عرض للطباعة
السلام عليكم
شباب ممكن تفيدوني
ابي ادرس لغه 8شهور في ولاية يوتا
تكفون انصحوني الله يسعدكم
هل هي منطقه امنه
ممكن تفيدوني باسما المعهد المعترف فيه لاني انا عندي دبلوم صيدله
ودي اخذ لغه انجليزي 8 شهور وانشالله اتحوا ع البعثه
ممكن تنصحوني معهد لغه يكون تابع لجامعه فيه تخصص صيدله ويعادلون شهادتي
ممكن تعلموني كم سعر المعهد وسعر السكن مع عايله وكم يكفيني بالشهر المصروف الشخصي
ارجو من قرا لايبخل علي لاني المكاتب تعطي اسعار خياليه ومبالق فيه
وانتم تدرسون وتعرفون
والله يوفق كل من رد ع سوالي
وهل من مجيب لي
بخبرك عن ولاية يوته بصفتي زرتها سياحة وبالنسبة للأمور الأكاديمية بخبرك وين يفيدوك إن شاء الله
أنا زرت كبرى مدنها سولت ليك سيتي
مدينة كبيرة ورائعة وهاااااادئة جداً وناسها طيبين
الولاية تعتبر معقل لطائفة المورمن الدينية وهي طائفة عندها شوية طقوس غريبة بس هالشيء ماراح يأثر عليك ولا راح تشوفه
آمنة
بذكر لك الصفات الكويسة مره فيها وبذكر لك الشغلة السلبية الوحيدة بالنسبة لي
المميزات إن الأجانب بهالولاية قليلين جداً
ولا أبالغ لو قلت لك إني في 4 أيام ماشفت غير اثنين من أصول آسيوية والبقية هي الأمريكان البيض
لأن الولاية سابقاً كانت عنصرية وطائفتهم ماتتقبل الأجانب والسود
الآن الأمور تغيرت وبالعكس الشباب والبنات بكل مكان رحت فيه كانوا يستقبلوني بحفاوة ويحاولون انهم يتعرفون علي ويتقربون مني لأنهم بيشوفوا شيء نادر بالسبة لهم وهو الشخص الأجنبي
ميزة ثانية رخص الأسعار.. قد ما أقولك رخيصة ماراح تصدق
لدرجة ممكن تأجر غرفة مع روميت شاملة كل الخدمات والفواتير بأقل من 400 دولار الشهر
المطاعم أيضاً رخيصة
5 دولار تعطيك وجبة راائعة
مطارها دولي ويعتبر محطة من المحطات الرئيسية لطيران الدلتا
فيها كم مول واحد منهم هو الأكبر والأفضل
بذكر السلبيات الحين
أهم وأكبر واسوأ سلبية بالنسبة لي هي الجو قاااارس البرودة بالشتاء
وشتائهم طويل, يتعدى 4 اشهر مصحوب بزخات من الثلج اليومية
مشكلة ثانية انك تحتاج سيارة من أول يوم لأن مواصلاتهم سيئة شوي
غير هالمشكلتين روح وعيش أمريكا الحقيقية
لأني فعلاً ماشفت الشعب الأمريكي البيوور ولا عايشته غير بهذيك الولاية
هذا تقريباً كل شيء لدي
بخبرك وين تسأل عن هالولاية.. بنصحك تروح للفيس بوك فيه صفحة لشباب جامعة يوته, بتسألهم عن المعاهد وبيفيدوك إن شاء الله
أي استفسار ثاني وأي خدمة أنا تحت أمرك, بس أعطيني لايك عشان أشوفه وأرجع للموضوع لأني نادر أدخل أو راسلني ع الخاص لو بتحب
تحياتي لك
يعطيك العافيه كسبنه معلومات ثمينه منك بس ننتضر ا الشبب يدخلون يعلمووونه التفاااصيل الباقيه