الأعضاء الإشتراك و التسجيل

الملتقيات
ADs

استفسار موظــف في شركة ارامكو السعوديه ... وابي اطلع للبعثة << الرجاء الدخول

استفسار موظــف في شركة ارامكو السعوديه ... وابي اطلع للبعثة << الرجاء الدخول


NOTICE

تنبيه: هذا الموضوع قديم. تم طرحه قبل 2215 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. كنت بارامكو درست فيها 8 شهور وعطيتهم الخامس قسم بالله التعامل معنا عمال نظافه خاصه نظام التذاكر اللي على خطوط ارامكو ياعمي بارمكو لاتجيهم الا مهندس الحمد لله ضموني وخلصت اللغه وبدرس هندسه ميكانيكا ماراه تتعب باللغه انا 8 شهور ب ارامكو تعلمت كثير باللغه ماقصرو تحياتي لايوقف طموحك
    7 "
  2. وأنا بعض موظف في قسم التشغيل بنظام النوبات ( الشفت) ، ولي أكثر من 8 سنين بالشركة . بس أنا الحين ناوي أستقيل وأروح أدرس هندسة كيميائية في أمريكا. بس أهم شي اللي بيستقيل من الشركة لازم يأخذ قرب البيت وبعدين يطلع لأن هذا القرض هو الميزة الوحيدة في أرامكوا اللي تميزها عن باقي الشركات


    وبالتوفيق للجميع
    7 "
  3. والله نفــسي القى حالة نفس حالاتنا ... يعني موظف على راس العمل في ارامكو وقرر يترك ارامكو عشان يدرس .. بالخارج ,,,

    ويقولنا كل شيء ... ايش استفاد من ارامكو بخصوص قرض البيت اخذه او لأ .. او ايش سوى قبل لا يطلع .. هل اخذ اجازة بدون راتب .. او لأ ؟؟

    وانا اشوف انو انسب حل .. ان الواحد يشوف له واسطه قويه .. ويجي اكس تايم سته شهور يكون ضبط وضعه هناك من معهد وكل شيء ومأمن بعد كم قرش عشان المعهد .. واذا جاه الالتحاق يقدم استقاله ...
    اتوقع الى الآن هذا انسب حل ..

    ولا ش رايكم يا شباب .. ؟؟؟
    7 "
  4. إلى جو ما عليك توكل على الله و كمل دراستك و ما عليك من كل واحد يقلك الشغل بأرامكو ما يتعوض يتعوض و نص!! انا أبوي كان يشتغل في أرامكو هندسة بترول بعدين ترك الشركه و راح شركه إمراتيه و الحمد لله مشي وضعه هناك وضعك الحالي للأسف مش جيد لان معاشك قليل 5500 مش كفايه أنا أنصحك تروح و تتوكل على الله و إذا تبا ترجع تشتغل في أرامكو أنصحك تدخل في هندسة البترول في جامعة تلسا university of tulsa لأن هذه الجامعه معترفه و بقوه من أرامكو ومعاش المهندس البترول ماشاء الله طاير اول شي تسويه أسال بعثات أرامكو بعدين إذا لا سمح الله ما توفقت جيب توفل ولا إيلتس و صدقني لا تخاف من ناحية القبول بيقبلوك هناك سمستر واحد ولا ثنين حول على بعثة أرامكو لا خادم الحرمين الشريفين
    7 "
  5. مع احترامي لرأي الاخ هندسة البترول مجالها ضيق عندنا في السعوديه و اكثر خريجي هندسة البترول يذهبون لارامكو او لسابك ،

    اذا الله وفقك و عزمت على دراسة الهندسه فانا انصحك بالهندسه الميكانيكيه او الكهربائيه او الصناعيه او هندسة النظم ، هذه الشهادات تقدر تشتغل فيها في اي مكان تريد و تعطيك خيارات اكثر اين تعمل عكس هندسة النفط .

