اللي يساعدني في القبول له دعوة بظهر الغيب

السلام عليكم ورحمة الله وبركاته
اعزائي اعضاء المنتدى الرائع ,انا متابعتكم من زمان واحب اقرا في المنتدى كثير واستفدت كثير منكم
اعزائي ... الكتاب واضح من عنوانه الله يوفق اللي يقدر يساعدني في القبول وييسر أمره
انا ابي ابتعاث لدولة امريكا بتخصص ماجستير :شبكات لو ماتيسر ابي هندسة حاسب
تخصصي بكالوريوس نظم معلومات ومعدلي كويس الحمدلله.
المشكله اني ابي قبول مشروط ويكون في خلال شهر واسبوعين.
هل تتوقعون هذي الفترة كافيه عشان اجيب قبول من معهد لغة وقبول جامعي .
الله يوفق كل من رد علي ولو رفع الموضوع واللي يقدر يساعدني له دعوة بظهر الغيب.

ولا رد, الله يجزاكم خير انتظر ردودكم

طيب اختي هل حددتي جامعات معينه عشان نقدر نفيدك؟
وبخصوص قبول اللغه بالامكان الحصول عليه خلال اسبوعين

- - - مشاركة محدثة - - -

هل ترغبين في تخصص ؟information system

اختي قررتي وش المدينه او الولاية الي بتروحين علشان نحددلك الجامعات والمعاهد

ان شاء الله الامور سهله بس ابي اعرف تبين بضبط معهد وقبول مشروط يعني

وش الولاية طيب ؟

بعيد الشوق & k-alkaldi
أسأل الله العلي العظيم أن يرزقكم من حيث لا تحتسبون
انا ما ابي نظم معلومات انا ابي شبكات لو ما تيسرت ابي هندسة حاسب
و بالنسبة للجامعة ابي جامعة تكون في ولايه فيها عرب كثير زي كالفورنيا
كمان افكر في جامعة وتشيتا لكن متردده لاني لقيت في تخصص الشبكات
في وزارة التعليم العالي حاطه تحت التخصص التقييم 1/10
عشان كذا خفت وتراجعت عن اختيار هذه الجامعة

ان شاء الله بكره اختي بعطيك اسماء جامعات تعطي قبول مشروط

انتى تبحثين عن جامعة تعطي قبول مشروط وان شاء الله يكون التخصص الي تبينه مطلوب

الجامعات الي تعطي قبول مشروط قليله العدد ومب بسهوله جلب القبول المشروط

انتي حاولي بس ارسلت لك الجامعات تراسلينهم وتطلبين منهم قبول مشروط

الين ما تحققين المطلوب وانتى بهل فتره حاولي تبحثين علي مهلك الين ما تحددين الجامعه الي تبينه

وقدمي قبول نهائي

الله يجزاك الجنة ويرزقك كل ما تتمنى بس مافنح معي عشان المشاركات قليله
هل ممكن ترسلها على هذا الايميل aalshehri2@hotmail

فيه جامعات تعطيك قبول مشروط اذا دخلتي معهد اللغة حقها مثل جامعة wright state university
وجامعة Drexel وجامعة daynton وجامعة Missouri وفيه جامعات كثيرة متعاقدة مع معهد ELS تعطيك قبول مشروط اذا دخلتي هالمعهد

اختي الكريمه ممكن سؤال هل سجلتي بمعهد او للحين ؟

لنه في طريقة ممتازه من خلال ان المعهد هو يجلب لك القبول المشروط

لا لسى ما جبت قبول من اي معهد