الأعضاء الإشتراك و التسجيل

الملتقيات
ADs

مساعدة داخل على الله ثم عليكم يا ربع امريكا

مساعدة داخل على الله ثم عليكم يا ربع امريكا


NOTICE

تنبيه: هذا الموضوع قديم. تم طرحه قبل 2151 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية عبسي محتاجكم
    عبسي محتاجكم

    مبتعث مستجد Freshman Member

    عبسي محتاجكم الولايات المتحدة الأمريكية

    عبسي محتاجكم , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى لايوجد , بجامعة لايوجد
    • لايوجد
    • لايوجد
    • ذكر
    • الرياض, المنطقة الوسطى
    • السعودية
    • Jan 2012
    المزيدl

    January 24th, 2012, 12:48 AM

    السلام عليكم ورحمة الله وبركاته
    اخباركم عساكم بخير

    يالاخوان بدخل بالموضوع مباشرة
    انا والله مليت من هالشغله وهالنحاسة مدري لمتى هالحال ميزانيتي 8000 ريال بالشهر
    قعدت ادور لاكثر من شهر وبشكل يومي على ولاية ومدينة اسعارها مناسبة لي وفيها معهد مناسب بالاسعار فريت المنتديات كل ابوها ماخليت منتدى ماسجلت فيه وكتبت اوراق وحللت ودرست ولقيت معهد مناسب لي سعره 800 بالشهر في دالاس وقرات عن المدينة وشفت ان العالم تمدحها من حيث اسعار السكن والمعيشه والامن نوعا ما فيها اهون من باقي الولايات الرخيصة وحاط ميزانية السكن 600 وحاط ميزانية المعيشة والكتب وغيره 700 ولكن العالم هالحين تقولي الاسعار زادت وهالمبلغ ماراح يكفيني ابد في دالاس

    فصادف اني اعرف واحد يدرس في فلوريدا وسعر المعهد مناسب جدا لي وقمت اراسل المعهد واحلل المدينة وادور سكن ورتبت كل اموري وتفاجات قبل يومين ان الملحقية قفلت الاعتراف بكل معاهد فلوريدا
    يعني لو تروح في قائمة المعاهد المعترفة في موقع الملحقية لولاية فلوريدا ماراح تلقاء ولا معهد وراسلت الملحقية وقالولي قفلناها كلها خلاص

    فبالله عليكم فيه نحاسه اكثر من هالنحاسه

    فانا داخل على الله ثم عليكم ياخبراء امريكا
    ابي ولاية او بالاصح مدينه مناسبة لي من حيث الاسعار والامن ولو واحد يطرحها لي على بلاطة ويعطيني اسم المدينة واسم معهد معترف مناسب لي راح اكون شاكر له لان الوقت يمشي علي وما ابي اضيع وقت بالبحث مره ثانية خاصة وان الاحباط صابني

    فاتمنى منكم تفيدوني وياليت تكون ردودكم في العام لاني ما اقدر افتح الرسايل اللي تجي بالخاص لاني جديد

    اشكركم
  2. فيه بعض المعاهد التجاريه (موتبع جامعات) معترف بها في كاليفورنيا وبالشهر 500 دولار لكن المشكله انها ولايه غاليه الضريبه فيها عاليه والسكن غالي ، يعني اذا بتوفر في قيمه المعهد بتطلع من جهه ثانيه "السكن" ، المشكله ان الأكثريه هنا مايعطي الأجابه الوافيه كأن لسان حاله يقول كفايه زحمه السعودين في معهدي اجيب غيرهم !، لأنه مو بس انت راح تجي احنا في منتدى و أي واحد يبحث مع مرور الايام راح يحصل الموضوع ، لذا الأكثريه يتحاشوا انهم يفيدونا ، انا مثلك ابحث وكل مابحثت وقلت بسس هذي المدينه والمعهد وبعد التشيك على قائمه المعاهد الموقوفة انصدم ان المعهد مقفل بسبب التكدس !

    ياليت اذا حصلت شي مضبوط تخبرني مع اني ماعتقد ان احد بجاوب !
    7 "
  3. السلام عليكم اخواني اتمنى تقدمو على ولاية اوريغون لانها مناسبه لكم جداًمن ناحية السكن والمعاهد والامان والمعيشه وايضاً لايوجد بها ضرائب وانشاء الله انكم بتذكروني باالخير وابحثو او استفسرو عن مدينة بورتلاند في ولاية اوريغون او اي مدينة اخرا فيها
    ايضاً انحكم باالبتعاد عن المعاهد التجاريه لانها راح تزيد من مصاعب قبولكم في الجامعات الافضل والانسب لكم معاهد اكاديميه

