استفسار موظــف في شركة ارامكو السعوديه ... وابي اطلع للبعثة << الرجاء الدخول

الوالد عايش مرتاح الحمد لله لما نقل من أرامكو كنت دايمن أسأله شو الفرق بين أرامكو و بين زادكو(الشركه الي هو يشتغل فيها حاليا) قال لي أرامكو ما كانو يقدرو شغلي و لكن هنا يقدرون شغلي و تعبي و سالته عن الراتب ما رضا يقولي كم و لكن قال لي هو دبل عن راتب أرامكو و قرار أنه يترك أرامكو كان قرار قوي و صعب جدا لأنه تعرف عاش كل حياته في السعوديه و أتذكر في ذاك الوقت كنت في سادس إبتدائي و تعودت على أجواء السعوديه أصعب سنوات كانت أول سنتين بعدين تتأقلم و لكن مش ضروري مره وحده تشتغل في أرامكو راتبها سيء و حالتها سيئه جدا أنصحك تحط عينك على شيفرون و لا شلمبرجير لأن راتبهم أفضل بكثيير و التوظيف فيها زين بالتخصصات الهندسيه و بالأخص هندسة بترول

الله يسلمك كانك كنت تبع ارانكو
اييييه اما اكلناها تبن ايام الصيف داخل الفن فان وخصوصا في رمضان حتى في كم واحد من الشباب اغمى عليه

ياااخي اطلع مالك ومال الماشينست ترى بتاكل هوا اذا قعدت زياده نصيحه مني
بس اذا ماعندك نفس تذاكر خلك محلك ابركـ

الأخوان ...>>> SILVER و LAMPO ...

خخخخخخخخخخخخخخخ اقدر احلف انكم عشتوا معاناة المشينست في ارامكو خخخخخخخخخخخ والله انك صادق متعلق ب فن فان ولا تفتح بلوط فالف معلق بعز القايله ...

والله الشغل محد يقول لـــه عــيب هذا اول شيء ... ثانيا يا شباب .. اللي ما عنده طموح يتقبل الوظيفه بارامكو ويرتاح فيها ان شاء الله ...

وانا عندي طموح ... ومقتدر ماليا ... <<< مانيب مطنوخ باللحيل لكن الحمدلله ميسور الحال ...

السؤال هنا ... سيلفر ولامبو ... يا شباب وين رحتو بعد الاستقاله من ارامكو ... وين درستو بالضبط وكم كلفتكم الشغله ... ؟؟؟

ابغا اعرف تكاليف السفرة كامله الى ان التحق بالملحقيه باذن الله .... كم بالضبط .. او رقم تقريبي ... << شباب لا احد يفتي من راسه الله يخليكم ههههههه اللي طلع ومجرب يتكلم ...



دمتم بود حبايبي

^_^

أخوي التكاليف ما تقدر تحددها لأنها تعتمد على اشياء كثيره ، فالاسعار تختلف من جامعه لجامعه و من مدينه لمدينه ومن سياره لسياره و من سكن لسكن حتى رحلتك بالطائره تختلف من خطوط لخطوط .

فآنت حدد الجامعه و في اي ولايه و ابن ميزانيتك عليها ،

بس اسمع نصيحة اخوك اللي ما يريد لك الا الخير ، ابعد عن تخصص هندسة النفط ، هذا التخصص كثيرين دخلوه و ندموا اشد الندم ،

انا كما ذكرت لك كنت موظف سابق في ارامكو و اعرف الوضع جيدا في الشركه وصدقني ارامكو ما يوظفون اي خريج معدله اقل من 3 من 5 او 2.5 من 4 و من كان معدله اقل بقليل يطلبون منه خبرات سابقه في نفس مجال العمل و هذا الشرط صعب . و ان وظفوا فهم يوظفون باعداد قليله .

و للاستزاده من معاناة خريجي قسم هندسة النفط اليك هذا الرابط :

عدد من مهندسي البترول السعوديين العاطلين عن العمل يؤكدون أن هناك تضليلاً مورس تجاههم وإغراءات مزيفة دفعتهم للالتحاق بتخصصهم..!

السلام عليكم
انا كمان موظف بنك سامبا(البنك الامريكي السعودي) افكر في الدراسة بالخارج (امريكا)

بس معاناه كلمه المعاناه ماتكفى حقها
اكيد محد قال الشغل عيب وثانيا نفس قلت لك اذا مالك نفس تذاكر اقعد محلك

عندك طموح شي حلو

مقتدر ماليا شي حلو برضو بس عندك باك اب
مثلا الوالد يعني لو احتجت شي يعني فلوس فيكون عندك ظهر

انا اختبرت ايلتس وجبت ٥.٥ وجبت قبول مشروط من Arizona State University
في Tempe
طبعا اذا تبغى تخش الجامعه على طول يبغو ٦.٥
المهم انا احين في المعهد باقي لفل غير اللفل اللي فيه انا

بتكلم لك عن اول شهرين لما جيت هنا

٤٠٠٠ ريال تذكره رايح على الطيران القطري
ولحسن الحظ اعرف واحد من الشباب فاستقبلني من المطار وقعدت معاه في شقته شهر
السمستر في المعهد تقريبا ١٠٠٠٠ ريال طبعا انا قلت بعدي المعهد من اختبار تحديد المستوى بس <<< معصي نبي نسحب فلوسك ياولد اقعد هنا
حاليا نقلت لشقه ٣ غرف الايجار الشهري ١٧٥٥ ريال وفي تامين تقريبا اجار كم شهر ٣٨١٧ ريال تاخذه اذا طلعت من السكن. هذا تدفعه لان ماعندك سكيورتي نمبر اللي يعطوك وياه اذا كنت موظف في امريكا
بس بما انه فيزتك طالب مالك حق تشتغل واذا صادوك تشتغل دائره الهجره بتوديك ورى الشمس يعني بترجعك السعوديه خخخخخخ

