استفسار افضل المعاهد والمدن لدوره لغة مكثفه جدا لمدة 3 اشهر

بتروح لأمريكا بعد شهر و تسأل عن الفيزا ؟

موعد السفاره اقل شي بعد شهرين الى ثلاثه , ولا فيه معهد مكثّف ... شكلك مطفي النور الله يحفظك =) تال اقول لك .. :

اول شي تراسل لك معهد , و خلال المراسله تروح لموقع سفارة امريكا و تعبي الابلكيشن و بعد كل صفحه تسويها تسوي حفظ الملف عشانه بيتقفل توماتيك و يقول لك وش عندك نااايم ؟ تقول له ما نمت يقول لك الا نايم ... فعشان كذا سوي حفظ و روح افتح الملف المحفوظ و كمل من هناك ,,, طبعاً اذا جيت بتفتح الملف المحفوظ بيطلب منك اسم جدتك و سؤال ثاني نسيت وشو ... بعد ما تنهي الابلكيشن قدم على اقرب موعد تلاقيه ... المعهد عادةً يردون عليك بعد يومين ثلاثه و يطلبون منك الاوراق اللي يبونها تقول و ترسلها لهم ,,, يقومون و يسألونك تبغى نرسل لك الاي توني عادي ولا دي اتش ال ؟ قول لهم دي اتش ال ... و ادفع لهم 70 دولار اتذكر ....

توصلك الاي توني تجمع اوراقك و تلملم امورك و تروح للسفاره و تسوي المقابله تطلع ترسل جوازك للسفاره ( اذا ما اخذوه منك او فيه نواقص) و تدفع للظرف اللي بيرجع لك منهم ( اللي راح يكون فيه جوازك بالفيزا باذن الله)

تقص تذكره و تعال ,

شخصيّاً ما اقدر افيدك بمعهد غير معهد النوفا في فرجينيا , بس ممكن تتبهذل لأن المواصلات حوله شوي صعبه ما فيه الا باص المترو ما يخدم ذيك المنطقه الا اذا كانك بتروح لفروع ثانيه لنفس المعهد ... و المنطقه شوي غاليه بس تدريس خذ تدريس ... و رسوم المعهد مقارنةً بجودة تدريسهم اقول لك من عندي اكسلنت صراحه ... ولاعندي خبر هل عندهم عوائل او لا عاد هذي الله يعينك تسألهم ,,, انا ما جربتهم ولكن زرت المعهد و سألت عنه والكل يمدحه مدح جامد و مبين على المعهد انه راقي جداً ... اتذكر انه 3 شهور ممكن تكلف حوالى 2100 دولار ... التقديم عليهم موب زي المعاهد الباقيه لأنهم يتطلبون منك تفتح ملف و مدري كيف انتا راسلهم اول شي و هم راح يشرحو لك كل حاجه ..

اخيراً اتمنى انك ما قصيت التذكره و الله يوفق الجميع ...