استفسار الملحقية تقول مقدر ارجع البلد قبل 90 يوم ؟؟؟؟؟؟؟ ارجو إفادتي جزاكم الله خير

ياخي أنا آسف للتدخل بشئونك الخاصة.. بس انك مبتعث وترجع شهرييين ونص لين ماتجيب زوجتك أشوفها فترة مررره كبيرة
أستأذن من جامعتك وبدون علم الملحقية أرجع للسعودية خمسة أو ستة أيام وأرجع معاهم بالسلامة إن شاء الله
تحياتي

اخوي كلامك صح لكن سواء رجعت امريكا خلال اسبوع ولا شهرين ماتفرق لاني ياطويل العمر انا بدرس لفل واحد وبوقف اللفل الثاني وهو يستغرق شهرين تقريبا وبرجع اكمل ع اللفل الي بعده ، فحتا لو قلنا درست اول لفل ثم رجعت السعودية وتميت اسبوعين ثم رجعت مابقدر اكمل دراسه بانتضر لين يبدا الكورس الجاي ، فبدال جلستي بامريكا بدون فايده اتم هالشهرين بالسعوديه خصوصا ان زوجتي بتكون توها والد فاجلس معها وتريح ثم نرجع كلنا بالسلامه

غير كذا انا ما احتاج فتره طويله للغة مستواي جيدجدا بالانجلش واحتاج بالكثير اربع اشهر فقط ثم ببدا الماستر.

بغض النضر عن كل ذا. ، هل وجودي بالسعوديه حول شهرين ، فيه اشكال ؟.
واسوء الاحتمالات وش هي ؟ هل فقط يوقفو الراتب ولا ممكن شي اكثر ؟

ايقاف البعثة له اجراء طويل ولازم له أسباب مقنعة بالنسبة لهم
مادري عن ظروفك وأكيد لك اسبابك
بس أعتقد بوضعك اما تدرس التيرم الثاني وبعدها تنزل للسعودية
أو تستأذن من معهدك وتنزل فترة بسيطة تاخذ فيها زوجتك وابنك وترجع في فترة السماح إلي بيعطيك اياها المعهد, ولهم صلاحية أسبوع وأكثر غالباً سواءً بداية التيرم أو بمنتصفه حتى
خصوصاً لو كنت منتظم دراسياً ووضعك كويس
نصيحة لا تدخل الملحقية بالموضوع فتطول مواضيعك معاهم
تحياتي لك

صحيح كلامهم ما يحق لك تسافر الا لما تخلص 9 شهور بامريكا .. واذا سافرت بدون موافقه الملحقيه او المعهد ما يحق لك تكمل بعدها ... لان قوانين الامقريشن يقولك لازم يخلص 3 كوارترات وبعدها يحق لك تسافر ... اذا عندك عذر قوي تقدر تقنعهم فيه .... بس انك بتقول لهم عشان زوجتي بتولد .. بيقوولون لك حنا علينا منك لانك انت الي تدرس موب هي ... فصعبه اشوفها .... وانا ماودي اصعبها عليك .. بس هم هنا ناس نظاام عندهم صارم .. ولما تبي توقف المعهد له اجراءات . فكيف انت تبي توقفها وانت ما كملت 9 شهور ؟؟؟؟؟؟؟؟
الله يسر لك امورك

المعهد عادي عندم ماراح يمنعوني مثلا ،.

فلو وقفت دراسة المعهد وجيت السعودية وتميت شهرين ، وش ممكن يصير ؟ وهل الافضل ابلغ الملحقية ولا بدون علمهم

الأمقريشن مايخالفون لو تسافر خلال أول شهر حتى.. لا تهمك الاشاعات
صاحب الموضوع.. مسألة إنك تسافر شهرين كاملين وأنت توك مالك غير شهرين هذي مستحيلة بدون علم الملحقية
لأن الملحقية تدفع عليك فلوس طول هالوقت وأنت مو موجود
إذا كنت مصر على موضوع شهرين بس عشان تروح تجيب زوجتك وترجع فقدامك حل من اثنين ويكذب عليك إلي يقول فيهم ثالث.. إما انك تجيب عذر طبي قوي تقنع فيه الملحقية إنهم يوقفون فيه بعثتك 3 أشهر تنزل فيهم للسعودية وترجع وأشوف فيها مخاطرة لأنك ماتدري بكرة وش يصير لك من أمور الدنيا وممكن تستلزم ايقاف البعثة فعلياً بعدين
أو انك تفقد بعثتك
ولك الخيار
تحياتي

واحد قالي انو يمديك تروح بدون تقول للملحقية ولاحد داري عنك ، بس اهم شي تنزل على حسابك
والله ييسرلي ولك يااخوي

شهرين مستحيل ماتكشفك المالية, لأن المعهد أو الجامعة مابتاخذ فلوس من الملحقية بدون مايكون فيه طالب
ماراح يخاطرون بإعتمادهم من قبل الملحقية السعودية عشانك.. والا بيصير فيهم زي ماصار بجامعة نوفا في فورت لودرديل بفلوريدا إلي أخلوا طلابها منها ونقلوا المنتظمين لجامعات أخرى
القرار لك سيدي
تحياتي

النظام الجديد للامقريشن اذا كانت فيزتك f1 لابد ان تدرس 16 اسبوع ثم يتم السماح لك بإجازة لمدة أسبوعين فقط وانا مجرب المعهد رفض يعطيني اكثر من أسبوعين كنت أبغى شهر رمضان اقضيه بالسعودية بس يوم قالوا بس أسبوعين قلت علها في وقت لاحق المختصر من كلامي المؤسسة التعليمية التي تدرس بها هي من تحدد فترة اجازتك وليس انت من تختار الوقت والزمان لذا اتمنى لك التوفيق والنجاح في حياتك العملية والعلمية والف مبروك مقدما على المولود انشاء الله
دمت بود
مبتعث المرحلة السابعة امريكا نيويورك منهاتن