الأعضاء الإشتراك و التسجيل

الملتقيات
ADs

مساعدة عندما يطغى الحسد

مساعدة عندما يطغى الحسد


NOTICE

تنبيه: هذا الموضوع قديم. تم طرحه قبل 2149 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية kebrea
    kebrea

    مبتعث جديد New Member

    kebrea الولايات المتحدة الأمريكية

    kebrea , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى طب طوارئ , بجامعة انديانا بوليس
    • انديانا بوليس
    • طب طوارئ
    • ذكر
    • انديانا بولس, انديانا بوليس
    • السعودية
    • Sep 2011
    المزيدl

    January 28th, 2012, 02:23 PM

    بسم الله الرحمن الرحيم

    اسعد الله مسائك وصباحك يامن تقرأ موضوعي

    مدخل

    ( حب لاخيك ماتحب لنفسك )

    لي خمسه من عيال عمي كلهم يدرسون بامريكا وبنفس المدينه
    طلبت من واحد منهم يجيبلي قبول معهد وقال ابشر بس بيكلفك 1000 ريال قلت سم
    ارسلت الفلوس وانتضرت اسبوع شهر شهرين ثلاث شهور ولا جاني شي او حتى رد
    وبعد ثلاث شهور كلمت ولد عمي الثاني وقلتله فلان له ثلاث شهور ما ارسل القبول
    قال ولا يهمك عطني ساعه ويكون عندك وفعلن ارسلي صوره على الايميل جزاه الله خير
    فرحت وفرحوا اهلي كلهم
    حجزت موعد بالسفاره والحمدالله استلمت الفيزا ورحت بعد فتره رجت السعوديه
    لاني بتزوج واجلت دراستي واتكلت على ولد عمي انه ياجل الدراسه الين اخلص اموري وارجع
    حددت زواجي ورتبت اموري وحدد الوقت اللي راح اجلس فيه الين اخلص اوراق زوجتي وامشي
    انتضرت ولد عمي يجي ويجيب معاه القبول الاصل لانهم سمحولي بالمره الاولى ادخل بالصوره بس الثانيه لا
    وبعد انتضار مدة اسبوع وصل ولد عمي واستبشرت خير ولما رحت سالته وين الاوراق
    عطاني ابتسامه وبكل ثقه قال ماعليش ماجبتها معاي لان القبول منتهي والغاه المعهد وبما انه الغى القبول
    فنضامياً الفيزا النلغت هو قالها بكل برود وانا تحطم كل مافيني من طموح
    بديت افكر انا الحين تزوجت وماعندي وضيفه وش راح اسوي طيب هو ليه سوا كذا ليه ماعلمني من اول
    عشان ما احدد زواجي وهو يدري انه منتهي له ثلاث شهور واللي يقهر كل ماكلمته يقول اوراقك معاي وبجيبها

    مالكم بالطويله انا الحين متزوج وحالتي مره صعبه لاوضيفه ولا سكن وعايش وربي عالم بحالي
    اللي يقدر يساعدني بقبول معهد من مدينته ويشوف ان مدينته مناسبه لشخص متزوج وسعارها مناسبه
    تكفون وربي اكتبلكم وكلي قهر تكفون محتاج مساعدتكم
    ماتفرق معاي اي مدينه
  2. مرحبا أخوي
    طول بالك ووسع صدرك ، وما تضيق إلا يفرجها ربك.
    أجمل ما في الغربة إنها تكشف معادن الناس على حقيقتها ، والحياة مدرسة ، ومصير هالإنسان -المتبلد حسياً- يحتاج لك يوم من الأيام.
    السؤال الأهم الآن: هل أنت تابع لبرنامج الملك أو على حسابك الخاص؟
    ربنا يوفقك
    7 "
  3. معقووووووووولة في ناس كذا
    طيب يقول من البداية ما أبغى أخدمك حسبي الله ونعم الوكيل
    الله يعوضك إن شالله و تكمل دراستك و تصير أحسن منه
    شد حيلك وراسل المعهد من جديد أو كلم مكتب يجيب لك قبول و لا تطلب من هذي الأشكال أي حاجة مستقبلا
    ومن يستغن يغنه الله
    الله يسهل لك أمرك يااااااارب
    7 "
  4. لا تشيل هم اخوي
    ترا من جد الغربة تعلمك في النااااس وللأسف مجتمعنا ما نتوقع منه الا كل خير لكن مؤ كل نتوقعه فعلا صحيح

    يا كتر مقالب السعودين في الغربة لكن اتوكل على الله واعرف انه نعمه انك اكتشفت دا الشخص على حقيقته

    اخوي

    سار لصحبتي تقريبا نفس وضعك لكن راسلت المعهد من جديد وأعطوها قبول وخلال أسبوعين وصلها بالفيدكس السعوديه
    وحجزت تذكره علا طول على امريكا

    لا تخاف وان شاء الله خير
    7 "
  5. الله يفرج همك من حيث لاتحتسب ...
    استاذي الموضوع ماياخذ اكثر من تسعه ايام اذا تعرف تراسل المعهد الي عليه فيزتك ....يجددون الاي تونتي (والفيزة ماتلتغي الا بعد صدورها باربعة اشهر وانت مابعد سافرت )
    واذا تبي تكون مرتاح ومطمن ويجيك القبول بسرعة رح احد المكاتب الموثق فيها تجيب قبول معاهد وفهمهم وضعك وعطهم اسم المعهد ورقم السيفيس الموجود بالفيزة (ومهم جدا تطلب منهم نفس رقم السيفيس عشان تدخل امريكا وانت مرتاح )

    والله يسهل امورك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.