ارغب في الاستفسار ياامن لديه معلومه لاتبخل علينا

بسم الله الرحمن الرحيم

السلام عليكم ورحمة الله وبركاته وبركاته

أما بعد انا بقول لكم شغلتي بالكامل ولو انها طويله لكن علشان تفهمون الافضل لي واللي علي

انا موظف حكومي بمملكة ابو متعب الله يحفضه ويطول بعمره لنا

وباخذ اجازة بمشيءة الله من العمل لمرافقتي لزوجتي لدراسات العليا باامريكا ومعي ولدي واحتمال بنتي باخذها معنا

باقي ماوصلني (الايتي ون وقرار الابتعاث والسيفيس وامر الاركاب والتذاكر والفيزاء ) للحين ماطلعاتها لان المعهد الله يوفقه طالب مني شهادة الاصل من زوجتي وخايف ارسلها له لاني اخاف يضيعها ويروح علينا الابتعاث

المهم مالكم باالطويله .

أنا معي شهادة الكفائه المتوسطه وارغب في دراسة اللغة وارغب في مواصلت دراستي باامريكا هذا اذا يسمح لي باالدراسه .

انا اسمع باالمنتدى (F1 و F2 ) ولا اعرف وش هذي الاف ون ولا الاف تو ابيكم تعرفوني عليها وابيكم تعطوني الافضل لي ولزوجتي ولولدي لاني ناوي ادرس اللغة واحاول اكمل اللغه واذا الا(F1 و F2 )من السفارة الامريكيه

وش اقول لهم حتى يعطوني اللي تنصحوني فيه علشان احصل على رغبتي ورغبت زوجتي وياليتكم تفيدوووني بسرعه لاني بروح قريب للسفارة واتمنى اعرف كل شيء ينفعني وبمصلحتي وبمصلحت زوجتي طبعاً برضو بتدرس لغة وبعدها بتخضر الماستر.

وايضاً ماني عارف ( الايتي ون ) بس لزوجتي المبتعثه او لكل المرافقين (اي تي ون )ولا كيف الطريف فهموني تكفووون الله يحفضكم



وسلامتكم والله يحفضنا ويحفضكم من كل سوء



أخوكـــــــــــ ( أبو عبدالرحمن ) ـــــم

وعليكم السلام ورحمة الله وبركاته
مرحبا أبو عبدالرحمن
سأختصر الموضوع في النقاط التالية:
١- زوجتك لازم تحصل على فيزا F1 لأنها الطالبة الأساسية ، وبقية أفراد الأسرة (أنت وأطفالك) تأخذون F٢.
٢- أرسل للمعهد صورة مختمة من شهادة الزوجة والسجل الأكاديمي فقط حتى لا تضيع النسخة الأصلية.
٣- بإمكانك دراسة اللغة فقط كمرافق ، ولا يمكنك مواصلة الجامعة لعدم حصولك على الثانوية.
٤- أبنائك - الله يحفظهم - راح يدرسوا في المدارس الأمريكية بشكل اعتيادي جداً ، وراح يعطونهم كورسات خاصة في اللغة بعد تحديد مستوياتهم.
٥- إذا أرسلت أوراق الزوجة للمعهد ، أرفق معها صورة من جواز السفر لك وللأبناء وأخبرهم برغبتك في الحصول على آي توني للمرافقين.
٦- الآي توني الأصل سيكون للزوجة ، وبقية أفراد الأسرة سيكون لكل واحد آي توني خاص لكن سيكون اسم الزوجة موجود مع كل فرد ، لأن الزوجة هي المبتعثة الأساسية.

أتمنى أن تكون الصورة اتضحت لك.
ربنا يوفقك ويسهل أمرك