بخصوص المرافق اذا ناوي يدرس..ارجوا الدخول ربي يسعدكم

السلام عليكم ...

بدخل بالموضوع ع طول ..الحين مرافقي دارس دبلوم من كليه التقنيه قسم قوى كهربائيه او هندسه كهربائيه < نفس الشي

ويقولي انا برافقك اروح ادرس مو رايح ارافقك بس الحين انا قدمت ع البعثه وان شاء الله اني مقبوله

بس خلال التقديم مافيه خيار هل المرافق للدراسه او مرافق عادي

متى اقول انه يبي يدرس لانه مايبي يضيع وقته وهل اجيب له ولي قبول يعني اجراءاتي نفس اجراءاته

والسفاره هل تعطيه ضمان مالي مثل مايعطوني والا كيف يدرس ؟؟

وابي جامعه فيها هذا التخصص وتعادل الدرجات ...باي ولايه كانت اى شي . لانه بيكمل


يعني الحين انا كل احلامي صارت متوقفه عليه الله يخليكم ساعدوني ربي يساعدكم ويحقق احلامكم ...

يعني زياده ع اني متحطمه وجايه طايره قلت بلاقي ردود واعرف اللي حايس مخي ومزاجي وارتاح شوي الاقيكم محطميني زياده


شككككككككككككككككككككككككككككككككككككككككرا لكم

اول شي يشوف جامعة تسوي له معادلة وتعادله اعتقد ان الوزارة تعطيه ضمان مالي ويقدم حتى لو جامعة مو نفس جامعتك انتي


يعني تكون جامعة قريبة منك وان شاء الله ماتوقف احلامك وخلي همتك عالية



بالتوفيق لك

أختي الكريمة
المرافق له حث الدراسة في حال رغبته بذلك
لكن بداية له الحق في اللغة فقط
وهناك شروط اخرى لإلحاق المرافق بالبعثة
اللي عليك انك تحصلين له على قبول لغى عشان يقدر يطلع فيزا F1
ويكون طالب بدوام كامل
بالتوفيق يارب

عراب الحب ... يعطيك الف عافيه مشكككككككككككككككككككككككور الله يسعدك

العساف الله يعطيييككك الف عافيه ربي يسععععععععععععععععععععععععععدك


يعني اذا جبت له قبول يعطون ضمان مالي نفسي ويباشر الدراسه فورا ؟

مايعطونه الضمان الا في دولة الابتعاث
فالافضل يطلع له شهاده بنكيه وكشف حاسب تقريبآ 6 شهور بمبلغ لايقل عن 50 الف عشان يجيب القبول وهو هنا افضل
طبعأ مو شرط يكون حسابه حتى لو حساب الوالد او الوالده او يكون حسابه ويحول له المبلغ بعدها يرجع المبلغ لصاحبه
لانه ماااراح يطالبوه بالمبلغ حاليآ ولا رااح يحركه
واذا وصل رااح يكون عنده ضمان المالي اللي من الوزاره

وبالتوفييييييييييق

اللي أعرفه إنه يدرس لغه لمدة سنه تقريبا أقل أو أكثر قليلا
وخلال دراسة اللغه يجيب درجه كويسه في التوفل أو الايلتس أو بمعنى آخر يشوف قبول نهائي من إحدى الجامعات
بعدها راح يكون من حقه الإلحاق ..
بالتوفيق

طيب اختي
المرافق يجيب له ضمان من البنك اي مبلغ لو 30 الف ولا 20 الف عادي ... ومختم بشكل رسمي من البنك وياخذه معه .... طبعا يجيب له قبول معهد قبل لا يروح السفاره
طبعا هالضمان بس مجرد روتين ..... لما يوصل دوله الابتعاث ان شاء الله تفحين انتي ملف وتسوين له اضافه مرافق .ويفتح ملف عن طريق ملفك .. ويعطونه الضمان المالي مثلك مثله ويدرس ...
لما يخلص فتره اللغه يجيب قبول جامعه بعدها يصير مبتعث رسمي ...
ان شاء الله وضحت لك الفكره ......
بالتوفيق للجميع

المرافق لا ينضم للبعثة الا بعد الحصول على قبول نهائي غير مشروط لتخصص معتمد به من جامعة معترف بها و غير موقوفة