شحن اغراض من السعوديه الى امريكا # 45 كيلو

السلام عليكم ...

اخواني واخواتي انا محتاج اشحن شنطه وزنها 45 كيلو تقريبا ..

من الرياض الى ولاية واشنطن الغربيه ( مطار سياتل ) :)

وكلمت الاهل وسالوا الطيار قال امريكا ما تستقبل اي مواد غذائيه مع العلم انها مجرد ( قهوه + هيل + تشكيلة بهارات عربيه + تمر مغلف + جبنه سايله "حق الاطفال " + شوية اغراض من العطار ) :yes2:

وكل الاغراض مغلفه ومجهزه بتواريخ انتهاء وكنت مخطط اشيلها معي على نفس الرحله << لكن قدر الله وما شاء فعل ... والآن لازم اشحنها "" رمضان قررررب "":wavetowel2:
سؤالي اذا احد شحن قريب ووصلت اغراضه يدلني على الشركه او المكتب اللي تعامل معه :yes2:

شيكت ع ارامكس بالاون لاين قالوا لي تقريبا 7,000 ريال :read:

وشكرا لكم مقدما

وعليكم السلام...
انا شحنت عن طريق طيار تمر وبهارت وقهوه وهيل ....طبعا كل شي يشحنه ماعدى اجبااان ...يعني ا ي شي جاف عادي يشحنه...
شحنته ب 600 ريال و الوزن 45 كيلوا

لا عادي مع احترامي الي قالك ما تستقبل مطار سياتل ..... بس لا ترسل رز لان الرز احتمال ضعيف يمشونه . بعض الشباب دخلو الرز وبعضهم رموه عليهم .... اما باقي الاغراض عادي بس الفصفص ما يدخلونه ولا النودلز مثل الاندومي والماجي
اما باقي البهارات والاغراض عادي كله يمشي بس ارامكس حراميه وش 7000 .... شوف الطيار ولا اي شركه غيرها

اشكر تجاوبكم يا اخواني

ابي موقع مكتب الطيار اللي شحنتوا عن طريقه اغراضكم .

لان الطيار فرع شارع التخصص رفض استلام الشحنه .

وشكرا لكم

جاتنا اغراض من اهلي قبل كم شهر وارسلوها عن طريق البريد السعودي ، السعر والله ماعندي علم بس اتوقع كان غالي ، الوزن تقريبا فوق 40 كيلو ، ووصلوها لباب بيتي ودخلها موظف البريد الأمريكي للمطبخ كمان ^^
الفترة كانت طويلة جدا ، الاغراض كنت ابغاها لرمضان واستلمتها اخر شوال خخخ
وللعم كان من ضمنها اندومي وشربة ماجي وجبنة سايلة كرفت وبهارات وتمر والخخ

ههههههههه اخوي البريد السعودي اجل > قول عليها السلام
وش ابي فيها اذا تتاخر علي اكثر من شهر

البريد السعوددي مستبعد من الموضوع ... صحيح ارخص لكن يطول ويضييع الاغراض

شكرا لكم

اقتباس:

---

المشاركة الأصلية كتبت بواسطة فصولتشي

ههههههههه اخوي البريد السعودي اجل > قول عليها السلام
وش ابي فيها اذا تتاخر علي اكثر من شهر

---

البريد السعودي البريد الممتاز يعطيك تراك نمبر وتتابع شحنتك ع الموقع وتوصل لباب شقتك خلال 4 إلى 6 أيام بالكثير وبمبلغ مناااافس
أنا قبلك كنت أقول كذا لين جربت وانصدمت

الأخ صاحب الموضوع: نصيحة أي شيء ينشحن يكون عليه تاريخ صلاحية حتى لو تدبر لك لصق زي حق الاسعار من السوبرماركت عليه تاريخ صلاحية عشان مايرمون عليك شيء
تحياتي

اقتباس:

---

المشاركة الأصلية كتبت بواسطة Anas J

البريد السعودي البريد الممتاز يعطيك تراك نمبر وتتابع شحنتك ع الموقع وتوصل لباب شقتك خلال 4 إلى 6 أيام بالكثير وبمبلغ مناااافس
أنا قبلك كنت أقول كذا لين جربت وانصدمت

الأخ صاحب الموضوع: نصيحة أي شيء ينشحن يكون عليه تاريخ صلاحية حتى لو تدبر لك لصق زي حق الاسعار من السوبرماركت عليه تاريخ صلاحية عشان مايرمون عليك شيء
تحياتي

---

نعم هذا الكلام صحيح .. وهناك خدمة جديدة من البريد السعودي للمبتعثين

قبل اسبوعين تم ارسال تمر وهيل ونعناع ومن هالنمونة لزميل لنا بتكساس عن طريق البريد السعودية حوالي 40 كليو ب 700 ريال عن طريق البريد السعودي الخاص بالمبتعثين وبعد اسبوعين بالضبط تم وصول الشحنة إلى باب بيت زميلنا وهذه ميزة لا يقدمها الا الشركات الكبارأمثال Fedex والـ DHL بينما الطيار والمؤيد يحطها لك بالمطار ورح انت استلم شحنتك .. والله انك لتشوف نجوووووم القايلة اللي يقولون عنها أسألني أنا مجرب مرمطة على كيفك

شوف الموضوع هذا راح يفيدك

والبريد سعودي ممتاز بالخدمة ويوصلها لعند الباب وتتبع الشحنة

أما الطيار لازم انت تروح تستلمها من المطار وبعد تدفع 50 دولار اضافيه عند الاستلام

http://www.mbt3th.us/vb/forum8/thread366028.html