    بالنسبه للتحويل لبعثات ارامكو فهو على نطاق ضيق جدا و في تخصصات معينه وان قبلوا احد فهم عادة يقبلون اللي خلص نص الكريدتس المطلوبه للتخرخ ، فمثلا اذا تتخرج بعد اكمال 132 ساعه يجب ان تكون خلصت 66 ساعه او اكثر و يجب ان يكون معدلك لا يقل عن 2.5 /4 و كل ما كان معدلك اعلى كل ما كانت الفرصه للقبول افضل لأنهم يختارون اصحاب المعدلات العاليه .
    7 "
  6. أخونا الفاضل أنا ابوي مهندس بترول و صرله 25 سنه في هذا المجال و يقولي دايمن الشركات دايمن يحتاجون مهندسين بترول لأن هندسة البترول هي ينقسم غلى ثلاث reservoir,drilling,production الله يرحم والديك مين قال بس أرامكو وسابك في عندك شلمرجير و شيفرون و شيلل و حتى الوالد يقولي نحن نحتاااااج مهندسين بترول أو جولوجيا و لكن انا للحين و لا مره بحياتي شفت واحد متخرج هندسة بترول و ما لقا شغل اليوم الثاني و لا تنسى أرامكو تشجع الخريجين السعودين أنهم يشتغلو في ولكن الله اعلم الاخ جو أي تخصص يبا يدخل فيه بس اهم شيء الله يوفقه و يوفقك أنشاء الله
    و صحيح كلامك عن البعثه
    7 "
  7. اخوي كلامك صحيح مهندسي البترول مطلوبين في شركات البترول و البتروكميكال و الشركات التي لها علاقه معها ، اللي اقصده ان خريج البترول ما يقدر يحصل شغل مثلا في حايل و لا القصيم ولا الخرج ولا في المنطقه الشماليه ولا الجنوبيه و لا حتى في القطاع الحكومي بينما تخصصات الهندسه الاخرى تقدر تحصل وظيفه في اي مكان تريد حتى في البلديه ا و شركة الكهرباء او شركات الاتصالات او اي مكان آخر .

    تخصص هندسة البترول بلا شك تخصص ممتاز لكن نطاقه الجغرافي ضيق ، هذا اللي كنت اقصده .




    7 "
  8. الله يعطيكم العافيه يا شباب على تفاعلكم ...

    الاخ Nemdo0000 والله افدتني كثير الله يجزاك بالخير وياليت تسأل الوالد ايش التخصصات المطلوبه حاليا ... من التخصصات الثلاثه اللي انت ذكرتها ..
    وان شاء الله اني ناوي ادرس يا هندسه ميكانيكيه .. او هندسة بترول ... لان تخصصي اصلا في ارامكو .. صيانه ميكانيكيه ..

    الاخ mso ما قصرت بتفاعلك يا غالي ..
    ودامك في امريكا يا ليت اسألك كم سؤال .. ايش ارخص الولايات بامريكا .. واتمنى يكون فيها جامعات قويه ومعترف فيها ... ويعطيك مليون عافيه حبيبي ...


    دمتم بود ^_^
    7 "
  9. المشاركة الأصلية كتبت بواسطة Mr.Joo
    الله يعطيكم العافيه ... يا شباب تفاعلكم اثلج صدري الصراحه .....


    شباب انا في العمل .. عشان تكونون في الصورة ... الراتب 5500 ريال فقط + بدل سكن 3 رواتب في السنه .. والزيادات السنويه كل ما لها بتنقص يعني ارامكو بتقلص قد ما تقدر الزيادات السنويه ... واللي يشتغل بارامكو عارف الشيء هذا ... انا لي اكثر من سنه في ارامكو ... زاد راتبي 135 ريال فقط لا غير يعني صار راتبي طول الله اعماركم 5635 ريال ,,,,

    ^^^^ وفوق هذا ننكرف 8 ساعات في اليوم ولا تقدر تحك راسك ... ورئيسك ما يعرف هذي ولا هذيك ما تدري كيف صار رئيس ... يعني الشغل كله واسطات وقلة ادب ..

    لكن سمعة ارامكو تظل الشركة الام بالمملكه العربيه السعوديه ... لذلك الناس اذا سمعت بموظف ارامكو رفعوه السما مادروا انه ماكل تراب الله يعزكم ... خصوصا الفنيين منهم ..

    وانهم بيطلعونك بعثة ... هذي بالعربي انقزهاااااا الا في حالة انك ولد عم خالد الفالح <<< رئيس الشركة وكبير مدرائها التنفيذيين .... زي ما قلت لك اذا عندك واسطه بتطلع بعثة سلام سلام ...

