افكر بالابتعاث لكن في عقبات .. رايكم يهمني يا اصحاب الخبره

السلام عليكم ورحمة اللع وبركاته
هذا اول موضوع لي هنا واتمنى تساعدوني ولو بشي بسيط
وبكون لكم شاكره كثير

بقول لكم خطتي اللي ناويه اسويها ان شاء الله
واذا صار فيها شي خطأ ياليت تعلموني

انا طالبة من جامعة الملك فيصل تعليم عن بعد تخصص انجليزي
وباقي لي سنتين تقريبا على التخرج .. حابه الانجليزي كثير
وخاطري اطلع برا عشان اتعلمها وازيد من معرفتي في اللغه ..

ففكرت اني اعتذر او اوقف قيدي لمدة بين 9 اشهر الى سنه
واروح امريكا " اماا لوس انجلوس او نيويورك " وادرس في احد معاهدها لحد ما اتمكن
من اللغه وان شاء الله ارجع واكمل دراستي في الديره " الروحه للغه فقط وليس لاكمال الدراسه "

واخطط اروح السمستر الثاني ان شاء الله مع الوالده واخوي الصغير واحتمال خالي اللي يودينا هناك يختار
لنا سكن ويصرف امورنا ... بحكم ان لغته الانجليزيه ممتازه .. بعدها يرجع لديره
والوالده واخوي الصغير يقعدوا معي شهرين بعدها يرجعون ويجي الوالد بدالهم شهر ونص بعدها بتبدأ
العطله الكبيره ورح يجون بقية اهلي عندي في العطله ... >> تناوب

السبب اللي مخلي الوالده تروح معي انها ماتبي تتركني لحالي
وتفكر تاخذ اجازه من الدوام و تاخذ اخوي الصغير معها لان مافي احد بيتفرغ له ولدراسته
فتقول امي باخذه شهرين هناك يذاكر و يختبر بالسفاره !!!
والوالد الله يحفظه مايبي يروح لامريكا و لغته الانجليزيه ضعيفه

ولازم احد يكون بالديره يشتغل عشان يوفر المصروف لي في امريكا ولاهلي في السعوديه
عشان كذا في تناوب .. بين الوالد والوالده الله يحفظهم

اسألتي :
*هل يصلح اخذ خالي مرافق مع الوالده .؟
*وهل يقدر اخوي الصغير "ابتدائي" انه يدرس ويتقييم بالسفاره هناك .؟ والسفاره بس موجوده في واشنطن .؟
او في مدارس سعوديه يروح لها اخوي ؟
*هل يصلح الوالده تقعد عندي بدون ما ينقطع عنها الراتب .!؟ او في طريقه تكون الوالده معي بدون مايوقف راتبها ؟ " الوالده مدرسه "


وبس اسفه على الاطاله
وشكرا

حسب معرفتي ( اذا كنتي تبغين ابتعاث فماراح يقبلونك الا اذا سحبتي ملفك من الجامعة نهائيا ) غير كذا الابتعاث للدراسة الكاملة ( بكالريوس - ماجستير - دكتوراه ) مو معاهد او فترة بسيطة

طيب انا مرح ادرس لـ بكالريوس - ماجستير - دكتوراه
ابيها بس لغه :(
هل في مشكله .!؟

طالما انك ماتبحثين عن بعثة حتى المرافق مو مهم لأنك بتطلعين على حسابك الخاص

بالتوفيق لك

يعطك العافيه
طيب بخصوص استمرار نزول راتب الوالده
وذهاب اخوي الصغير
مافي احد يعرف شي عن هالموضوع

الراتب يعتمد على مكان عمل زوجتك هل لما تاخذ اجازه يصرفون ولالا ... بالنسبه بس ابي اوضح لك نيويورك جدا جدا غاليه.~ .. وبالنسبه للمرافق يكفي لو تاخذين ابوك وخالك دامك موب مبتعثه عادي . لان اصلا من رايي الشخصي غلط تقعدين بدون مرافق
عشان لو صار شي لاسمح الله .. عل العموم الله يوفقك ويسر لك امورك ..

