رد: الحكومة الامريكية ليش حاطه نظام الهجرة العشوائية ( القرين كارد ) ؟..ارجو المشاركة
اقتباس:
المشاركة الأصلية كتبت بواسطة PLC.T
سوف اطرح لكم تجربتي مع بطاقة "غرين كارد" Green Cards
موقفي معهم انا وصديقي في يوم من الأيام المنيله كنت انا وصديق لي نحلل الواقع والمستقبل...فكان ناتج القاءواقع اسودومستقبل قاتم..
كان الشباب العطالي البطالي الدعم لهم تاكسي بتقسيط اومهنت حلاق او طباخ في فندق وتصوير مع وزيرالصناعيه السابق:Dبكل امانه احساسي ماخاب انه ماعنده سالفه...روج عن مهن بسيطه وكئن المهن الوسطى والتنفيذيه متخمه بالسعودين...واقرب دليل على صدق توقعي على فشل وزيرالصنائعيه...اتحدى من يدلني عن محل حلاق سعودي واحد في (الرياض الدمام جدة مكه المدينه ابها الخميس حفر الباطن تبوك)..لايوجد.
المهم
حاسبنا القهوجي وكان حساب سهرتنا الاستراتيجيه11ريال سعودي..
اوصلني زميلي للبيت وودعني بجمله فكر بحل يانكون او لا نكون!!
دلفت الى منزلنا..وانا بائس...
استقبلتني والدتي بسؤال على قبرهاشآبيب الرحمات...وش الي مأخرك ماتترك عنك مماشات البطاليه:)
قلت في احد صاحي...قالت ليه...قلت ابيك في علم..
قالت تعال بصاله...سحبت يدي ومشت ومشيت ورأها وكأني طفل.وقد خط شاربي على وجهي واسترسلت لحيتي ليس ورع والله لكن 15ريال حق الحلاق التركي تخرب ميزانيتي..ما اكاد اصفف لحيتي الى وبعد ثلاث ايام تراه اكثر غزاره..يعني يبلي كل اسبوعين احلق ثلاث مرات:)
قالت هاه وش عندك.
قلت ابد.وش اقولك عندي سالفه طويله واحتاج انك تتفهمي وضعي..
قالت تبي تتزوج وبدت تعدد الصبايا ومحاسنهن...وشوي قالت تبي من؟
قلت ما بي احد..انا ابي اقولك اني ابي اهاجر;)
قالت اها...وراك بلا...بكره ان شاءالله..ابوك يشف لك حل مع هجرتك يلي فيك ومايخطيك:upset:
خليكم معنا وللموضوع بقيه,,
الصراحه اذا تقبل انك تشتغل وانت في في السعوديه نفس المهن اللي يشتغل بها المهاجرون لامريكا واوروبا فستجد شغل في السعوديه ببساطه. للتذكير فإن شغل المهاجرين والامريكان معظمه شغل بيع في دكاكين و مطاعم ومقاهي و محطات وقود الى اخره وهي اشياء لا يقبلها معظم اهل الشرق الاوسط على انفسهم وهم في بلادهم ولكن يهاجرون ليعملوا بها !!
مشكله الهجره هي ابناءك. كلنا سنموت واذا تركت ابناءك هنا فقل على احفادك السلام لان طبيعه الحياه ان احفاد من يهاجر يذوبون تماما في دوله الهجره والامثله بالملايين فلا يتوقع احد ان الحياة سوف تستثنيه من هذا الحال المؤسف.
وعلى فكره انت تشوف الاجانب مسرورين خصوصا في الجامعات والمطاعم والاسواق لكن لو تعرف تفاصيل حياتهم الاجتماعيه كان يشيب
رأسك وحواجبك وهدب عيونك خصوصا يعني بعض نواحيها ما يناسبك كعربي ومسلم ولو تصير واحد منهم لازم يجري عليك اللي يجري عليهم ان لم يكن انت فابناؤك واحفادك. كن عميق في نظرتك واللي ينفع لهم ويسعدهم قد لا ينفع لك او يسعدك
ملاحظه خفيفه رغم اني سعودي ميه في الميهويمكن من منطقه قريبه من منطقتك لكن ما فهمت نصف كلامك .افصح افصح يا اخا العرب :D