استفسار الرجاء افادتي من الاخوان والاخوات خصوصا

السلام عليكم ورحمة الله وبركاته

الله يسعد اوقاتكم وبالتوفيق للجميع بدراستهم

الحقيقه احد الاخوات في معهدي متواجده في امريكا ولديها مشاكل بموضوع فتح الملف
كل ماقامت بفتح ملف يرجع لها الملف لاسباب تافهه مثلا العنوان بالسعوديه لم يكتب او صوره فيها مشكله
او يقولون لابد من وجود قبول جامعي مع انه يوجد اخوات التحقو من قبول المعهد بدون قبول مشروط
وعلى كلامهم انه اللي موجود بامريكا من قبل رمضان الفايت ابتعثو كلهم الا هي

سالتني كم سؤال عن هالموضوع واخذت منها كم معلومه واتمنى من الاخوات اللي نفس وضعها والتحقو يساعدوني

هي موجوده في امريكا بدون مرافق ولديها ورقه من ولي الامر بموافقته على ذهابها والدراسه في الخارج
ولا كان ماقدرت تطلع من مطار السعوديه

لديها قبول من المعهد وسبق اختبرت ايلتس وجابت سته يعني لغتها بيرفكت وحابه تكمل ماجستير وقادره تجيب سبعه بالايلتس ايضا

لها الان في امريكا تقريبا فوق اربع شهور والملف اترفض اكثر من خمس مرات ممكن
علما انها وضعت كل بياناتها وكل شي يخصها ووضعت اسم ولي الامر وحتى الورقه اللي فيها الموافقه بالدراسه بالخارج اللي استلمتها من المطار هناك بالسعوديه

لكن مالحل مع وضع الملف اللي تفتحه ويترفض لاسباب جدا عاديه
فاريد من الاخوات والاخوان افادتي بهالموضوع هل هناك اوراق مهمه جدا هي ناسيتها مثلا ؟
هل هناك شروط معينه للفتاة بدون مرافق للالتحاق اكثر من موضوع موافقة ولي الامر
وهل موضوع قبول جامعي مشروط امر مهم لدرجة انه ماراح تلتحق الا بقبول جامعي
علما انه يوجد بعض الاخوات التحقو من قبول المعهد فقط ؟ وقدرو يفتحون ملف وملفهم انقبل

اتمنى من الاخوات على وجه الخصوص اللي مرو بنفس التجربه يذكرون لي الحل مع الشكر الجزيل