفين شمالي وجنوبي ,, الشمال غالبا بارد والجنوب حار ,, وبالنسبة للغلاء القاعدة العامة لو تقسم خارطة امريكا بالطول لثلاثة اقسام شرق وغرب ووسط ,, بيكون الشرق والغرب غاليين ,, والوسط بيكون رخيص ,, طبعا الكلام هذا (عااااااام ) ,, بس انت لازم تغير طريقة بحثك وتحدد المدن اللي تبغاها ,, والشيخ قوقل بيعطيك كل الاجابات من ناحية الامان والاعراق اللي تعيش في البلد وطبيعة الحياة فيها ,,, وانا شخصيا ارشح لك كم مكان بحكم انك تبغى مكان فيه اشياء حلوه ومايكون غالي مره ,, اورلاندو في فلوريدا ,, دنفر في كولورادو ,, وولاية اوريقون ,, وكاليفورنيا فيها كم مدينة ماهي غالية مره ,,

    بالنسبة للتوفل ,,, التقديم على قبول مشروط مو لازم انك تكون مختبر التوفل ,, لأنك لو كنت مختبر التوفل وجايب الدرجة المطلوبه بيجيك قبول غير مشروط ومايحتاج تقدم على مشروط هههههههههه ,, يعني انت تقدم عليهم وهم بيقبلونك بشرط انك تجيب درجة معينة في التوفل او اي اختبار ثاني يطلبونه ,, وفيه جامعات تطلب التوفل او انك تتخرج من معهد اللغة اللي تابع لهم ,,

    بالنسبة لاختبارات الجيمات والجي ار اي الله يمتحن اللي اخترعها وابلشنا فيها ,, الاختبارات هذي تكون مطلوبه في تخصصات معينه للماستر والدكتوراه ,, ولا اعتقد انها مطلوبه في تخصصك ,, بس لازم تتأكد من شروط القبول في الجامعة اللي بتقدم عليها ,, اذا ما كانت موجوده احمد ربك وبوس يدك وش و قفا ,, واذا كانت مطلوبه فاحمد ربك برضه على قضاءه وقدره واحتسب الاجر هههههههه ,, هذي اختبارات يكون فيها رياضيات وجبر وهندسة ولغة ولازم تحضر لها زين ,,

    بالنسبة لشهادة الثانوية تطلب للي بيقدمون على البكالوريوس اما الماستر ما تطلب منهم ,, بس دامك شفتها في موقع الجامعة ما اقدر افتيك ,, ارجع وتأكد من الموقع انها شروط للماستر << احس فيه شي غلط ,,

    وأي سؤال لا يردك الا كيبوردك
    7 "
  3. الاخ ماجد الله يعطيه العافيه وفي و كفي .

    بس فيه نقطه من ناحية العنصريه في الجنوب ، صراحه انا عشت قبل عدة سنوات في ولاية المسيسيبي ( طبعا قبل احداث سبتمبر) و كان فيه عنصريه فقط ضد السود و ليس ضد العرب ؛

    و الآن انا اعيش في تكساس و لا لاحظت ابدا اي عنصريه ضد احد بما فيهم السود ، انا اسمع عن العنصريه في الجنوب لكني لم الاحظها ابدا .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.