    وسلامتكم انا مرافق مع زوجتي بولاية اوريغون انشاء الله السفر لها عن قريب لكن لو المعهد كله سعوديين ومافي اجنبي اقول لكم الشيء الزين واللي تستفيدو منه ماني بخسران شيء واتمنى لكم التوفيق والسداد

    وبعدين انا باالعكس مراح احسد شخص او انسان او انسانه اتنمى الفايده لكم الحسد مب زين والشيء اللي كاتبه الله بيصير يعني مراح اعرف لغة الا بمعهد فيه اجانب لؤؤؤؤؤؤؤل

    توكلو على الله اخواني وابحثو عن ولاية واوريغون وستفسرو عنها وانشاء الله بتنبسطو من المعلومات عنها
    7 "
  4. بما انك على حسابك الخيارات كثير قدامك

    انا ادرس في معهد المستوى بـ ٢٤٣٩ دولار مدة المستوى شهرين
    مصاريف السكن من ٥٠٠ الى ٦٥٠ دولار شهريا في المدينة
    المصاريف الاخرى توصل الى ٦٠٠ دولار شهريا وعلى حسب صرفيتك
    المدينة حلوة للدراسة المعهد أكاديمي بس عيبه مليان سعوديين
    الأمان حلو نوعاً
    اتوقع ٨٠٠٠ شهريا بتكفيك أن شاء الله اذا عرفت كيف تصرفها
    بس في البداية راح تخسر شوي لأن اغلب السكنات يبغون ضمان
    وغير العفش اذا استأجرت شقة مو مفروشة وغير الخدمات اللي تبي تطلبها
    مثل الكهرباء والانترنت وبعض النثريات الجانبية

    بالتوفيق أخوي
    7 "
  5. يا طويل العمر عندك معهد تابع لجامعة تكساس فرع ارلنقتون ( UTA ) .

    المعهد جيد رغم ان فيه سعوديين كثير شوي ،

    المستوى الواحد يكلفك 1900 دولار و مدة المستوى شهرين

    المدينه آمنه جدا و مدينة دراسه ،

    تبعد عن دالاس حوالي 30 دقيقه ،

    مصاريف السكن و المصاريف الاخري تقريبا مثل ما ذكر الاخ كنت احبك .

    بالتوفيق .
    7 "
  6. المشاركة الأصلية كتبت بواسطة e320
    فيه بعض المعاهد التجاريه (موتبع جامعات) معترف بها في كاليفورنيا وبالشهر 500 دولار لكن المشكله انها ولايه غاليه الضريبه فيها عاليه والسكن غالي ، يعني اذا بتوفر في قيمه المعهد بتطلع من جهه ثانيه "السكن" ، المشكله ان الأكثريه هنا مايعطي الأجابه الوافيه كأن لسان حاله يقول كفايه زحمه السعودين في معهدي اجيب غيرهم !، لأنه مو بس انت راح تجي احنا في منتدى و أي واحد يبحث مع مرور الايام راح يحصل الموضوع ، لذا الأكثريه يتحاشوا انهم يفيدونا ، انا مثلك ابحث وكل مابحثت وقلت بسس هذي المدينه والمعهد وبعد التشيك على قائمه المعاهد الموقوفة انصدم ان المعهد مقفل بسبب التكدس !

    ياليت اذا حصلت شي مضبوط تخبرني مع اني ماعتقد ان احد بجاوب !
    والله يالغلا قلت كلام على لساني
    مدري ليه طلاب امريكا مايحاولون يفيدونا مثل طلاب باقي الدول ونا ما اعمم في كلامي لان فيه ناس فيهم البركه
    ياخي المعلومة والله ماتلقاها الا بالزور واذا لقيتها اضطر اني اراسل السفارة لان الموضوع اما يكون قديم له سنتين او ثلاث واما يجي واحد ويشكك فيه

    والمشكلة اللي تقول عنها عن المعاهد وغيره انا لاقي معاهد رخيصة لكن مثل ماتقول تكون في ولاية غالية فيخرب حساباتك كلها وبيني وبينك طحنا بملحقية قسم بالله خياس مايعطونك اجابة مثل الناس ولو تسالهم سؤال يرد عليك بربع سطر كان الحروف محسوبة عليه هذا اذا رد عليك فمدري وش هالحاله يارجال

    شاكر لك مرورك واي جديد الاقيه بعلمك واذا تبي المعهد اللي قلت عنه في دالاس وسعره 800 بالشهر علمني
    7 "
  7. المشاركة الأصلية كتبت بواسطة عتيق العرابي
    السلام عليكم اخواني اتمنى تقدمو على ولاية اوريغون لانها مناسبه لكم جداًمن ناحية السكن والمعاهد والامان والمعيشه وايضاً لايوجد بها ضرائب وانشاء الله انكم بتذكروني باالخير وابحثو او استفسرو عن مدينة بورتلاند في ولاية اوريغون او اي مدينة اخرا فيها
    ايضاً انحكم باالبتعاد عن المعاهد التجاريه لانها راح تزيد من مصاعب قبولكم في الجامعات الافضل والانسب لكم معاهد اكاديميه

