الأعضاء الإشتراك و التسجيل

الملتقيات
ADs

استفسار استفسارات للملحقيه

استفسار استفسارات للملحقيه


NOTICE

تنبيه: هذا الموضوع قديم. تم طرحه قبل 2183 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ام غمازه
    ام غمازه

    مبتعث مجتهد Senior Member

    ام غمازه السعودية

    ام غمازه , أنثى. مبتعث مجتهد Senior Member. من السعودية , مبتعث فى السعودية , تخصصى sicnce , بجامعة ............
    • ............
    • sicnce
    • أنثى
    • ..........., ............
    • السعودية
    • Jan 2012
    المزيدl

    January 29th, 2012, 01:14 AM

    السلام عليكم
    قد قرأت عن الملحقيه الثقافيه

    ومعي ما يأهلني للدراسه لمدة 6 اشهر في فلوريدا او لويزينا

    بس خايفه جدا اني اطلع وما انقبل بالملحقيه علما بان جميع شروطها تنطبق على ما عدا التخصص وانا تخصصي علمي وقسمي كيمياء


    وابغا اكمل الماستر بقسم الكيمياء وما ابغى قسم غيره الا الهندسه الكيميائيه وبرضو غير موجوده في الاقسام المتاحه

    فيا ليت اللي عنده خبره حديثه مايبخل علي ارجوكم لأني ببدأ بالاجراءات والحجوزات الاسبوع المقبل ان شاء الله

    وابغى شرح مفصل كيف اني اروح لهناك واقدم على الملحقيه اوقبل السفر اقدم ؟

    شكرا مقدما
  2. يا ام غمازة اذا تبين رايي لا تطلعين لامريكا ومعاك مصاريف 6 اشهر فقط
    راح توهقين نفسك وراح نكون نفسيتك تعبانه مره وبتقعدين تعدين الساعات والايام والدقايق خوف ان فلوسك تخلص

    فانتي اذا عندك لغة قوية يعني تضمنين انك تخلصين اللغة خلال هذي الفترة اللي هي ست اشهر وتنضمين للجامعه وتبدين الدراسة الجامعية توكلي على الله وروحي لان نسبة القبول للي خلصوا مرحلة اللغة كبيرة

    لكن اذا تشوفين 6 اشهر غير كافية للانتهاء من مرحلة اللغة انصحك لا تروحين الا اذا ودك تغامرين على امل يضمونك او على امل تجي مكرمة ملكية عاد في هذي انتي وراحتك

    للاسف عندنا ملحقية زبالة مع احترامي للكلمة واحترامي للجميع والله يالكلمة ماتطلع منهم الا بطلعة الروح ونسحب الاجابة منهم سحب كانك تطرهم على معلومة واجب عليهم انهم يقدمونها لك لان هذي شغلتهم ووظيفتهم لكن مدري هل تعاملهم شين مع الشباب بس ومع البنات غير الله اعلم لاني سمعت مثل هالكلام وقراءت عنه

    بكرا تروحين للمعهد اللي تبينه وتدرسين فيه وتدفعين المبلغ الفلاني والتعب النفسي وماتدرين الا يقولون لك معليش مانقبل معهدك لانه متكدس او وقفناه خلاص بدون سابق انذار

    واذا تبين رايي واحد قعد يدور لمدة شهور على معاهد رخيصة ومناطق رخيصة وامنه ان شاء الله شوفي عندك بعض المدن في ولاية اوريغون وبعض المدن في ولاية تكساس

    الله يوفقك
    7 "
  3. الماده ماتفرق معي كثير يعني مو الغلاء الفاحش
    بصراحه خوفتي اخوي
    انا كل شروط الملحقيه منطبقه عليا
    العمر , المعدل , انشاء الله التوفل اخذه بـ 3 شهور وثلاثه شهور اضافيه من عندي لو حصل اي شي لاقدر الله
    ومافي اي مكان في العالم فيه تخصص الكيمياء مثل امريكا
    انا حتى في ارامكو انقبلت بس انا ابغى اكمل الدراسه
    اتمنى لو عندك تجربه تقولها لعلي استفيد
    7 "
  4. اخوي امنيتي
    انا حابه اعرف كيف المناخ والناس نسبة الجريمه الهدوء
    انا مياله لوكولرادو لهدوءها انا ما احب الصخب الكثير هل الجامعات في هذه المناطق صعبه في الدراسه ما اتكلم عن اللغه عن الكورس وطريقة الدراسه
    7 "
  5. شوفي ام غمازة
    علفكرة اسمك حلو هههههه

    انا اغتربت في اكثر من بلد والعن شي يواجهها الواحد هي الفلوس لمن تنقص فلوسك او تقسط على نفسك تجيك ضيقة وكائبه كبيرة وتحس ان فيه شي مقيدك وتقعد خايف يجيك طارئ ويهز ميزانيتك فعشان كذا انا اقولك اهتمي بالميزانية زين زين يعني اذا تشوفين 6 اشهر كافية لك لاتقان التوفل ان شاء الله حاولي توفرين ميزانية اضافية لثلاث اشهر وحطيها على جنب .

