هل هو الوقت المناسب للتقديم على معهد ؟

السلام عليكم ...

انا طالب حالي بجامعة الملك سعود ... كلية ادارة الاعمال ... قسم المحاسبة ...

اخر ترم لي وبتقدم على المرحلة الثامنة للابتعاث ... لان ماباقي الا شهرين اتخرج .. ^_^

انا الحين طلعت سجل اكاديمي باللغة الانجليزية مختوم من عمادة القبول والتسجيل بالجامعة

طيب واخذت توصيات تقريبا معي 4 و فيه 6 قالوا الاسبوع الجاي تعال نسوي لك يعني موافقين وعدد من الدكاترة مامريت عليهم بس مريت على 10 ..

والجواز وجددته ولله الحمد ... الان ...

من شروط التقديم على المعاهد ضمان بنكي او ضمان من الوزارة صح؟

طيب هل لازم انتظر لين الابتعاث يبدا التقديم عليه ولا يكفي اني ارسلهم ضمان بنكي ( حسابي ) وبعدها لما اجي ادرس ادرس على حساب البرنامج ؟

الصدق اتمنى اكون جاهز تمامًا للتقديم على المعهد لكن الله يعين

up up up up up up up up up up

up ياشباب انا شايل همها تكفون

شوف اخوي للدراسة في الخارج طريقين اما الدراسة عن طريق التقديم على برنامج خادم الحرمين الشريفين الملك عبدالله من السعودية او الدراسة على حسابك الخاص وهناك التقديم للإلتحاق ببرنامج الابتعاث..

اذا كنت الطريق الاول اللي هو التقديم على البرنامج من السعودية ما انصحك تبدا تقدم من الحين لان لو قدمت الحين على معهد مفتوح الحين ممكن يتقفل اذا جيت تقدم على البرنامج وكذا انت خسرت فلوسك ووقتك اللي مفروض تجتهد فيه عشان تتخرج بمعدل حلو.

اما اذا كنت ناوي على الدراسة على حسابك الخاص ما يفرق اذا كان المعهد موقف او لا لانه على حسب كلام بعض الاعضاء عادي تقدر تدرس على حسابك في معهد موقف للتكدس ولما تلتحق في اقوال انه عادي تقدر تكمل في نفس المعهد وفي قول انه يطلبون منك تغير المعهد.

واذا في احد الاعضاء رأي ثاني مخالف ينورني وينورك بأذن الله..

جزاك الله خير اخوي ..

انا قصدي اني اخذ قبول من الحين واقدم ببرنامج خادم الحرمين .. واتابع القائمة للمعاهد الموقوفة باستمرار لو توقفت حقتي .. اكيد ماراح يوقفونها الا وفيه وقت للتغيير .. وبغير .. بس انا على افتراض ان الفيزا تاخذ وقت احيان فأفضل شي اني ابكر في الحصول على I-20 عشان موعد المقابلة والفيزا تطلع بدري