الأعضاء الإشتراك و التسجيل

الملتقيات
ADs

استفسار انقبلت معيدة و لكن !

استفسار انقبلت معيدة و لكن !


NOTICE

تنبيه: هذا الموضوع قديم. تم طرحه قبل 1959 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية واحة الطموح
    واحة الطموح

    مبتعث مستجد Freshman Member

    واحة الطموح السعودية

    واحة الطموح , أنثى. مبتعث مستجد Freshman Member. من السعودية , مبتعث فى السعودية , تخصصى نظم معلومات , بجامعة جامعة >>>>>>
    • جامعة >>>>>>
    • نظم معلومات
    • أنثى
    • نجران, لا يوجد
    • السعودية
    • Jul 2012
    المزيدl

    August 7th, 2012, 09:14 PM

    السلام عليكم
    كل عام و انتم بخير
    بدخل بالموضوع على طول
    انا ياجماعة الخير انقبلت معيدة بس لسه مابعد ابدأ في إجراءات التعيين و هيك ان شاء الله بعد العيد
    طبعا ظروفي ولله الحمد مناسبة اني اتوظف مع العلم ان الوظيفة مو في منطقتي بس عادي بالنسبة لي و الظروف مواتية من ناحية السكن و المواصلات
    لكن المشكلة و الطامة الكبرى انو الجامعة اللي انقبلت فيها طالبة ابتعاث خارجي بعد سنتين و أنا ابدا مو ضامنة اني اقدر اروح ابتعث و انا من الحين قاعدة افكر في هالموضوع ساعات و الله اقول خلاص بترك هالوظيفة انا مو فد ابتعاث و هالاشياء و ساعات اقول ماقدر لأن ظروفي و ظروف اهلي مش و لابد و انا ماصدقت انو انقبلت لأني مرة مرة محتاجة للوظيفة و احس اني بنحرج منهم لو ماابتعثت لاني قلت لهم بالمقابلة اني اقدر و مع اخوي
    طبعا ابرز الأسباب اللي مانعتني من الابتعاث هو اني عندي اخوي و ممكن يروح معي بس المشكلة انو صفر بالانجلش غير كذا مايقدر يكمل دراسته معي لأنه مو مهتم بالدراسة ابدا يعني بيضيع وقته معي على الفاضي و انا مابي اعطل مشاغله ووقته هو يبي يشتغل و يتزوج على طول و احس صعبة يروح معي انا محتاجة احد يكون فاهم بالانجلش و غير كذا يقدر يكمل دراسته معي و نساعد بعض
    فكرت بأبوي و امي بس المشكلة انو ابوي كبير بالسن و مشيته صعبة و مريض بالسكري و رجله مبتورة نصفها فمستحيل انو يروح معي
    و اخواني البقية كلهم متزوجين و يشتغلون ماحد بيترك بيته و شغله علشاني
    اخر احتمال و ضئيل جدا اني اروح مع ولد اختي طبعا هو بقى عليه سنة و يخلص الثانوي و ماعتقد اهله يرفضون لو طرحت عليهم موضوع انو يكمل دراسته معي بس المشكلة مو ضامنة موافقتهم
    الشئ الثاني انو انا مو ذاك الزود بالأنجلش يعني احتاج تقوية و احتاج احد يساعدني و مرة حاسة انو اللغة اكبر عائق لي اكثر من المحرم انا الحمدلله متفوقة و كل شئ بس حاسة بسبب اللغة مستواي بيصير متدني و احس اني بالمحاضرات بصير بعالم ثاني طبعا كل هالمقدمة و هالهذرة وراها اسئلة عاد تحملوني
    س1 / ايش افضل جامعة في امريكا تعطي ماستر تربية خاصة - صعوبات تعلم و اهم شئ القبول فيها سهل و الدراسة سهلة مو معقدة لأني مو ناقصة صعوبة بسبب اللغة و ايضا ابغاها تكون في منطقة حلوة و رخيصة اهم شئ ؟ طبعا انا اسال في حالة ظروفي تعدلت و قدرت ابتعث
    س2 / هل استطيع ان اقدم خطاب للجامعة اشرح فيه ظروفي مع اثباتات انو ابوي مريض و اوراق من المستشفى واطلب منهم ابتعاث داخلي أو على الأقل دولة عربية او اطلب منهم تمديد سنة واحدة لما تتعدل الظروف ؟؟ يعني هل هالشئ مسموح و إلا لا
    س3 / متى يفترض علي ان ابتعث ؟ و هل ينفع اخلص اجراءات ابتعاثي في نهاية السنة الثانية و على بداية السنة الثالثة اكون مبتعثة و إلا كيف ؟؟
    س4 / اخر سؤال هو شوي غبي بس قلتلكم تحملوني هل رسالة الماستر يكون فيها مناقشة و إلا بس تسليم و انتهينا لأني خايفة مرة من اللغة مادري كيف بفهم عليهم و إلا هم بيفهون لي و موضوع الرسالة او البحث هل اسويه على مستوى امريكا يعني اروح مدارسهم و اسوي استبيانات و هالأشياء و إلا كيف ؟؟ و هل اقدر ادرس ماستر بدون رسالة يعني بس مقررات سهلة و بس ؟ و إلا لازم و في شئ حابة اعرفه انا سمعت اني لو صرت مبتعثة عن طريق الجامعة خلاص ارجع وظيفتي جاهزة بس اصير محاضرة ابغى اعرف عادي لو انجح باي تقدير في الماستر بحكم ان وظيفتي جاهزة و إلا لا لازم اجيب معدل حلو ولو ابتعثت عن طريق الجامعة هل الجامعة تطالبني اني اخذ ماستر و دكتوراة مرة وحدة و إلا بس ماستر و ارجع ادرس سنتين و بعدها ارجع اخذ الدكتوراة و إلا كيف ؟؟
    و بس
    سامحوني و الله اني مو فاهمة شئ و اول مرة اصير بهالموقف الله يسهللها وتتعدل ظروفي
  2. الاخت الكريمة
    السلام عليكم

