مساعده يا اهل الخبره ....تكفوووووووووووووون
السلام عليكم ورحمة الله وبركاته
كيفكم ان شاء الله بخير
انا موظف في شركة اهليه
وشغل الشركه معتمد اعتماد كلي على اللغة الانجليزيه
حبيت اني اقوي اللغة عندي لان الصراحه الي ما معه لغة عندنا مهمش على الاخر
حاولت معاهم يعطوني اجازه طويله رفضوا اقصى مده تقريبا 40 يوم
فا حبيت اني اطلع على جسابي الخاص ادرس لغة مع العلم عندي اساسيات بس المشكله اني السبيكنق عندي مييييييح
بخبرتكم وارائكم استفيد اي دولة اروح من ناحية التكاليف (المعهد+سكن العائلة)
ساعدوني الله يجزاكم خير
الناس تترقى وتطلع وانا جالس :(
انا حاط في بالي كذا دولة وانتم وشوركم
نيوزلندا+بريطانيا+ امريكا+كندا
تكفون ساعدوني
رد: مساعده يا اهل الخبره ....تكفوووووووووووووون
انا افضّل لك ولايه اوهايو و مدينه فندلي findly في امريكا طبعاً
كندا غاليه يا اخوي
و السبب الأول : معك عائله - ما شاء الله ربي يحفظكم
المدينه صغيره و ملمومه
والسبب الثاني : الأسعار من متوسطه الى رخيصه مع خدمات عالي
و المدينه آمنه جداً و اهلها ودودين و حولك كل شي من مطاعم و اسواق و منتزهات طبيعيه , باردة جداً في الشتاء وثلوجها كثيفة ومعتدلة بالصيف
طبعاً خذ احتياطك
بالنسبة للسكن فهي رخيصة مقارنه بغيرها من المدن او الولايات
شقة من غرفتين وصالة طعام وصالة جلوس لاتكلف اكثر من 650 دولار شهرياً. يعني 2,437 ريال سعودي
تبعد 280 ميل الي الغرب من مدينة شيكاغو اذا بغيت تزورها و تدلع اهلك شوي :)
عندك برضوه ولايه كولورادو في الغرب الأمريكي تحديداً عاصمتها دنفر
المكان الأمثل لحياة العائله و نظام المدينه عملي من الشغل للبيت و العكس
هذا الطابع هناك و تتميز بالطبيييييييعه
كثير من الطلاب ما اعجبتهم دنفر لهذا السبب لانها عمليه و هاديه
فتعتبر ممله بالنسبه لهم و السبب الثاني يتبهذلون في المواصلات ف حولوا على ولايات ثانيه اما بالنسبه لك فهي المناسبه
و بالنسبه لأسعارها والله ما ادري لكن شتائها طويل يوصل الى 4 شهور
المعاهد والله ما ادري للحين جاري البحث
على حد ما سمعت ان بعض المعاهد بأوهايو تاخذ 12 الف كل 3 شهور
انت وضعك يختلف على 40 يوم
اتمنى احد يقدريساعدك اكثر مني
و اعتذر ان الرد طويل شوي
لان انا برضو ان شاء الله راح ادرس على حسابي الخاص في معهد انجليزي ومحدده ميزانيه 50 الف كـ بدايه
ان شاء الله اكون افيدك لو بالبسيط و الله يكتب لك اللي فيه الخير يارب
موفق ,
رد: مساعده يا اهل الخبره ....تكفوووووووووووووون
والله يا اخوي ماودي احطمك بس 40 يوم وش بتسوي لك هنا بامريكا . اذا معك اربعين يوم فقط ادخل معهد بالسعوديه مكثف وان شاء الله تتحسن شوي لان 40 يوم والله جدا جدا ماتسوي لك شي
رد: مساعده يا اهل الخبره ....تكفوووووووووووووون
40 يوم جيدة للي بيطلع ولغته مو ميح
يعني لو تبي شوري تتعلم بمعهد بالسعودية وتدخل مواقع تعليمية بالسعودية وتتعب ع نفسك شوي لين تقدر تتكلم مكسر بعدين تطلع 40 يوم تسكن مع عائلة وتمارس اللغة بأكبر قدر ممكن عشان تستفيد من هالأيام الأربعين
لا تتوقع إن أمريكا تدخل اللغة بالراس.. ترى تحتاج تعب زي بمعاهد السعودية هنا
ربي يوفقك حبيبي
تحياتي لك
رد: مساعده يا اهل الخبره ....تكفوووووووووووووون
معهد بيرلتز عندنا بالسعوديه ممتاز للمحادثه, استخير الله وروح لهم وحاول انك تنتقي مدرس ممتاز ( زور المعهد وقابل الطلاب وأسألهم) بس كتبهم راااائعه. انا اخذت عندهم 5 ليفل (س) وساعدني كثير يوم جيت هنا, خلصت لغه في 6 شهور ولله الحمد.
تعقيب بسيط / ما انصح بالدورات الصيفيه عندهم ولا بالدورات المكثفه عموما لأن الشخص لو ما ذاكر ما راح يستفيد من اي برنامج! اذا كانت مدة الدوره شهر ونص الى شهرين ممتاز , وبالتوفيق.
رد: مساعده يا اهل الخبره ....تكفوووووووووووووون
الله يعطيكم العافيه وما قصرتوا
مع اني حاس 40 يوم راح تكفيني لاني مره متحمس ورايح ادرس مو عشان ثاني
اقدر ادرس هنا مافي مشكله بس مقومات اللغه هناك اقوى
عموما شوركم وهداية الله
واشكركم على حماسكم واهتمامكم للموضوع الله يعطيكم العافيه
رد: مساعده يا اهل الخبره ....تكفوووووووووووووون