استفسار بخصوص المقابله الشخصيه في السفاره الامريكيه
السلام عليكم ورحمة الله وبركاته
كيفكم اخواني
عندي استفسار بسيط وياليت تجاوبووني باسرع وقت انا عندي مقابله شخصية في السفاره الامريكيه في الرياض
وابي منكم تعلموني ايش هي الاسئله الي يسالوني اياها في المقابله
وكيف اسوووي يعني ابي شرح مفصل عن المقابله الشخصيه انا موعدي يوم الثلاثاء القادم ياليت انكم تجاوبوني باسرع وقت ممكن اذا ماعليكم امر
وعساهل اتكون في موازين حسناتكم يارب
وبنتظار ردودكم على احر من الجمر
رد: استفسار بخصوص المقابله الشخصيه في السفاره الامريكيه
نفس السؤال
____________
بس لاحظت الاغلبية يسألونهم
وين تدرس
وليش اخترت هالمدينه
وايش تخصصك
ووين سافرت اخر خمس سنوات
رد: استفسار بخصوص المقابله الشخصيه في السفاره الامريكيه
والله انا محتار وخايف من المقابله بجد
وياليت الي عنده خبره اكثر يعلمنا
ومشكوووره اختي ع الرد :)
رد: استفسار بخصوص المقابله الشخصيه في السفاره الامريكيه
اسئله روتينيه وش اسمك وش رايح تدرس ومن هالكلام وفيه ناس تكلم عربي تساهيل كنت شايل هم واثرها سهله السالفه مره لا تشيلون هم
رد: استفسار بخصوص المقابله الشخصيه في السفاره الامريكيه
المقابله حاجه عاديه جدا وين تدرس واسم الجامعه بس ويقولك فيزتك مقبوله فيه عربي وفيه انجليزي
رد: استفسار بخصوص المقابله الشخصيه في السفاره الامريكيه
اولا لا تشيل هم الأسئلة بالعربي و لا الانقلش براحتك و الأسئلة غالباً ما تكون اين سافرت اخر خمس سنوات و اي ولاية و ماهو التخصص و من الذي سيصرف عليك و لا تشيل هم السفارة ترا الامور سهالة ان شاء الله و لا تنسى التوتر أنساه و توكل ع الله و حاول تروح قبل الموعد بوقت كافي و بالتوفيق لك بالنسبة للمدة فيه واحد اعرفه قعد اسبوع و ولد عمتي يومين الا الفيزا وصلت.. لا تنساني من دعائك
رد: استفسار بخصوص المقابله الشخصيه في السفاره الامريكيه
الاخوان ماقصرووو يعطيهم العافيه بالتوفيق
رد: استفسار بخصوص المقابله الشخصيه في السفاره الامريكيه
ماقصروا الاخوان وريح اعصابك ترا الامور سهالات و استعن بالله