استفسار اريد الدراسة بالخارج ولكن محتار !!!

ج1: يقبلون أي نسبة
ج2: تقدر إن شاء الله
ج3: مافي شيء سهل
ج4: نحتاج لمعطيات مثل ولايتك ومدينتك ومعهدك كم سعره وطريقة صرفك
تحياتي لك

الله يعطيك العافية تطمنت من ناحية النسبة
طيب 80 ألف ريال سعوي تمشي الحال لمدة 8 شهور
وياليت طريقة الالتحاق بالبعثة مثل اوراق وهالشغلات هذي
وانا ابي معهد في أمريكا ويكون معتمد من وزارة التعليم العالي ومعروف
انتظركم لاتبخلون علينا

بتكفي لو أخترت ولاية رخيصة بالمنطقة الوسطة ومعهد مايتعدى 600 دولار شهرياً حتى لو كانت ساعات الدوام جزئية أو حتى غير معترف فيه لين مايتم إلحاقك إن شاء الله
أهم شيء تدور ع مدينة رخيصة بولاية زي ميزوري أو كنتاكي أو تينيسي وتجيب قبول جامعي معترف فيه وتجيب قبول المعهد وتيجي ع أمريكا تنتظم وتدرس وتشد حيلك وترفق للملحقية كل شهر نتايجك وراح يضمونك إن شاء الله
أي سؤال آخر لا تتردد
تحياتي لك

الله يجزاك خير يابعدي
وبصراحه ريحتني
طيب انا حالياً بالرياض هل لك ادنى فكرة عن افضل مكتب يجيب لي معاهد وجامعات معتمده ؟

أفضل المكاتب السيئة جميعها هو مكتب مستقبلي أمام ممشى طريق الملك عبدالله بحي صلاح الدين
روح لعمر مدير المكتب أو محمد عطية
وكل يوم لازم تمر عليهم عشان ما يماطلونك
وضروووري تروح وأنت محدد الولاية والمدينة عشان مايتلاعبون فيك ويودونك مكان مايبون عشان يجيبون لك قبول أرخص بالنسبة لهم أو ياخذون عليك عمولة
وضروري جداً تتأكد من قيمة المعهد وهل هو معترف
ولا ترضخ لتزيينهم للمعاهد والمدن بعينك
سبق وسمعت أحدهم يمدح فرجينيا لطالب ويقول له انها رخييييصة وهي في الحقيقة من أغلى مدن أمريكا وولاياتها
تحياتي لك وربي يوفقك إن شاء الله