الذهاب للملحقيه ام الذهاب مباشره للولايه المراد الدراسه بها

السلام عليكم ورحمة الله و بركاته


الله يجزاكم خير ابي اسال سؤال محيرني عجزت ابحث و لا لقيت الحل ؟؟

هل اذهب من السعوديه للملحقيه بواشنطن و استقر يومين اكمل اوراقي بالملحقيه ثم اذهب لتكساس ( تكساس الولايه اللي بدرس فيها ان شاء الله ) ام اذهب من السعوديه لتكساس و افتح لي ملف عن طريق النت لي و لمرافقي ؟

لقيت من خلال البحث ان الفتح عن طريق الانترنت ممكن تطول مساله ارسال الضمان المالي لي و للمرافق و الضمان الصحي !!!

فابي الجواب الشافي لهذي المساله ؟؟ ياليت الرد يكون سريع لان اليوم بالكثير بحجز التذكره ان شاء الله ..
و سؤال ثاني هل امر الاركاب يشمل الرحلتين لو كنت باقعد في واشنطن يومين ؟؟؟

وعليكم السلام ورحمة الله وبركاتة

حيااك الله اختي الله يوفقنا وياك يارب

اختي نصيحه لك لا تروحين الملحقيه اول شي خساره عليك وتضيعين وقت كل شي من البوابة من النت

صراحة ما انصحك تروحين الملحقيه

على طول مايبغى لها تفكيررر.. توكلي على الله وروحي ولايتك لأنك تروحين للملحقية وتخسرين فنادق وتكسي وفي الاخير يقولون لك روحي انزلي للمعمل في الدور الارضي وافتحي ملف عن طريق البوابه وبعدها يقولون لك روحي لولايتك وراح يجيك كل شي الكترونيا.. فيعني كأنك ماسويتي شيء.. اتذكرقبل ثلاث سنوات كان الوضع يتطلب مرور الملحقية وكنا نحصل على التأمين الصحي المؤقت ويرسلون الضمان عن طريق الايميل . بس الحين مع البوابة الالكترونية فماله داعي المرور على الملحقية في واشنطن ابدا.. بس جهزي اوراقك وسوي لها سكان كاملة ويكون الحجم اقل من 500 عشان بس توصلين وترفعينها في غضون دقائق..
بالنسبة لامر الاركاب يوصلك لواشنطن ولمقر دراستك . يعني الخيار في الاخير لك بس نصيحتي احجزي على مدينتك مباشرة.
اتمنى لكي رحلة علمية ناجحة.

اقتباس:

---

المشاركة الأصلية كتبت بواسطة Abo Mssad

على طول مايبغى لها تفكيررر.. توكلي على الله وروحي ولايتك لأنك تروحين للملحقية وتخسرين فنادق وتكسي وفي الاخير يقولون لك روحي انزلي للمعمل في الدور الارضي وافتحي ملف عن طريق البوابه وبعدها يقولون لك روحي لولايتك وراح يجيك كل شي الكترونيا.. فيعني كأنك ماسويتي شيء.. اتذكرقبل ثلاث سنوات كان الوضع يتطلب مرور الملحقية وكنا نحصل على التأمين الصحي المؤقت ويرسلون الضمان عن طريق الايميل . بس الحين مع البوابة الالكترونية فماله داعي المرور على الملحقية في واشنطن ابدا.. بس جهزي اوراقك وسوي لها سكان كاملة ويكون الحجم اقل من 500 عشان بس توصلين وترفعينها في غضون دقائق..
بالنسبة لامر الاركاب يوصلك لواشنطن ولمقر دراستك . يعني الخيار في الاخير لك بس نصيحتي احجزي على مدينتك مباشرة.
اتمنى لكي رحلة علمية ناجحة.

---

هذا كلام صحيح
ومكتوب بصفحة التوتر للملحقية
روحي الولاية على طول

الله يجزاكم خير و لا يحرمكم الاجر ما قصرتوا ,, انا كنت اتمنى ان كل شي من البوابه و الحمدلله انها صارت كذا
اجل ان شاء الله علطول لتكساس ,, الله يوفقنا و ياكم

جزاكم الله خير ...!