    وسلامتكم انا مرافق مع زوجتي بولاية اوريغون انشاء الله السفر لها عن قريب لكن لو المعهد كله سعوديين ومافي اجنبي اقول لكم الشيء الزين واللي تستفيدو منه ماني بخسران شيء واتمنى لكم التوفيق والسداد

    وبعدين انا باالعكس مراح احسد شخص او انسان او انسانه اتنمى الفايده لكم الحسد مب زين والشيء اللي كاتبه الله بيصير يعني مراح اعرف لغة الا بمعهد فيه اجانب لؤؤؤؤؤؤؤل

    توكلو على الله اخواني وابحثو عن ولاية واوريغون وستفسرو عنها وانشاء الله بتنبسطو من المعلومات عنها
    هلا بك يالغالي ويعطيك العافية على مرورك
    وفعلا مدينة اوريغون سمعت عنها كثير وان مافيها ضرائب ويقولون جوها بارد ومليانه سعوديين

    انا ماهمني المعهد او المدينة فيها سعوديين او لا اللي يهمني انه مايكون متروس من راسه سعوديين لاني اغتربت كم مره وشايف تصرفاتهم لمن يكونون كثير في المعهد خاصة صغار السن فانا على حسابي وما ابي اضيع فلوسي بدون فائدة على عكس اللي رايح على حساب الحكومة فهذا سبب بحثي عن منطقة مافيها سعوديين كثير

    بس تصدق ياعتيق انا مدري هي نحاسه فيني او شنو كل مابحثت عن معهد سعره مناسب انصدم بالمدينة حريق واذا لقيت مدينة مناسبة انصدم بالمعاهد حريق واي شي القاه مناسب القا شي ضده غير مناسب ابد

    قلت بروح دتريوت اللي على حدود كندا لان فيها كم واحد اعرفه قالولي العالم المدينة هذي لاتقرب منها ابد وخطيرة ومليانه نصابين ومدري ايش وكل ما اخترت مدينة يحطمني فيها شي هههههههههههه

    اشكر لك مرورك ويكفيني ردك
    7 "
  8. المشاركة الأصلية كتبت بواسطة كنت أحبك
    بما انك على حسابك الخيارات كثير قدامك

    انا ادرس في معهد المستوى بـ ٢٤٣٩ دولار مدة المستوى شهرين
    مصاريف السكن من ٥٠٠ الى ٦٥٠ دولار شهريا في المدينة
    المصاريف الاخرى توصل الى ٦٠٠ دولار شهريا وعلى حسب صرفيتك
    المدينة حلوة للدراسة المعهد أكاديمي بس عيبه مليان سعوديين
    الأمان حلو نوعاً
    اتوقع ٨٠٠٠ شهريا بتكفيك أن شاء الله اذا عرفت كيف تصرفها
    بس في البداية راح تخسر شوي لأن اغلب السكنات يبغون ضمان
    وغير العفش اذا استأجرت شقة مو مفروشة وغير الخدمات اللي تبي تطلبها
    مثل الكهرباء والانترنت وبعض النثريات الجانبية

    بالتوفيق أخوي
    هلا فيك ياكنت احبك واشكر لك مرورك

    لكن خلنا نحسبها بالشهر
    المعهد 1250
    السكن بما انك تقول ان المدينة مليانه سعوديين فانا متاكد ماراح القا اقل من 600 فخلنا نقول السكن 650
    والصرفيه خل نقول مع المواصلات 600

    وصلنا لمبلغ 2500 يعني حول 9300 ريال بالشهر كثير

    طيب ممكن تعطيني اسم المدينة والولاية بحللها بنفسي ولك كل الشكر
    7 "
  9. المشاركة الأصلية كتبت بواسطة mso
    يا طويل العمر عندك معهد تابع لجامعة تكساس فرع ارلنقتون ( UTA ) .

    المعهد جيد رغم ان فيه سعوديين كثير شوي ،

    المستوى الواحد يكلفك 1900 دولار و مدة المستوى شهرين

    المدينه آمنه جدا و مدينة دراسه ،

    تبعد عن دالاس حوالي 30 دقيقه ،

    مصاريف السكن و المصاريف الاخري تقريبا مثل ما ذكر الاخ كنت احبك .

    بالتوفيق .
    هلا بك يالغالي

    اذا كنت تقصد هذا المعهد
    لماذا تختار دراسة اللغة الانجليزية المكث

    يارجال دخلت موقع الملحقية ولقيته فل الفل طلاب يعني المعهد متكدس مليون بالمية ومايعترفون فيه الملحقية.

    شكر لك على المشاركة
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.