امريكآ .. بعد الثآنوي او بعد الكلية .. ارآئكم
السلام عليكم ورحمة الله ..
انا فيصل . طآلب ب ثآلث ثآنوي ..
اخر سنة نسبتي ب القدرات لحد الان 60 .. يمكن اختبر ب الفصل الثاني بإذن الله ..
الصراحة خآلي يكبرني ب سنتين .. وهوب امريكا له سنه ..
وانا ودي او حلمي بمعنى اصح وادق .. اني اطلع ادرس ب إمريكا ع حسابي طبعا وبالتحق بعدين
لكن في شي خوفني . يوم حكيت لواحد من العيال وكذآ ..
قآلي اسمع ي فيصل .. ترى امريكأ مو لعبة تطلع وقت ماتبي ..
ترآ ذآ مستقبل .. قآلي انصحك تخش كلية هنا .. تآخذ الدبلوم وتطلع
قلت انا ودي بعد الثانوي ع طول الصراحة .. قالي اسمع
تطلع هناك بعد الكلية .. يكون حتى اذا فشلت هناك ورجعت
يكون معاك شهادة هنا ..
-
مآ انكر انه اقنعني , وانا جاي هنا اخذ رآيكم .
انا ودي اطلع بعد الثانوي والوالد موافق الصراحة
بس كلام الولد ذا لعب بمخي وخآلني آخآف ..
ودي أسمع آرآئكم , بعد الثآنوي ولآ بعد الكلية ؟
آنتضركم ..
رد: امريكآ .. بعد الثآنوي او بعد الكلية .. ارآئكم
عليكم السلام ورحمة الله وبركاته
بالنسبة لي ماأحب فكرة الخروج بعد الثانوي على طول لعدة أسباب ومن أهمها في اعتقادي أنه الفرد لازال في مرحلة مراهقه وماوصل لمرحلة النضوج الفكري وإن وجد بعض الاستثناءات.
طبعاً بما أنك توك ماخلصت الثانوية والمجال أمامك مفتوح، أشوف أنك تقوم بعمل قائمة فيها ايجابيات وسلبيات الدراسة هنا او بالخارج وتفاضل مابينها.
وبعدين ليش تدخل دبلوم؟؟؟؟؟ و بعدين تروح تدور جامعات تعادل لك ويمكن ماتلقى او يعادلون لك 20% او حولها
أنا أشوف مادام عندك طموح لإكمال الدراسات العليا ادخل بكالوريوس من الأول وريح عمرك سواءً هنا أو في أمريكا.
أما بالنسبة لخويك اللي يقول :
(ترى امريكأ مو لعبة تطلع وقت ماتبي .. ترآ ذآ مستقبل .. قآلي انصحك تخش كلية هنا .. تآخذ الدبلوم وتطلع )
يسرني أن أبشرك أنه ماعنده سالفة،
طبعاً انا ماسبق ودرست دبلوم بس درست بكلوريوس في السعودية في علوم الحاسب وصراحة كان صعب وكررررررف من جد بس هذا ماكان سبب نعنذر فيه بالعكس كان دافع
وأذكر معانا ناس ماقدرو يوصلو للمستوى الرابع ولما سحبوا ملفاتهم وراحو أمريكا أخذو الشهادة وبسهولة. طبعاً ممكن شخص يقول الكليات التطبيقية عندنا معقدين وممكن آخر يقول أمريكا أسهل وممكن شخص آخر يقول أنهم وجدو الجو المناسب وشدو حيلهم.
الزبدة:
أنصحك بدراسة البكالوريوس بدلاً عن الدبلوم، وسواءً اخترت أمريكا أو االسعودية لايهمك اللي يقولون صعبة وسهلة لأنك تجد في أمريكا جامعات سهلة وجامعات صعبة وجامعات مش حالك ونفس الكلام موجود في بريطانيا واستراليا والسعودية. تأكد أنك اذا شديت حيلك راح تمشي لو في اصعب الجامعات ودائماً تذكر ("اأن الذين سبقوك في هذه الجامعة او هذا المجال ليسوا افضل منك بشيء") يعني بالعامية (لابزبدون عنك بشيء).
استشير واستخر بالله ثم توكل عليه.
أتمنى أني أفدتك لو بالشيء البسيط.
تحياتي،
رد: امريكآ .. بعد الثآنوي او بعد الكلية .. ارآئكم
برأيي البكالوريوس في السعودية وبعدين تروح لأمريكا للماجستير
رد: امريكآ .. بعد الثآنوي او بعد الكلية .. ارآئكم
شكرآ . شكرآ لكم جميعآ , ربي يعطيكم الف عافية ..
لا زلت اطمع في المزيد من الآرآء .. انتظركم
رد: امريكآ .. بعد الثآنوي او بعد الكلية .. ارآئكم
البكالوريوس في السعودية افضل اوفر للوقت والجهد
وبعدها بعثة للماجستير
رد: امريكآ .. بعد الثآنوي او بعد الكلية .. ارآئكم
من وجهة نظري....... اولا: عليك ان تعرف نفسك قبل لا تروح لامريكا. اقصد يعني قدراتك الشخصية .
اذا تاكدت انك راح تقدر تدرس برا , اتكل على الله , وروح , و اجتهد وثابر , لان هالبعثات فرصة لن تتعوض , اعتقد انه راح يجي اليوم اللي بيوقفونها فيه. والشباب و الشابات السعوديين اعتقد ما يصعب عليهم شي ..الله يوفقك لكل خير .