استفسار موظــف في شركة ارامكو السعوديه ... وابي اطلع للبعثة << الرجاء الدخول

اذا انت مستواك جيد وحاب الدراسه اطلع اما مستواك مومره لاتفوت الوظيفة
لاتنسى انه ألوف مؤلفه بالخارج قادمين ولاتنسى العاطلين الملايين في السعوديه!! وللاسف الحكومه لاتحرك ساكن!

انا كنت اضحك على وظيفة اخوي الحكوميه الحين اتمنى اكون بوظيفة عندي راتب 8 الاف ولا اتمرمط برا وبالاخير ارجع اتحسر لا وظيفة ولا شي الا بالواسطه

أرخص الولايات الله يسلمك هي ولايات الوسط مثل كنساس ، اركنساس ، ميسوري . وولايات الجنوب مثل تكساس اوكلاهوما اريزونا ، نيو مكسيكو ، الاباما ، المسيسيبي و لويزيانا .

هناك ولايات في الشمال اسعارها معقوله لكن مشكلتها البرد و الثلوج مثل الالونويز ، ميتشقن ، اوهايو وويسكنسون.

ولايات الساحل الشرقي مثل نيويورك وواشنطن و الغربي مثل كاليفورنيا غاليه ،

كاليفورنيا ولايه رائعه و جميله و لكنها غاليه خاصه اسعار السكن في المدن القريبه من اماكن الترفيه و المدن الكبيره .

منطقة ( New England ) في الشمال الغربي غاليه و باااااااارده .

تكساس جوها مثل جو السعوديه تقريبا و جامعاتها قويه و معترف بها و اسعارها معقوله .

و على فكره ، ترى خالد الفالح متخرج هندسه ميكانيكيه من جامعة ( Texas A&M ) .

الله يوفقك وين ما رحت .

شباب اللي يخبر لي وحده مبتعثه ... ودها تتزوج خخخخخخخخخ انا في الخدمه ...

up up

أسف جدا على الرد المتأخر والله أخونا نفس ما قلتلك يألت الوالد و قال أحسن شي هو هندسة بترول و إذا ما هجبك أدخل جيلوجيا و إذا ما حبيت جولوجيا جيوفيسيكس لكن أحسن شي هو هندسة البترول لأن الراتب حلو و كلام mso صحيح و أتفق معاه من هذي الناحيه و لكن إذا تبا وظيفه في أرامكو هندسة بترول أحسن شي

المهم إذا تبحث عن جامعه بس قولي إسم التخصص و نوع الولايه إلي تباها و أنا بخدمتك ما حد قدي في السيرش و خاصتا من ناحية الجامعات (بشرط تدفع 100 ريال على كل حرف) ههههههههههه أمزح معاك أخونا الفاضل دعائك لي أهم شي والله

الأخوان ... mso و nemdoo >> الله يعطيكم العافيه ... لكم الدعاء بظهر الغيب باذن الله ... ولا يهينون جميع اعضاء المنتدى والقائمين عليه ...

اخوي mso >>والله انك ما قصرت حبيبي ... معلومات قيمة جدا .. جدا ..الله يعطيك العافيه مرة ثانيه ...

دمتم بود .. ^_^ ...

بس ودي القى واحد ثلي متوظف في ارامكو وطلع برا ... بشوف هل هو متمرمط برا ولا عايش مرتاح ....

والصراحه انا مستواي الحمدلله لا باس فيه وشدة الحيل لابد منها .. بس ناوي اشد حيلي بشيء يستاهل مب اشد حيلي وفي الاخير ارجع لا القى وظيفه ولا شيء ... هذا اللي يدبل الكبد والله ... الله يزين الحال عندنا هنا في السعوديه .. خصوصا في مسألة توظيف الشباب العاطلين ..

دمتم بود .. ^_*

انا موظف ارامكو مثلك وحدمتي 8 سنوات وهذا انا بترك الوظيفه وبروح ادرس

نصيحه اطلع كمل دراستك ولاتشاور احد ,, من حسن حظك انك ماضيعت الا سنه واحده من عمرك في العمل مع ارامكو

ارامكوووو على المدى الطويل بتفقع كبدك نصيحه اطلع ,, باختصار اذا لم تكن سنير في ارامكو فاعتبر نفسك لست بموظف

ههههههههههههههههههههههه
اسمح لي بس كنت مكانك
ميكانيكي بعد بس اشتغلت لمده سنه و٩ شهور وطلعت قبل ثلاث شهور

وشي ثاني اي شهادات اللي تخربط عنها
high achievement
هههههههه نقعهاا في ماي واشربه

ونصيحه مني اطلع قبل لاتشيب وزي ماقالو الشباب اللي انت فيها ماتتسمى وظيفه
صحيح هي وظيفة مضمونه بس ياخي ترى بتاكل تبن في ارامكو
اذا مو محتاج او مرتبط بشي اطلع اما اذا عندك شي مرتبط فيه اذا مهم اقعد لين ماتخلصه
انا الدائره اللي كنت فيها انا كنت تاسع واحد استقيل في ٣ شهور وفي واحد منا كان مهندس يبغاهم يعطوه رليس سنه بيكمل ماجستير بس ماعطوه واستقال



فكـــــر عدل في النهايه هذا اختيارك
وانت اعرف بمصلحتك اكثر من غيرك

^^
عجبتني high achievement .. نقعها واشرب مويتها
ههههههههاااي .. ذكرتني بالايام الخوالي .. اااه يازمن .. اضحكتني عسى السعاده دوم بدربك
صاحب الموضوع .. الله يوفقك يارب .. اذا انت مقتدر ماديا .. روح ادرس و ارجع بشهاده
بشرط انك تدرس المجال اللي تحبه وراح تبدع فيه .. و خلك من كللام المثبطين و غيرهم
راس مالك بارامكو ماشينست قريد ٧ .. مره متعلق بفن فان او تفتح وتسكر بلوط فالف في عز القايله
بالتوفيق لك