شوفي سوف يكون جوابي لك مطول. واذا تبين تفاصيل حطي اسئلتك هنا.ان شاء الله نقدر نجيبك.فكرة الذهب لتقوية اللغة فكرة ممتازة لمدة تسعة شهور لسنة.يحتاج الطالب لميزانية من سبعة الالف حتى ثمانية للسكن والمعيشةوالمعهد وغيره (غير التذاكر السفر). يعني الفين دولار بالشهر.ثالثا : للاستفادة القصوى من هذه السفرة السكن مع عائلة اجنبية– امريكية – او السكن مع طالبة امريكية في شقة او غرفة.اشوفها صعبة على الوالدة والاخ الصغير مرافقتك. لا ارى داعي لذلك.ممكن الخال يروح لمدة اسبوعين ويرجع.مثال : لو قدمتى على ولاية كلورادوا – مدينة فورت كولينز – Fort CollinsCSU-معهد تابع للجامعة – قوي – مدينة هادئة– جالية سعودية موجودة – خصوصا البنات – موجود نادي سعودي وهناك في النادي عضوة مهمتهاترتيب للقادمين الجدد.شوفي
توكلي على الله وقدمي – وقولي للوالدةبو محمد : ي
قول ليس هناك داعي للخوف والقلقعليك.اذا فية اسئلة حطيها دمت موفقةبو محمد

المدن الكبيرة لا ينصح بها للدراسة هي جيدة
للتمشية
دائما يفضل المدن الجامعية الصغيرة
يعني مثل الخبر
وبقربها مدن كبيرة للتمشية

اقتباس:

---

شوفي سوف يكون جوابي لك مطول. واذا تبين تفاصيل حطي اسئلتك هنا.ان شاء الله نقدر نجيبك.فكرة الذهب لتقوية اللغة فكرة ممتازة لمدة تسعة شهور لسنة.يحتاج الطالب لميزانية من سبعة الالف حتى ثمانية للسكن والمعيشةوالمعهد وغيره (غير التذاكر السفر). يعني الفين دولار بالشهر.ثالثا : للاستفادة القصوى من هذه السفرة السكن مع عائلة اجنبية– امريكية – او السكن مع طالبة امريكية في شقة او غرفة.اشوفها صعبة على الوالدة والاخ الصغير مرافقتك. لا ارى داعي لذلك.ممكن الخال يروح لمدة اسبوعين ويرجع.مثال : لو قدمتى على ولاية كلورادوا – مدينة فورت كولينز – Fort CollinsCSU-معهد تابع للجامعة – قوي – مدينة هادئة– جالية سعودية موجودة – خصوصا البنات – موجود نادي سعودي وهناك في النادي عضوة مهمتهاترتيب للقادمين الجدد.شوفي
توكلي على الله وقدمي – وقولي للوالدةبو محمد : ي
قول ليس هناك داعي للخوف والقلقعليك.اذا فية اسئلة حطيها دمت موفقةبو محمد

---

الوالده ما تبني اروح لحالي ولا تبي تسكني عند احد
لي اقارب هناك افكر اخذ قريب منهم سكن اذا الله كتب لي روحه

اقتباس:

---

الراتب يعتمد على مكان عمل زوجتك هل لما تاخذ اجازه يصرفون ولالا

---

اخوي انا ماقلت زوج او زوجه انا قلت الوالده
الوالده الله يحفظها مدرسه هل تتوقع في طريقه تخلي راتبها ينزل حتى لو كانت معي شهرين ؟

اقتباس:

---

المدن الكبيرة لا ينصح بها للدراسة هي جيدة
للتمشية

---

يعطيك العافيه على النصيحه المفيده


يعطيكم العافيه ورده1

انتي بتروحين على حسابك او على حساب البرنامج ؟؟