لاهنتم وش الاوراق الرسميه الي احتاج اخذها معي لامريكا مترجمه ؟؟؟

السلام عليكم ورحمه الله وبركاته

اخواني انا طالع لامريكا مع زوجتي وابني قريبا ان شاء الله وودي اعرف الاوراق الرسميه الي لازم اترجمها واخذها معي قبل السفر ( بطاقات الشخصيه < شهاده الميلاد للطفل . كرت العائله . رخصه القياده )

هل احتاج لهذه الاوراق او اتركها بالسعوديه ؟

واذا فيه اي اوراق اخرى احتاجها ( علما باني سادرس بالكريوس والزوجه ماستر والطفل عمره اقل من سنه )

واسفين على الاطاله

وعليكم السلام ورحمه الله وبركاته.

اخوي تحتاج :

رخصه القياده اللي اعرفه انها حتفيدك اول سنه اذا كانت دوليه..

شهادات الميلاد مترجمه ( حقت ولدك اكيد وفيه بعض الجامعات تطلب حقتكم)

الشهادات وكشف الدرجات (الثانوي والجامعه) برضو مترجمه..

كرت العائله مااتوقع تحتاجه لانك هنا تمشي بالجواز..
التوصيات العلميه(مترجمه)..

هذي اللي اعرفها..

وحسن سيره وسلوك اذا تقدر تترجمها يكون افضل ... ولا تنسى تختمها من الوزاره وسو لك 3 او 5 صور وختمها . لان لو طلبوها تكون اوضاعك جاهزه
وبعض الاحيان ترسل كل شي بالسكان ....
الله يوفقكم

شوف بالنسبة لكرت العائلة وبطاقة الاحوال
يطلبوها الملحقية لما تبي تفتح ملف ولو تسوي لها سكان من اللحين افضل لك
سو لها سكان اورفعها على الايميل وخذ معك نسخه في فلاش ميموري احتياط

باقي الاوراق مثل الشهادات لازم تجيبها معك مترجمه واغلب الجامعات يطلبون فقط نسخه بالكمبيوتر منها
بس خلها معك احتياط لان بعض الجامعات يطلبوها للمطابقة فقط اذا ماكانت النسخ المصورة مصدقة

توصل بالسلامة ان شاء الله