    وبعدين انا والله ما ابي اخوفك انا ابي احطك بالامر الواقع عشان اذا رحتي هناك ماتنصدمين وماتضيق نفسيتك وتكونين مهيئة نفسك للكلام اللي اقوله لك وبعدين على كلامك انتي تبين الحاق يعني تبين تدرسين على حسابك ثمن تقدمين الحاق على البعثة وفي هذي الحالة مايهم كم عمرك اساسا .

    اللي يهمهم في هالحالة انك تخلصين مرحلة اللغة وتخلصين 9 ساعات مثل منتي عارفه وتكون نسبتك في الجامعه يوم تخرجتي 2.75 ويكون معاكي محرم .

    فمن حيث تجربتي بقولك شي
    لاحظت ان الالحاق بالبعثة انت وحظك يعني ممكن تدرس لغة ونتي في مرحلة دراسة اللغة يضمونك او تجي مكرمة وممكن ماتجيك الا عقب ماتخلص مرحلة اللغة وهذي بنسبة كبيرة وممكن تكون منحوس ويقولون لك مانضمك لحد ماتطبق جميع الشروط وهي انهاء كم ساعة جامعية فالدعوة يبيلها مغامرة .
    ولاحظت ايضا انهم مايركزون مره على التخصصات الا اذا كان تخصص ماله داعي ابد فكثير ناس ضموهم للبعثة وهم في تخصصات غير مدرجة ضمن التخصصات المعتمدة فما بالك بتخصصك ولكن ايضا الدعوة يبيلها مغامرة .

    فانا حاس بوضعك لان ميزانيتي على قدي وتعبت جدا عشان احصل ولاية رخيصة ومناسبة من حيث الامن والاسعار ولاحظت ان فيه حوسه وقلق يعني مثلا تلقين ولاية اسعار المعيشة فيها حلوة ولكن اسعار الدراسة غالية او تلقين ولاية اسعار الدراسة فيها حلوة واسعار المعيشة غالية وهكذا

    فاخترت ولاية تكساس وبالاخص مدينة دالاس لقيت كم معهد رخيص واسعار السكن مناسبة نوعا ماء ولكن خوفوني من سالفة الامن وهونت منها.
    وبعدين اخترت فلوريدا اجواها حلوة مثل السعودية << كثر منها ههههههه ، ولقيت معهد رخيص ولكن السكن غالي وقدمت ودفعت 300$ حق التسجيل وتفاجات ان الملحقية قفلت كل معاهد فلوريدا .
    وبعدين فكرت في ولاية اوريغن قالولي مافيها ضرائب ورخيصة ولكن بارده شوي لانها قرب كندا وبحثت عن المعاهد ولقيت فيه معاهد اسعارها مناسبة يعني 800-850$ للدراسة بالشهر ، و 600-500$ للسكن مع عائلة ، ويقولون مصروفك بالشهر يكفي 500 لان العائلة توفر لك وجبات
    باختصار يبيلك بالشهر من 7000-8000 ريال شاملة كل شي

    وانا انصح الواحد يقدم على عائلة من المعهد قبل مايوصل للبلد عشان يفك راسه من اوجاع كثيرررررررررة ، وجع البحث عن سكن ووجع الاستقبال في المطار ووجع السكن في موتيل او فندق وبيوفر على نفسه مبلغ جيد هذا رايي .

    لكن تصدقين احنا مشكلتنا في الملحقية والله هي مشكلتنا الوحيدة مايعطونك معلومات مثل الناس ومعلوماتهم وتحديثاتهم قديمة يعني بعطيك مثال فتحت القائمة الجديدة اللي مسوينها قبل اسبوع وقلت يلا براسل كم معهد وفعلا راسلت كم معهد وخلاص بسجل فيهم قلت يارجال خل اراسل الملحقية واتاكد خبري الملحقية مالها امان وفعلا راسلت الملحقية عشان ارتاح واتاكد وتفاجات انهم موقفين هالمعاهد بسبب التكدس هههههههههههههه طيب ياعيال اللذينا امنو ليه ماجددتو القائمة وليه ماشطبتوها من القائمة حقتكم معقولة كل هذا كسل ، خاصة ان القائمة حقتهم كانت قديمة من عام 2006 وماجددوها الا قبل اسبوع هههههههههههه والله عيب عيب هذا حال اكبر ملحقية سعودية في الخارج .