    مبارك لك الوظيفة والله يكتب لك التوفيق

    اختي

    واضح انك من الشخصيات التي كما يقال تشيل الهم من بدري

    يا سيدتي

    افرحي واسعدي بالوظيفة ولا تشيلي هم أي شي آخر

    وانتي ذكرتي ان اكبر خوف عندك هو من اللغة !!
    وانتي متميزة ومتفوقة ؟؟ لذا اقول لك ريلاكس الموضوع بسيط

    والجامعة تشترط الابتعاث الخارجي ولكن انتي في السعودية
    يعني كل شيء ميسر . بمعنى انك تستطيعي الدراسة في الداخل

    اهم شي انتي اطلبي التوفيق من الله

    ومن زاد توكله على الله قل توتره

    واكثري من الاستغفار ييسر الله لكِ امورك

    وبالنسبة للماستر ممكن برساله وممكن بكورسات بدون رسالة
    ولا يمكن الحصول على الماستر الا بمعدل جيد جدا

    وتستطيعين عمل الاستبيانات اذا احتجتي على العينات في السعودية
    عن طريق ارسالها لاقاربك او صديقاتك او حتى ادارة التعليم بالايميل

    وددت أن اجيب عليك بكلمة واحدة فقط

    ريلاكس

    بالنوفيق
    7 "
  3. الله يبارك فيكم
    بس المشكلة انا سمعت انو جامعتي اللي انفبلت فيها تجبر على الابتعاث الخارجي و مافي مجال ابدا للدراسة بالداخل مهما جبت من اعذار و كأني قرأت انها تقبل بالدراسة في جامعة الملك عبدالله و فرحت مرة بس لما دخلت موقع الجامعة شفت انها ماتعطي ماستر في تخصصي انا ممكن ادوس على ظروفي و اتحمل الغربة و ادرس في دولة عربية لكن ماتحمل غربة ودراسة في دولة اجنبية و ضعف لغة هالشئ مرة صعب علي
    انا مادري ايش هالقررات التعسفية يعني ياابتعث يا مااتوظف و الله ظلم خصوصا للمعيدات يعني في بنات لسه ماتزوجوا و في بنات عندهم عيال وحتى المتزوجات يمكن ماتقدر تبتعث ظروف زوجها مثلا ماتسمح و غير الغربة و الاختلاط يعني اللي حط هالنظام مافكر بهالشئ
    المفروض الابتعاث الخارجي يكون اجباري للشباب فقط لأنهم اقدر على هالشئ و البنات اللي تقدر فقط او يكون دراسة عن بعد او يكون اجباري فقط للمحاضرين و المحاضرات على الأقل الأغلبية بتكون ظروقهم ممكنة و الله اني منقهرة من هالنظام
    يعني معيدات بجامعتي و الله اشوفهم يكملون ماستر هنا و مبسوطين للاخر و في منهم بنفس الجامعة اللي هم معيدات فيها و هم متزوجات ماجبروهم و لاشئ أنا والله لوما ظروفي و ظروف اهلي ماقبلت بهالوظيفة اللي تحدني على الغربة و الاختلاط الله المستعان
    عموما الله يسهلها و يفرجها علي و على الجميع
    7 "
  4. ألف مبروووك الوظيفه والكثير يتمناها
    الله يوفقك ويجعلها فال خير بالنسبه لك..
    انا ماأزيد على كلام أخوي nahar كلامه جدا واقعي وهو المفروض اللي تسوينه..
    فيه أشخاص جلسو خمس سنوات وهم محاضرين وإلى الان ماطلعو يقول إلى الان ضروفي ماضبطت..
    أنتي باشري بالوظيفه والله بعدها يفتح لك أبواب رزقه إن شاءالله..
    الجامعات متشددين من ناحية الابتعاث الخارجي بس ماتوقع إنهم يفصلونك من وظيفتك إ>ا ماطلعتي بعثه خارجيه
    المفروض في هاللحظه تكونين مستانسه بالوظيفه وأمور البعثه ربك راح ييسرها..
    ومثل ماقال نهار خليك ريلاكس
    الله يوفقك ويسهل أمورك ويعطيك ماتتمنين يارب..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.