أفضل ولاية لدراسة البكلوريس والله إني محتار أفيدوني
السلام عليكم ورحمة الله وبركاته
أنا ياطويلين العمر ;) ودي اكمل باكلوريس في تخصص الشبكات ومعي شهادة كلية التقنيه بمعدل 4.34 من 5 بس طبعاً بتقولون دافور :p مع اني ناسي كل شي لي عن مجال تخصصي
ثلاث سنوات وناسي كل شي فاقلت وشوله الجلسه خل ندرس مالكم باطويله قولو وش خليت ;)
وشرايكم في أي ولايه أدرس وهل أمريكا أفضل من بريطانياء أو لا وأشي الثاني الي خايف منه أني ماأمشي بالجامعه :(:(:(
وهل فلوردا أذا رحت لها أقدر اللتحق بالبعثه على حساب الدوله وكم معدل الصرف الشهري الي يكفيني مع تكاليف الدراسه
بقولكم خمس أماكن عرضن علي وشرايكم فيها والي عنده معلومه عن معدل الصرف في هاذي الأماكن واذا فيه أماكن تشوفونها أحسن لا تبخلون علي :(
1. سياتل
2. بوستن
3. شيكاغو
4. اوريغون
5. واشنطن دي سي
مستوى المعيشة هناك ؟
الأمان ؟
نسبة السعوديين ؟
أنتظر نصائحكم وَ توجيهاتكم http://www.vb.eqla3.com/images/smilies/004.gif
رد: أفضل ولاية لدراسة البكلوريس والله إني محتار أفيدوني
فلوريدا موقفه من الملحقيه لذلك اشطب عليها ،
من الولايات التي ذكرتها اعتقد ان سياتل و اريقون هما الافضل من كل النواحي .
رد: أفضل ولاية لدراسة البكلوريس والله إني محتار أفيدوني
نفسك انا محتار وش رايك نتعاون ونحصل محل حلو انا مثلك محتار بين سيتال و اوريجوون،
رد: أفضل ولاية لدراسة البكلوريس والله إني محتار أفيدوني
اقتباس:
المشاركة الأصلية كتبت بواسطة mso
فلوريدا موقفه من الملحقيه لذلك اشطب عليها ،
من الولايات التي ذكرتها اعتقد ان سياتل و اريقون هما الافضل من كل النواحي .
والله مليت من المكاتب مكتب يقول فلوريدا مشطوبه و الثاني يقول لا ماهي مشطوبه يعني برايك نشيلها من القائمه بس قهر والله فلوريدا كثير ناس مدحوها لي :(
طيب أذا شلناها وش رايك بافضل ولايه أروح لها لأني ماعندي أي معلومات عن أمريكا معتمد على الله ثم عليكم في هالمنتدى
أبي ولايه جوها حلو وسعر المعيشه هناك مناسب أهم شي ما تكون كائيبه وأهلها عنصريين
ومشكوووور أخوي على الرد لا خلى ولا عدم بيض الله وجهك
رد: أفضل ولاية لدراسة البكلوريس والله إني محتار أفيدوني
اقتباس:
المشاركة الأصلية كتبت بواسطة كاليفورنيا911
نفسك انا محتار وش رايك نتعاون ونحصل محل حلو انا مثلك محتار بين سيتال و اوريجوون،
حياك ربي أخو عزيز وغالي طيب عطنا خياراتك وش رايك وش الولايات الي تشوف أنها حلوه
ومشكور ع الرد
وتمنى من أعضاء المنتدى الي لهم خبره يساعدونا ويتفاعلون معنا أدري كثيره عليهم الأسله بس والله الي موقفني أختيار الولايه والجامعه :( بس
رد: أفضل ولاية لدراسة البكلوريس والله إني محتار أفيدوني
سياتل مدينة مثالية بس اهم شي دور على جامعة
رد: أفضل ولاية لدراسة البكلوريس والله إني محتار أفيدوني
الأصل أن تبحث عن الجامعة لكي تعادل بعض ساعات دراستك السابقة.
بعد حصولك على قائمة الجامعات ، يمكنك تصنيف الولايات على حسب وجهة نظرك.
موقع وزارة التعليم العالي راح يفيدك في معرفة الجامعات.
ربنا يوفقك
رد: أفضل ولاية لدراسة البكلوريس والله إني محتار أفيدوني
اقتباس:
المشاركة الأصلية كتبت بواسطة nasa2009
سياتل مدينة مثالية بس اهم شي دور على جامعة
الله يجزاك خير يالغالي طيب أخوي وش تنصح باي جامعه باتحديد في سياتل وهل فيه معاهد لغه قويه لاني في الأنجليزي مبتدئ ضايع وأخذ معه أخوه الصغير بيعلمه يعني حط نفسك مكاني أخوي الصغير معتمد على الله ثم علي وانا خخخخخخخخ ماعندك أحد وبالنسبه لي أنا اللأفضل أدرس بمعهد الجامعه أو لا ومشكور على المرووور مانستغني عن مساعدتكم بعد الله تعالى
رد: أفضل ولاية لدراسة البكلوريس والله إني محتار أفيدوني
اقتباس:
المشاركة الأصلية كتبت بواسطة رصيف الشمس
الأصل أن تبحث عن الجامعة لكي تعادل بعض ساعات دراستك السابقة.
بعد حصولك على قائمة الجامعات ، يمكنك تصنيف الولايات على حسب وجهة نظرك.
موقع وزارة التعليم العالي راح يفيدك في معرفة الجامعات.
ربنا يوفقك
أخوي رصيف الشمس
أنا ماعندي أي خلفيه عن الأبتعاث كلمت أكثر من مكتب Igec و تجسير الفكر كلهم قالو لي أول شي الولايه وبعدين الجامعات
بتفصيل قالو لي نجيب لك قبول لغه بعد أسبوعين وبعدها بسبوعين معادلة الدرجات وشهرين الى ثلاث أشهر قبول مشروط من الجامعه وقالو معادلة الدرجات ماهي من عندنا
من عند شركه امريكيه والله نسيت أسمها قالو هي المسؤله عن المعادله أحنا مالنا دخل بس أنت أول حدد الولايات الي ترغب وحنا نعطيك أسماء الجامعات
بحثت في النت والله ألقاء مدينه ناس تمدح فيها وناس تسب وتقول مادري وش يبون السعوديين فيها :( والله أنفقع راسي
أرجو من عنده معلومات يساعدني باي شي تراي والله متوهق وبتوفيق للجميع
ومشكور على المرور وننتظر توجيهاتكم لا خلى ولا عدم حبيبي
رد: أفضل ولاية لدراسة البكلوريس والله إني محتار أفيدوني