يعني يعني تقريبا دفعت اول شهرين ٣٠٠٠٠ ريال

بعدني على حسابي لان احين الملحقيه قامو يسوو نفسهم يمشو على النظام
ورفضو الطلب قال لازم تجيب قبول من الجامعه وانا عندي
قالو نزل جدولك في الجامعه وانا مااقدر لان بعدني في المعهد

يعني ننتظر المكرمه ابرك

واذا عندك اي سال احنا في الخدمه

حسيت كاني الفندر هههههه

silver حبيبي يا لبى قلبك ...

والله لي صاحب هناك في تامبا وهو وحرمته يدرسون هناك ... يقول الوضع ممتاز عندهم ... وانت الله يسهلها عليك يا رب ..

ويفرجها عليك يا رب ... ويجيك القبول من الملحقيه .. باذن الله ... اجل تقولي 30 الف ... هااا ... ايه االله يعين يا رب ..

انا اقول كيف الجو عندك اللحين ..؟؟؟ وكيف جو الدراسه عندك ..؟؟ وايش ناوي تدخل تخصص ان شاء الله ...؟؟

وهل يقبلون الكورسات اللي اخذناها بارامكو .. ؟؟ ولا نبلها ونشرب مويتها على قولتهم ...

وانت كيف وضعك اللحين بارامكو ... شطفتهم مرة وحده ولا اخذت اكس تايم ولا كيف ... وايش كتبت في الاستقاله حقتك ...؟ ايش الاسباب ..

يعطيك مليون عافيه ...

الصراحه ودي اجلس معك واخدك علومك كلها ... خخخخخخخخخخخخخخخخ بالتوفيق حبيبي ...


دمت بود ^_^

uppppppppppppppppppppppppp

uuuuuuuuuuuuppppppppppppppp

السلام عليكم .. احييك و أحيي الشباب الطموحين سواءا من أرامكو أو غير أرامكو ..
اللي خلاني ارد على موضوعك انه شبيه بوضعي ,خليني أقولك ايش صار معاي بالتفصيل وعلى اساسه قارن وحدد مصيرك ,بس لا تخلي احد يؤثر على قرارك ,انت المسؤول أولا وأخيرا عشان ماتندم لا سمح الله وتقول ياليتني ,قرر وانت مقتنع مية بالمية :

انا موضف ارامكو صار لي 12 سنة فني كهرباء مع العلم ان نسبتي في الثانوية كانت 90 الا اني دخلت الايتي سي على بالي برنامج الابتعاث لأرامكو
داومت ماعجبني وضع الفنيين ابدا زي ماقلت انت والشباب ,المهندسين في ارامكو هم اللي عايشين ,زملائي اتخرجوا مهندسين الان هم ماسكين مناصب في الشركة من فورمان لسوبرانتدندت وانت طالع وانا مازلت قريد 8 (لاحظ الفرق )
كملت انتساب في جامعة الملك عبدالعزيز ادارة اعمال بمعدل عالي جدا واعتمدت الشركة شهادتي ولكن مع الاسف مازلت فني (شايف كيف المعاملة )
تم اختياري عضو في المجلس الاستشاري للقادة الشبان على مستوى الشركة ,اجتماعاتنا تكون مع رئيس الشركة والنواب ,ومازلت فني (لاحظ تأثير المسمى الوظيفي علي) مع اني الفني الوحيد بينهم لكنهم ماغيروا المسمى
اختبرت التوفل وجبت درجة 84 من فضل الله , والجماعة لازالوا ما عندهم نية اني اطلع اكمل على حساب الشركة
الان أقولها بكل فخر ,منتظر القبول من جامعة أوريجن ستيت بكورفاليس لدراسة هندسة كهربائية وبدون تردد راح ابدأ بأذن الله هذا الصيف .

نقاط مهمة :

اذا جيت تستقيل من الشركة لازم تكتب سبب الاستقالة اكمال الدراسة ولازم يكون تاريخ بداية دراستك خلال شهرين من استقالتك ولما تخلص ان شاءالله تقدم أوراقك على ارامكو برضو خلال شهرين وبكذا خدمتك في الشركة قبل ما تستقيل راح تحسب لك .
اذا ربنا يسر لك وبديت الدراسة في امريكا ,لازم تكون الجامعة والتخصص من ضمن الجامعات اللي تبعث لها ارامكو سي بي سي ,بعد ماتعدي 30 ساعة في الجامعة (9 منها ساعات تخصص ) قدم على برنامج كولج كونتينيويشن بروجرام ويضموك وتصير زيك زي طلاب السي بي سي أول ماتتخرج على طول تتوظف .
في ناس طوحها الوظيفة اذا كنت منهم لا تتعب وتستقيل خليك في وظيفتك أما اذا كان طموحك اكبر من الوظيفة فتوكل على الله وكمل دراستك .رأي شخصي

لا تنسى تاخذ قرض البيت الخاص بك عشان يعينك بعد الله في دراستك ,ولا تنسى تتدعي لي ,ربنا يوفقنا واياك