الله يرزق من يجاوبني

بسم الله الرحمن الرحيم

أنا أول مره أشارك بالمنتدى الطيب وكلي أمل أجد عندكم الاجابة الشافية لاستفساراتي

أنا في جامعة الملك سعود وناويه أطلع في جولاي القادم لغة .. وزي ماتعرفون الدكتوراه مستحيل فيها القبول المشروط....لغتي الحمد لله متوسطه يعني اقدر أشد على نفسي واختبر كم اختبار توفل وأوصل للسكور المطلوب وأحاول بالجي ار اي لكن الهدف عندي ليس الدرجة فقط .. لأني مازلت أحتاج أطور لغتي خصوصا في نواحي الكتابة الأكاديمية خصوصا انني بدخل دكتوراه...وجامعة الملك سعود أتاحت سنة لغة لنا وخلالها الطالب يبحث عن قبول... المشكلة اللي تواجهني الآن هي ان المرافق اللي معي لغته ضعييييفة جدا والمعهد اللي ناوية اقدم عليه يطلب 450 توفل على الأقل وهو الوحيد الاكاديمي والمعترف فيه من قبل الوزارة في المدينة اللي بروح لها وأنا مصممه على هذي المدينه لأن جامعتها عاجبتني واحتمال القى فيها قبول بعدين ولأن مرافقي يتطلع لإيجاد قبول مشروط فيها ويكمل فيها لغة ...وش الحللللل .. ساعدوني ... لأن لازم أقدم باقرب وقت قبل مايتكدس المعهد...الآن أفكر أكنسل البعثة سنه عبال ما المرافق يطور لغته لعل و عسى ... اللي عنده حل لا يبخل علي فيه ... ويبشر بدعوه في ظهر الغيب..

اهلين فيك وان شاءالله مانقصر معاك ،
اللي فهمته منك مشكلتك هي مرافقك صح ؟ طيب يااختي مو مشكله ترا يروح هناك وبتطور لغته اهم شي خله ياخذ اختبار التوفل او الايلتس بعد مايدخل امريكا ب ٤ شهور عشان يشوف كيف مستواه ! وعليها ينتبه لنقاط ضعفه ويطورها
وبالنسبه لك ،،، اللي فهمته انك مبتعثه من جهه جامعه الملك سعود.!!! اذا كذا ،،، لاتخافي من ناحيه ان المعهد متكدس او لا ، لان هالشي ماينطبق لكم ع كلام صاحبتي وهي مبتعثه من جهه جامعه الملك سعود
وايضا لكم الحق في دراسه اللغه سنتين ، ماشاءالله
بالتوفيق ودعواتك ،،

تسلمين اختي

لكن اللي أنا أقصده ... هل من طريقة بحيث يدرس مرافقي معي ... أنا فكرت لو نبحث له في نفس المدينة على معهد تجاري غير معتمد يعني مايكون أكاديمي على حسابنا الخاص إلى ما يتقوى في اللغة ويقدر بعدين يلتحق بمعهد الجامعة المعترف فيه...مادري هل هذا حل جيد؟؟؟؟؟؟

السلام عليكم ورحمة الله وبركاتة

الله يوفقك ياختي انتي متآكدة ان المعهد طالب الدرجة هاذي اول مره تمر علي ولا اعتقد في معهد كذا

بس حاولي انكم تدرسون في نفس المعهد ماهو شرط المعهد هذا تقدرين تدرسين في اي معهد واذا خلصتي اللغه ان شاء الله تختبرين اما توفل ولا الايلتس علي حسب الجامعه كم تبغاء من الدرجة المطلوبه عندهم هذا مجرد راي
على كل حال شوفي اللي يناسبك موفقه خير

مساكين إحنا يالبنات
زيادة على همنا ، يجينا هم المرافق

والله ما أقدر أفيدك بشي
بس الله ييسر لك أمورك يآآآرب ❤❤❤

انا رآي تقدمي علي هالجامعه لان تبين هالجامعه ولان ماتدرين عن فرص الابتعاث

لذا انتي قدمي لانك ناويه ناويه باذن الله علي هالجامعه وخدي قبولك وقبول اخوك
اخوك خليه من الان يبدا يشتغل عنفسه واذا هو حق دراسه بتتيسر اموره حتي لو درس لغه ويبي يدخل الجامعه في عده طرق يدخل منها للجامعه انتي الحين لاقي قبولك واطلعي للجامعه والامور هنا تتيسر

جدا التفكير والتردد هو الخذلان بعينه لانك مصصمه علي هالجامعه

اخوك تبين الظرق يدخل للجامعه

لو ماعدا هالدرجه بامكانه ياخذ انجلش كمبزشن باحد الكليات ويجيب درجه معينه قويه وخلاص يدخلونه بدون اختبار واغلب الجامعات تسوي هالشي واعرف شباب كثير مسوينها

وفقك الله

ياجماعه بالنسبة للمرافق لازم الاي تونتي من هنا عشان الفيزا ويقدر يسجل بالمعهد صح:confused: