مبتعث جديد New Member
الولايات المتحدة الأمريكية
ابرا , ذكر. مبتعث جديد New Member. من السعودية
, مبتعث فى الولايات المتحدة الأمريكية
, تخصصى متخرج
, بجامعة متخرج
- الرياض, العليا
- السعودية
- Sep 2010
المزيدl July 11th, 2012, 04:54 AM
July 11th, 2012, 04:54 AM
السلام عليكم ورحمة الله وبركاتة
اشكر صاحب فكرة الموقع اولا واشكر الاخوه لتفرغهم لمساعدتنا واجرهم على الله باذن الله
انا عندي كم سؤال انا بدرس ع حسابي الخاص ويبدأ موعد الدراسه في 20 اغسطس 2 شوال بجامعة The
University of Southern
Mississippi
انا توني ما بعدت حجزت وهذي اول مره اسافر فيها برى السعوديه واول مره بركب الطياره فرجاء تحملوني شوي
وش الاجراءات الي بتواجهني بالحجز والمطار والجوازات وغيرها
ووش الورقه الي بعطونيها في الطياره اعبيها
ووش الاسئله الي بيسؤلوني ايها في السعوديه وامريكا في الجمارك
واذا وصلت للجامعه وش اسوي وش الاجراءات الي اسويها
عطوني فكره كامله عن هذي الامور توفرون لي الوقت والقلق والتوتر ...... الخ
وجزاكم الله خيرا
اهم شي يا اخوي طلعت الفيزا قبل ما تسوي الحجز
ثاني شي تحجز وعادي مثله مثل اي حجز ويكون جوازك جديد لان اقل من 6 شهور اذا باقي بالجواز تسوي لنفسك مشكله لما تسافر
بالنسبه للمطار السعوديه ما يسالك اي شي .. والمطار الامريكي بيسالك اول شي وين قبول المعهد او الجامعه على حسب الي بتدرسه . وبيشوف الفيزا الدراسيه حقك وبيسالك كم معك فلوس نقد .. لان ما يحبون يكون معك كاش .. حبذا يكون معك فيزا احسن لك ....
بعد كذا لما تستلم العفش حقك بيسالون وش معك اكل .. طبعا مسموح لك اي شي بحكم اول مره تجي امريكا ولا راح يدققون عليك . بس ممنوع " الارز والسكر والنودلز " الاندومي والماجي والمكرونه " . بس بعض الاحيان يمشونها .وبعض الاحيان لا بس افضل لك لا تخالف من اول مره تجي فيها ...
بالنسبه للورقه الي بالطياره اسمها I-94 هذي ورقه تعبي بياناتك فيها اسمك وعنوانك بامريكا ورقمك ومعلومات بالجواز .. .. وفي ورقه ثانيه تعبيها قريبه من الورقه الاولى بس اختلاف بسيط بيكون ..
طبعا يسالونك بالورقه باي خطوط مسافر وهل في احد مسافر وياك ولالا .... ومعلومات مثل هيك
بس قبل لا تسافر تررى لازم تحجز لك بفندق لو يوم لو ما عندك سكن بامريكا .. لان مستحيل يخلونك تدخل وانت ما عندك عنوان سكن .... يعني لما تعبي البيانات حط عنوان الفندق حقك وبعدها لما تسكن بمكان ثاني عادي ..... لان يطلبون العنوان لازم
ان شاء الله قدرت اخدمك يا اخوي .. واي شي ودك تسال ان شاء الله نقدر نخدمك انا والاخوان الي هنا
فصولتشي July 11th, 2012, 10:39 AM
7 " جزاك الله خير وجعلها بميزان حسناتك خوي ماقصرت
بس حبيت اسألك عن العنوان
1- يعني احط عنوان الفندق الي انا حاجزه بس
2- وبالنسبه للحجز الفندق كيف احجز
3- ولما اغير الفندق واروح للسكن الجامعي يحتاج اعلمهم ولا لا
4- والمبلغ المسموح اني اخذها بجيبي كم علما انا باخذ ستة الاف معي
5- ولو عندك فكره عن الشيك المصدق
6- والعفش اباخذ معي شنطتين للملابس والاكل وهل فيها قروشه وتفتيش ولا لا
7- ولو سمحت ابسألك عن اجراءات فتح حساب البنك وتحويل الفلوس من السعوديه لمريكا
8- والبنسبه لو بغيت من الاهل يرسلون لي تمر او اي شي كيف الارسال يجي
9- انا عندي كراون فكتوريا موديل 2000 انا محتار اخذها معي لمريكا وكم تكلفته ارساليتها او( ابيعها واشتري بفلوسها سياره بمريكا وياليت لو عندك معلومه عن اسعار السيارات هناك تعطينيها )
10- بالنسبه للتحويل من جامعه لجامعه كيف الاجراءات تبعها
واعذرني انا طولت عليكم بالاسئله
ابرا July 12th, 2012, 01:50 AM
7 " سيارتك بعها هنا احسن لك واشتر من هناك سيارة لان سيارتك هناك ما راح تسوى شي لانها امريكية والامريكي رخيص هناك
