خااااص تعالو شوفوا معاناتي مع الملحقية وعطوني الحل ؟؟؟؟ المصدر: http://www.mbt3th.us

السلام عليكم ابدخل بدون مقددمات ياشباب وبنات وابي منكم الحل وابيكم تنصفوني وابيكم تفيدوني وتساعدوني والي عنده واسطه ينفعني .. الناس للناس والكل بالله ...


اول شئ ياجماعه الخير انا طالب جامعه بالسعودية .. جاء الصيف هذا وبعت سيارتي الله يعوضني باحسن منه يارب وطلعة بالفلوس ابي ادرس لغة وارجع اكمل دراسة الجامعه ..


المهم يوم جيت هنا تغير تفكيري وصارت عندي فكرة ثانية اذا قدرت اني اعادل الساعات الي انا درستها بالسعودية واكمل البكلوريس هنا ان شاء الله


المهم من اول يوم لي بامريكا اقدم طلب فتح ملف .. اول مره قدمت طلب وجلست شهر ماردوا علي ..

وبعد 10000 مكالمه ردوا علي وقالو انه مرفوض من اول لحظه ..

رحت ثاني مره قدمت وجلست اسبوعين ولا ردوا علي ..


قلت اكيد رفضوه ..

ثالث مره فتحت ملف وصارلي الى الا 3 اسابيع ولا ردوا علي ..


فرق الساعات بين ولايتي وولاية واشنطن 2 ساعتين

كلمتهم امس ردوا علي بعد 1000000000 مكالمه ردت علي سكرتيرة العيسى وقالت انه الحين نبي نسكر كلمي الصباح بكرا الي هو اليوم ..


البارح عانيت مابي انام علشان اكلمهم المهم جت الساعه 8 الصباح كلمتها ردت علي بعد حب خشوم وقالت الى الان ماجو الموضوفين كلمني الساعه 11 ..


انتظرت وصبرت وتحملت الين الساعه 11 ..

والحين اكلمهم ولا يردون علي 100000 مكالمه ولا يردون علي وانا فلوسي محدودة واخاف تخلص لوسي ولا يصير ل شي وارجع للسعودية بخفي حنين ..


يعلم الله ان نفسيتي تعبانه واني بحاله مايعلم بها الا رب العالمين ..

واني عفت كل شئ وان طموحي واحلامي انهدمت من هالملحقيه ..


ياناس ياجماعه الخير يالوجيه الغانمة ابيك منكم الحل ابي منكم الفزعه ابي منكم المساعده ...


والله اني صايم وتعبان وغايب عن المعهد وحالتي حاله واخر شئ مايردون علي ..


ولكن دعوه المظلوم مستجابة باذن الله تعالى ..








ياناااااااااااااااااااااااااااااااس تعبت


طيب انا وش ذنبي ماعندي واسطه .







ساعدوني ياجماعه الخير تكفووووووووووووووووووووووووووووووووووووووووووووون

أعتقد إنك محظوظ لأنهم رفعوا السماعة وردوا على اتصالاتك,,
لا يوجد حل لدى الأعضاء في الموقع ، لكن اعمل على ترتيب أوراقك لجميع الاحتمالات,,
أنت وصلت إلى هنا بعد تخطيط وقتي (لا يتجاوز ٣ أشهر) ، بعد ذلك تغيرت خطط الدراسة لديك دون الانتباه إلى زيادة الفترة الزمنية ومدى توفر المال للبقاء الفترة القادمة,,
أنصحك بألا تضيع مقعدك الجامعي في السعودية,,
ربنا يوفقك,,

ما عليش اخوي تحمل خلك رجال وقدها لا تنكسر الغربة طلعت رجال واطلب ربك لا تطلب عبد مثلك كل شي بيد رب العالمين قوم صل ركعتين وارفع ايدك للسماء وانشاء الله تتسهل امورك من عند رب العباد الله يسهل امرك ويوفقك والمسلمين اجمعين يارب

الله يوفقك يارب

جزاكم الله الف خير كل من رد ودع لي واسال الله ان يجعلها في موازين حسناتك .. مشكورين كلكم ياقلبي


انتظر من ماكن عنده جواب شافي اكثر واكثر

اخوي الله يوفقك انشالله وتتسهل امورك اخوي دام واشنطن عنك ساعتين اطلعلهم بكره وافتح ملف وريح راسك ونشالله تتسهل امورك ولله يوفقك

الف شكر لكل من رد ةعلي ونصحني


انتظر من الاخوه الباقين اكثر واكثر وكل الشكر والتقدير لكم احبتي واخوتي



بانتظاركم على احر من الجمر