    فانا بعطيك نصائح بسيطه <<<< بيتفلسف عليك ههههه
    1- اذا راسلتي معهد اساليه عن كل شي براسك من اول رساله عشان مايطفش منك من كثر ماترسلين ، يعني مثلا تسالينهم هل توفرون عائلة وكم اسعار العائلات وكذا .
    2- قبل ماترسلين رسوم المعهد وتسجلين فيه راسلي الزبالة حقتنا وانتي بكرامة وقولي لهم هذي المعاهد معترفة للحين او لا ؟ ولو اني عارف انهم بيقولون لك شيكي على الرابط وعقب ماتسجلين وتبدين يقولون لك لا هذا متكدس ، المهم راسليهم قبل ماتسجلين .
    3- امريكا ميزتها كبيرررة يعني تبين الولاية الحارة فيه تبين الولاية الباردة فيه تبين الولاية الغالية فيه تبين الولاية الرخيصة فيه اي شي تبينه راح تلقين فيها والجامعات فيها على قفى من يشيل فانتي في اختيار الولاية حطي براسك ان لازم تضحين بشي يعني صعبة انك تلقين ولاية رخيصة ودراسة فيها رخيصة وامن فيها وجو روعه ، فلازم تضحين بواحد والله اعلم .
    4- فرضنا انهم قالولك نبي نلحقك بالبعثة هل مرافقك جاهز ؟ بامكانك توفرينه
    5- انصحك بولاية اوريغن وراح تلقين فيها المدن الكبيرة والصغيرة عاد انتي اختاري اللي يريحك ولكن باردة شوي مثل مالت لك .

    ماودي اكثر هرج وعارف اني حستك حوس وكلامي ملخبط لكن شوفي هالرابط راح يفيدك كثير من حيث السكان وجنسهم والاجوا والاسعار وا وا وا وا :
    Best Places to Live | City Guides, Data & Demographics - AreaVibes

    وايضا شوفي هالرابط لترتيب اخطر المدن في امريكا والله اعلم عن مدى مصداقيته ، طبعا اخطر مدينة ديترويت مدينة ابو عرب هههههه :
    Morgan Quitno's 6th Annual Safest City Award in Safest Rank Order

    ايضا شوفي هالرابط فادني كثير بصراحة واتمنى انه يفيدك :
    ((( خطوات الابتعاث + دليـل شـامـل للمبتــعث لأمريـكا ))) - منتديات حائل نت

    فتقبلي كلامي بصدر رحب وانا والله ما ابي اخوفك الا ابي اريحك وابي لك الخير
    7 "
  6. المشاركة الأصلية كتبت بواسطة ام غمازه
    اخوي امنيتي
    انا حابه اعرف كيف المناخ والناس نسبة الجريمه الهدوء
    انا مياله لوكولرادو لهدوءها انا ما احب الصخب الكثير هل الجامعات في هذه المناطق صعبه في الدراسه ما اتكلم عن اللغه عن الكورس وطريقة الدراسه

    أختي اذا تحبين الهدوء و الجو المشابه للسعوديه بالاضافه الى الامان و مستوى المعيشه المتوسط ،

    عندك جامعة تكساس فرع ارلنقتون ( UTA ) طبعا هي تبعد عن دالاس حوالي نص ساعه ،

    الجامعه فيها تخصص كيمياء من مرحلة البكالوريوس الى الدكتوراه

    Graduate Degrees & Certificates | Office of Graduate Studies | The University of Texas at Arlington
    7 "
  7. المشاركة الأصلية كتبت بواسطة mso
    أختي اذا تحبين الهدوء و الجو المشابه للسعوديه بالاضافه الى الامان و مستوى المعيشه المتوسط ،

    عندك جامعة تكساس فرع ارلنقتون ( UTA ) طبعا هي تبعد عن دالاس حوالي نص ساعه ،

    الجامعه فيها تخصص كيمياء من مرحلة البكالوريوس الى الدكتوراه

    Graduate Degrees & Certificates | Office of Graduate Studies | The University of Texas at Arlington

    يارجال انسى هالجامعه ههههههه
    فل الفل عدد الطلاب فيها وهذا مكتوب بالرابط حق الملحقية .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.