عرض للطباعة
اطلب مساعدتكم ياشباب انا ابي اروح امريكا في البداية بدرس على حسابي بعدين بلتحق بالبعثة
ماهي ارخص ولاية للعيش من حيث السكن والمعهد ومصاريف المعيشة (الاكل والشرب والمواصلات) وياليت مايكون فيها عرب كثير وماهو مهم ان كانت الولاية شديدة البوردة او لا
وياليت يكون القبول مشروط معهد وجامعة وانا ودي ادرس تخصص موارد بشرية او ادارة اعمال وشهادتي ثانوية عامة علوم شرعية وعربية
فياليت مساعداتكم لاني مابي اعتمد على مكاتب الخدمات
حياك الله يا غالي ,,,اقتباس:
المشاركة الأصلية كتبت بواسطة abo habib
اذا بتدرس على حسابك , اعتقد انه لازم تحصل على موافقة الملحقية قبل ما تطلع..
بالنسبة للولايات الارخص من حيث السكن و المعهد و المصاريف و مايكون فيها عرب كثير .... انا لم ابدا دراستي بعد .. الاخوان ما راح يقصرو ان شاء الله .
بالنسبة للبرودة في الولايات ... فكلما اتجهت للشمال كلما زادت البرودة ... لكن لا تشغل بالك بالبرودة او غيرها لانه في حالة انك وجدت المعهد المناسب راح تدرس فيه و لو كانت الولاية بااااردة ... يعني حط هذا الشي خيار اخير بالنسبة لك .
بالنسبة للقبول المشروط معهد و جامعة ... مافيه قبول مشروط للمعهد .. القبول المشروط يكون للجامعة فقط .. ابحث عن تخصصك اللي تبغاه عن طريق موقع الوزارة ,,, تطلع لك مجموعة جامعات فيها تخصصك و الدرجة العلمية اللي انت حددتها,, ادخل على مواقع الجامعات وحده وحده.. و تاكد عن طريق مراسلتهم هل يوفرون قبول مشروط في تخصصك ام لا ... لانه مو كل الجامعات تعطي قبول مشروط... بالنسبة للتخصص موارد بشرية , فواحد من اقاربي طلع على حسابه , و لازال في مرحلة اللغة , وراسل الملحقية عشان هالتخصص و رفضوه ,, وقالو فيه تكدس في هالتخصص ,و تاكد اكثر , و ان شاء الله الاخوة و الاخوات ما راح يقصروا . تحياتي و اتمنى لك التوفيق