    اما تشد حيلك وتهايط والله بتقعد محلك ...

    والفني في ارامكو مهضوم حقه وبقوة ... يعني المهندسين ماشاء الله في ارامكو رواتب عاليه ما يخالف ومميزات واجازات اكثر ما يخالف نقول هذا كد وكافح عن الشهاده ولازم يحصل على هالمميزات ... لكن اللي فاقع قلبي .. ان هالمهندسين مسنعين امورهم من فوق كل يوم وهو رايح دوله اسبوع او 3 اسابيع او 3 شهور .. يا انتداب او كورسات وعلى ظهرك يا ارمكو .. هو واهله شهر بايطاليا و3 شهور بـ هيوستن .. و3 اسابيع في كوريا .. وشهر بالمانيا ... والفني ماكل تبن حتى نقل ما ينقل عند اهله ..

    طيب المهندس هذا اخد الشهاده ودرس اقل شيء 5 سنين واكيد الدراسه اللي اخذها تعلم اكثر من الفني بكثير ... ليه تطلعه بعد كورسات وتاسكات ومدري وشهو ... طور من الفنيين اللي عندك اقل شيء .. لا تعطيهم شهاده ارفع مراتبهم وطلع دورات وكورسات برا ... هذا اللي ما عنده واسطه بارامكو ... بالعربي ماكل تبن والحمدلله ...


    اخيرا ... وعلى كثر كلامي هذا كله .. وسب في شركة ارامكو ... ابدا في حياتي ما راح انسى فضل هالشركة علي ابدا اخذتني من بعد الثانوي وعلمتني انجليزي واعطتني الدبلوم وصرفت علي خلال فترة الدراسه من مكافآت وبدل سكن وبدل نقل ... لكن اهانتني في الوظيفه ... عالعموم انا احب هالشركة جدا واتنمى لها الافضل دائما وابدا واتمنى ان ما احد ينظلم فيها ابدا ... لكن ما نقول غير حسبي الله ونعم الوكيل ...


    نظرتي (( فني في ارامكو ما ينفع ,,, اقل شيء مهندس عشان تمشي بهالشركة .. وفرق الرواتب شااااااااسع جدا والزيادات شاااااسعه جدا بيننا وبينهم ... حتى لون البطاقه يختلف خخخخخخخخخخخ .... )) ان شاء الله .. الله يكتب اللي فيه الخير ان شاء الله ...

    انا بحاول اني ما اترك ارامكو .. يعني باخذ اجازة مفتوحه بدون راتب مدري يرضون ولا لأ .. واكمل دراستي وارجع ... <<< اذا كلامي غلط اتمنى القى تعليقات عليه يا شباب ...


    وابغا اسالكم يا شباب كيف اختبر اللآيلتس في السعوديه هنا .. ؟؟؟ وهل فيه مقررات له تساعد على حصول درجات عليا مثلا ... ؟؟؟

    دمتم بود ^_^ وآسف عالاطاله
    حبيبي روح ادرس احسن لك. انا خريج الاي تي سي جده ادمن كليرك. اشتغلت سنه وشفت الكرف واستقلت. بس جيب عذر قوي عشان يخلونك تطلع وما يطالبوك بفلوس. ومافي شهاده يعني ما استفدنا من السنوات الي راحت الا خبره ولغه وكيبوردنق.

    انا صارلي سنه ونص مستقيل وادرس بأمريكا. اهم شي قبل ما تسويها تكون عارف الصعوبات الي حتجيك بالمستقبل حتحببك بارامكو وراحة البال الي كنت فيها. انا انضميت بالبعثه بقرار الملك بمارس.

    الله يوفقك
    7 "
  10. اخوي Falcon ,,, اخبارك ايش مسوي ..؟؟
    ان شاء الله مرتاح ومبسوط في امريكا .. ؟
    كيف الدراسه هناك وايش هيا التخصصات .. ؟؟
    وانت بالذات ايش تخصصك ..؟
    وايش الصعوبات اللي واجهتك هناك ...؟؟
    وكم تكلفة المعيشه ..؟
    وكم صرفت من اول يوم لك بامريكا الى تاريخ انضمامك للبعثة .. ؟


    الاسئلة كثيرة سامحنا ...

    دمت بود ^_^
    7 "
3 من 8 صفحة 3 من 8 ... 234 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.