اذا غيرت عنوانك لازم تخبرهم
وانت اذا وصلت امريكا بتحصل سعوديين يعلمونك عن كل شي تبيه
ونصيحة يا اخوي اقرا قد ما تقدر في الموقع وبتحصل اجابات لأسئلتك
ارمان July 12th, 2012, 02:12 AM
7 " إنك ماسافرت قبل كذا ابداً شيء عادي
وإنه ماعمرك ركبت طيارة بحياتك برضو عادي
وإنك تفكر تشحن موترك لأمريكا برضو أتقبلها
بس أحذر إنك تروح ومعاك زوجتك أو أختك وأنت بالوضع والفكر هذا
ماعدى هذا الأمر.. راح تكون رحلتك تغيير جذري لنظرتك للحياة ولتغيير تفكيرك بشكل كامل
احرص أن لا تنجرف للسيء, وتعلم الشيء الي بيغيرك للأفضل إن شاء الله ويوسع مداركك
بيكون الهوم سيك بالنسبة لك شيء جداً طبيعي وبتعاني منه أكثر من البقية, أحذرك من التفكير في العودة للوطن
أجبر نفسك وبتتعايش
ربي يوفقك
تحياتي لك
- - - مشاركة محدثة - - -
إنك ماسافرت قبل كذا ابداً شيء عادي
وإنه ماعمرك ركبت طيارة بحياتك برضو عادي
وإنك تفكر تشحن موترك لأمريكا برضو أتقبلها
بس أحذر إنك تروح ومعاك زوجتك أو أختك وأنت بالوضع والفكر هذا
ماعدى هذا الأمر.. راح تكون رحلتك تغيير جذري لنظرتك للحياة ولتغيير تفكيرك بشكل كامل
احرص أن لا تنجرف للسيء, وتعلم الشيء الي بيغيرك للأفضل إن شاء الله ويوسع مداركك
بيكون الهوم سيك بالنسبة لك شيء جداً طبيعي وبتعاني منه أكثر من البقية, أحذرك من التفكير في العودة للوطن
أجبر نفسك وبتتعايش
ربي يوفقك
تحياتي لك
Anas J July 12th, 2012, 02:13 AM
7 " للمعلوميه انا عازب ومتخرج من الثانوي لي سنتين والجامعه الي بروح لها مافيها سعودين على ما اظن
ابرا July 12th, 2012, 03:31 AM
7 " الحياة رحلة
روح.. بتغلط, بتخاف, بتمر عليك أوقات أسود من القطران وبتتذكر كلامي
بس إياني وإياك ترجع أو تفكر بالرجوع
رحلتك بتكون حافلة, مو أخوفك لا والله
لكن أثرها عليك بيكون كبير
وبتشوف دنيا ثانية وبتتعلم غير اللغة وغير الجامعة أشياء كثيييير
نصيحتي لك عيش فترة مكوثك بأمريكا بثقافة البلد
لاتحاول فرض ثقافتك على أحد ولا تعيش بها حتى في بيتك
تحياتي لك
بالتوفيق يارب
Anas J July 12th, 2012, 05:01 AM
7 " صدق اخوي حاول تتغير مثلهم ... بتتعب بالبدايه خاصه وانت اول مره تسافر ولا تعرف تتفاهم معهم
بس ماعليك شوي شوي وصدقني بتتاقلم على الوضع .. بس بالنسبه لسيارته بعها وتعال هنا واعرف قوانين البلد واعرف كل شي وعقبها اشتري لك سياره
فصولتشي July 13th, 2012, 03:52 AM
7 " ياخوان عندي استفسار بسيط
ماهو افضل وقت للسفر قبل موعد الدراسه
انا ناوي احجز قبل موعد الدراسه ب 12 يوم وشرايكم
12 يوم تكفي اخلص الاجراءات والمستلزمات او ازودها
ارجو رد سريع لا ني باقي شهر وكم يوم على موعد الدراسه
ابرا July 14th, 2012, 03:48 PM
7 " ليش تحذرونه يجيب اخته او زوجته
انا بقدم ع بعثه وبنطلع انا وزوجي
وماعمرنا ساافرنا برا او حتئ احد فينا عنده لغه
وعااارفه اننا بنتمرمط ونتبهذل
ويوووم شفت كلامكم خفت
حلمي الماسترز July 14th, 2012, 06:02 PM
7 "
July 11th, 2012, 04:54 AM
السلام عليكم ورحمة الله وبركاتةاشكر صاحب فكرة الموقع اولا واشكر الاخوه لتفرغهم لمساعدتنا واجرهم على الله باذن الله
انا عندي كم سؤال انا بدرس ع حسابي الخاص ويبدأ موعد الدراسه في 20 اغسطس 2 شوال بجامعة The University of Southern Mississippi
انا توني ما بعدت حجزت وهذي اول مره اسافر فيها برى السعوديه واول مره بركب الطياره فرجاء تحملوني شوي
وش الاجراءات الي بتواجهني بالحجز والمطار والجوازات وغيرها
ووش الورقه الي بعطونيها في الطياره اعبيها
ووش الاسئله الي بيسؤلوني ايها في السعوديه وامريكا في الجمارك
واذا وصلت للجامعه وش اسوي وش الاجراءات الي اسويها
عطوني فكره كامله عن هذي الامور توفرون لي الوقت والقلق والتوتر ...... الخ
وجزاكم الله خيرا