استفسار تكفون اريد اجابه

اتمنى الرد يا اخوان اللي عنده معلومه يساعدني

وعليكم السلام ورحمة الله وبركاته ...
بالنسبه للتخصصات .. فغالبية التخصصات متاحة ... وبإمكانك دراسة تخصصات غير دارجه بين التخصصات المعلنه بصفحة الجامعات الموصى بها .. بشرط !
أن يكون التخصص مناسب لسوق العمل بالسعودية .. يعني مو مثلا تختارين تخصص علم غابات ؟!
وايضا لابد ان يكون التخصص مسموح فيه بالجامعه اللي تبين تدرسين فيها ..


وبالنسبه لزوجك .. فما اعتقد .. لان الاجازه راح تكون شهر او شهرين .. وبعدها يرجع .. فلازم يكون معك متفرغ .. بمعنى اما انه يطلع من العمل .. او يخلي احد من اهلك يحل محله بالسفر ..


اما عن الشهاده البنكيه .. فاذا كان زوجك على راس العمل .. اتوقع انه يكفي شهادة تعريف بالراتب وكشف حساب لمدة لاتقل عن الاربع اشهر ..
والمبلغ لابد يكون متوفر فيه فقط فترة كشف الحساب .. (يعني قبل يسوي كشف حساب يخلي المبلغ بالحساب ويسوي كشف حساب ) ..




والتخصصات ماراح احد يقدر ينصحك بشي .. لان التخصص يعتمد عليك ..
فاختاري اللي تشوفين نفسك راح تبدعين فيه ... وتقدرين ايضا تطورين نفسك منه سواء كان بحياتك او بوظيفتك او باي شي .. اهم شي يكون التخصص شي تهتوينه وانتي تدرسينه او تعملينه ..


اما عن المدن .. فهي كثيره ..
ولكن دائما ابحثي عن المدن الصغيره واللي ماتكون مشهوره سياحيا ..
غالبا هذه المدن تكون رخيصه ..
مثل الولايات الوسطى .. المعيشه فيها متوسطه وجيده
(تنيسي , ميزوري , اكلهوما , اركنسا , انديانا .. الخ ) ..


هذا والله اعلم .


وان شاء الله الاخوان ماراح يقصرون معك

الاخ 10k الله يعطيك الف عافيه عالرد
الصراحه ماقصرت
جزاك الله الف خير