ضروري .. معادلة الشهادة من موقع WES.....!!
السلام عليكم ..
انا مبتعثه بكالريوس و باقيلي شهرين واخلص اللغه ان شالله طبعا بدأت اقدم على جامعات و زي مو عارفين لازم معادلة للشهادة (راح اعادل شهادة الثانوية)
و طالبين انها تترسل من السعوديه مااقدر ارسلها من امريكا .. خليت اهلي يرسلو نسخه طبق الاصل بظرف ل ويس نفسهم بعد 3 ايام جاني انه وصلتهم الاوراق و رجعو ارسلولي انو لازم في فورم اعبيه و ارسله من نفس المؤسسه التعليميه اللي درست فيها يعني وزاره التربيه والتعليم او المدرسة ،،
الان مشكلتي انو لازم اعبيه الفورم او اخلي احد من اهلي يعبيه لانه لازم يترسل من السعوديه ولازم يتعبى من الوزاره و يترسل ..
المشكله هل عندنا يوافقو يعبوه؟؟ لانه انقلش و والله مدري ..نحنا بس عشان ختم طبق الاصل عللونا معاهم :( ف كيف لو جيت اقولهم عبولي الفورم!!
ف بلييييز ابغا اعرف اللي عادلو شهاداتهم من هذا الموقع ايش سوو؟ و خاصة اللي عادلو شهادة الثانوي و كيف عبو الفورم؟؟
ضرووري بليز ابغا المعادلة تكون جاهزة ف اقرب وقت ماابقد اتأخر اكتر لانه الديدلاينز للجامعات قربت و ماابغا يفوتني التسجيل
شكرا
1 مرفق
رد: ضروري .. معادلة الشهادة من موقع WES.....!!
ملف مرفق 18514
هذي صورة للي حطوه في حالة الطلب .. طيب انا اللي اعرفه انه الاكزاميناشين ريسلت هيا الشهادة صح؟؟ طيب ليش حاطينها بالاحمر و هما قبل يومين قالو استلمو المستندات .. يعني هديك مو شهاده ولاكيف!!!
و غير كدا لو ضغطت عالرابط الاخضر الطويل يجيني الفورم .. ف اللي فهمتو هو بس اللي ناقصني .. لكن اللي بالاحمر ماني عارفه ايش قصدهم!!
رد: ضروري .. معادلة الشهادة من موقع WES.....!!
يعني كل هذي المشاهدات ومافي ولا رد؟؟!!
ضروري الله يخليكم
رد: ضروري .. معادلة الشهادة من موقع WES.....!!
انا ماعرف اتمنى الاخوان يفيدونا سؤالي ايضا-بالنسية لمعادلة الشهادة لخريجي البكالوريس ايش متطلبات المعادلة؟؟؟؟؟؟؟؟
هل راح يطلبو وثيقتي ولا يكفي بس كشف الدرجات؟؟؟؟؟؟؟؟؟؟؟؟؟؟؟ لاني عملت اكثر من كوبي لكشف الدرجات
رد: ضروري .. معادلة الشهادة من موقع WES.....!!
رد: ضروري .. معادلة الشهادة من موقع WES.....!!
انا استملت معادلتهم قبل فترة من غير مااعبيلهم الورقة ,
حاولي تتصلي على رقمهم وتقوليلهم عن الموضوع انو انتي في امريكآ وصعبة ترجعي السعودية عشان ترسلي ورقة .. :)
وراح يساعدوكي فيها ..
رد: ضروري .. معادلة الشهادة من موقع WES.....!!
خل احد الاهل يطبع الفورم وعبو القسم المخصص لكم
ويروحو لوزارة التربية والتعليم او احد مرافقها ان لم تكن بالرياض واعطوهم صورة الشهادة مع الفورم. راح يعبوها ويختموها ويختمو على الشهادة.
بس اهم شي انهم يحطوها بظرف عليه بيانات وزارة التربية والتعليم ويكون مختوم مكان الاغلاق وارسلوه.
المفترض من الوزارة انها تختمة لانهم عندهم علم بهذا الشي. بس اهم شي يروحو للموظف المختص مش يروحو لموظف الاستقبال ويقول ماعندنا ختم.
اتمنى اني اكون افدتك
رد: ضروري .. معادلة الشهادة من موقع WES.....!!
اقتباس:
المشاركة الأصلية كتبت بواسطة Biochemist1988
انا ماعرف اتمنى الاخوان يفيدونا سؤالي ايضا-بالنسية لمعادلة الشهادة لخريجي البكالوريس ايش متطلبات المعادلة؟؟؟؟؟؟؟؟
هل راح يطلبو وثيقتي ولا يكفي بس كشف الدرجات؟؟؟؟؟؟؟؟؟؟؟؟؟؟؟ لاني عملت اكثر من كوبي لكشف الدرجات
المطلوب تعبي الفورم تبعهم وتلاقيه بالموقع لما تسجلى.
صورة من الشهادة باللغة الانجليزية مع وصف المواد ان وجد. يتم ختم صورة الشهادة بختم اصلي مع توقيع الفورم من قبل موظف الجامعة مع ختمه وبعدين يحطو الاوراق بظرف ويختم على الظرف محل الاغلاق ويرسل للشركة بعد دفع الرسوم
رد: ضروري .. معادلة الشهادة من موقع WES.....!!
اقتباس:
المشاركة الأصلية كتبت بواسطة Me
انا استملت معادلتهم قبل فترة من غير مااعبيلهم الورقة ,
حاولي تتصلي على رقمهم وتقوليلهم عن الموضوع انو انتي في امريكآ وصعبة ترجعي السعودية عشان ترسلي ورقة .. :)
وراح يساعدوكي فيها ..
متأكد من كلامك عادي ارسل لهم الاوراق من دون الفورم ... لأني حاليا في امريكا وكل الاوراق معي من دون الفورم ؟؟؟؟
رد: ضروري .. معادلة الشهادة من موقع WES.....!!
اي عادي و انا معادل شهادتي الشهر الماضي و اخذت 10 ايام و وصلتني ،، المهم تكون الوثيقة + السجل بظرف مقفل ومختوم + صورة الجواز برا ،، وحطهم كلهم بظرف و ارسلهم و ان شاء الله يسوها لك
و في حال طلبو الفورم راسلهم بانك بامريكا و اشرح ظروفك و خلاص ،، لكن ان شاء الله انها بتمشي لتجربتي الشخصية و كثير من الشباب معاي نفس الوضع ،، موفق!