بخصوص العلامة الحمراء الي تطلع جمب بعض الجامعات في موقع الوزارة!! مهم جدا

السلام عليكم و رحمة الله و بركاته :)
كيف حالكم الله يوفقنا وياكم لكل خير :)))

يا أبناء الوطن الغالي.. العلامة الحمراء الي تطلع جمب بعض الجامعات الموقفة!! هل تعني ان كل الجامعة موقفة أو بعض التخصصات في الجامعة؟؟؟
يعني على سبيل المثال.. يوم أروح لم الجامعات الموصى بها و ابحث عن جامعة كولورادو ستيت ، أجد علامة حمراء جمبها :) لكن يوم أدخل عليها
القى عبارة باللون الأحمر تقول ان بعض التخصصات موقفة للتكدس.. هل معنى هالكلام ان كل الجامعة موقفة و لا فقط في بعض التخصصات؟؟؟

ثاني شي.. هل المبتعثين في أمريكا معانا في بوابة الطلبة المبتعثين؟؟ شباب ارجوكم محتاج المساعدة في هالشغلات ابي كلام أكيد :)

انا رجال ناوي احول ع جامعة كولورادو ستيت لكني محتار ناس يقولون موقفة كليا و فيه ناس يقولون لا بس موقف فيها بعض التخصصات!!
أفيدوني جعلكم للفردوس الأعلى و والديكم أجمعين :)

بضعهم يقولك بعض التخصصات وبعضهم يكون مكتب ان الجامعه كامله مقفله من تكدس الطلاب
وانا انصحك بصراحه ابعد من الجامعات الي فيها كمان تكدس ببعض التخصصات لان ما تدري يمكن يومين وتتقفل كامله قبل لا تلتحق او تنقل لها
انا الحين بنقل جامعه وجبت قبول قبل لا تتكدس ببعض التخصصات والوزاره قروشوني قالو لا هاذي فيها تكدس ببعض التخصصات مع العلم انو تخصصي ما فيه تكدسي
عاد الله يعين كل يوم مداوم عندهـم الحين
ادعيلي ان شاء الله بكره اخلص منها
والله يوفقك ويسهل دربك حبيبي قلبي

يعني الان اللي عنده قبول في معهد او جامعة قبل يوصل لنسبة التكدس ويقفل ينطبق عليه القرار
مو اللي معاه قبول مسبق من فترة طويلة يكون هو واحد من اسباب الاقفال لانه محسوب كرقم في الجامعة او المعهد

شوف الى الان حسب علمي مافية جامعات موقفه كليا
الا كل الجامعات اللي في ولاية فلوريدا وجامعه في كاليفورينا نسيت اسمها

غير كذا اهم شئ رح للتخص اذا لقيته موقف لاتقدم على الجامعة
اما اذا التخصص مو موقف قدم وتوكل عليها ان شاء الله
بالتوفيق يالغالي

الله يجزاكم الجنة و والديكم يا شباب و لا يحرمكم الاجر
فعلا كلمت احد المكاتب هنا قالولي رح شف التخصص اذا لقيت عليه باند (علامة حمراء) معناته انحش مافي امل لكن
لذا لقيت التخصص مفتوح و مكتوب ع الجامعة ان بس بعض التخصصات موقفة هذا معناته عادي تقدر تدرس :)

اتمنى من الي عنده خبرة يعلمنا الله يجزاه خير.. و برضو نبي نعرف هل طلاب امريكا يسوون معاملاتهم الالكترونية عن طريق بوابة الطلبة المبتعثين الموحدة؟

نعم كل معاملاتنا مع الملحقية نسويها عن طريق البوابة الالكترونية

الله يجزاك الفردوس و والديك.. شكرا لك كثيرا جدا