محتاج مساعدتكم يا اهل الخبرة

السلام عليكم ورحمة الله وبركاته

اخواني انا قدمت على جامعة تنسي ستيت وارسلت كل اوراقي واموري كانت تمام بس لما شفت القبول تاخر راسلتهم وقالولي في اختبار لازم تختبره اسمه act or sat لان عمري اقل من 21 مع اني شهادة ايلتس وجايب 5

الزبدة مااعرف شي عن هذا الاختبار وحسب مابحثت عنه انه اختبار قدرات امريكي عن مهارات الانقلش والرياضيات .. بس لازم اختبره عشان احصل على الاي توني

طبعا انا بالسعودية ودخلت على موقع التسجيل للاختبار بس المشكلة ان اقرب موعد في شهر فبراير وبداية الترم الي انا مقدم عليه في الجامعة بيكون في جينوري :ermm:

سؤالي الحين هل اقدر اطلب الجامعة انها تعفيني من الاختبار ؟ او اني اختبر عندهم ؟

وللناس الي عندها خبرة هل اقدر اني اختبر اونلاين ؟ واذا اقدر اختبر اونلاين هل الجامعة تقبل اختبارات الاونلاين ؟

انا ابي اختبر الاختبار ومستعد اني اسافر للامارات او قطر عشان اختبر بس حاولت اشوف اختبار فيها ماحصلت ياليت الي عنده معلومة يقدر يساعدني فيها

والله ياجماعة الخير متوهق ومني عارف ايش اسوي :cry:

اتمنى من المساعدة من اهل الخبرة

وعليكم السلام ورحمة الله وبركاته,,
أرسل هذه التساؤلات إلى الجامعة حتى تحصل على الإجابة الأكيدة,,
إذا لم تجد موعد للامتحان قبل بداية الدراسة ، اطلب تأجيل القبول إلى الصيف,,
ربنا يوفقك,,