الخطوه المصيريه هذي معلقتني :( !
السلام عليكم ورحمة الله وبركاته ..
أنا وديت اوراقي للمكتب وسويت كل شي وكل شي جاهز , بس وقفت عند مرحلة الـ ( إختاري ولايه يا بنتي :) ! )
بالاول اخترت فلوريدا جامعة University of South Florida
مع انها متاحه من الملحقيه ووزارة التعليم العالي و مرحلة البكالوريوس ! وكثير قالوا لي مقفله o_o !
قال لي المكتب بيراسلون الملحقيه ويتأكدون لي , انا عشان ما اعطل نفسي رحت ولفيت وياليتني مالفيت ;)
قلبي تعلق بالولايات الغربيه اللي هي ( Colorado - California - Arizona- Washington ) اللي تجتمع فيها الدراسه مع الترفيه لاني صحيح طالعه ادرس بس مشكلتي لما تقفل الاخلاق تقفل مافيه واحد اثنين :D ! وهي الأرجح ...
لكني لقيت تفاعل كثير بالولايات الشرقيه وحطيت باعتباري ( Pennsylvania )
المهم الحين اسألتي عن الولايات الغربيه, : California
سان فرانسيسكو أو سان دييجو , كيف اسعار السكن وهل بلاقي ( سعوديات ) مؤنث وليس مذكر ممكن يساعدوني او يستقبلوني , المعاهد والجامعات اللي فيها متساهلين ام معقدين و كيفها في تخصص نظم المعلومات او العلوم الطبيه .. ؟
Colorado
اسعار السكن ؟ هل فيه سكن مع عائلات ؟ كيف البروده هناك ؟ وهل هناك وسائل ترفيه ؟
Washington :( !
كنت ابي سياتل , يوم دورت بموقع الملحقيه مالقيت ولا جامعه لنظم المعلومات فيها ! وعندي سؤال هنا لو دخلت من نفسي وهي مو مذكوره بموقع الملحقيه يضموني للملحقيه ؟
الحين نجي لأسألتي عن Pennsylvania
اول شي هل فيه ولايات بالشرق افضل منها ؟
اسعار السكن طبعا وهل متاح لي اني اسكن مع عائله وانا معي مرافق؟
آخر خياراتي حطيتها Texas مدري ليه اصلا حطيتها خيار بس لو قفلت علي من جميع النواحي بتوكل على الله وبروح لها ..
نجي لآخر الاسئله : أيهم افضل الولايات الشرقيه ام الغربيه ؟ و ماهي افضل الولايات الغربيه من ضمن اللي اخترتهم ؟
آخر سؤال عن الدراسه : لو انا ضعيفه بماده معينه مثل الماث فيه تقويه من الجامعات ؟ ولا :( ؟
أعتذر عن الإطاله , الله يخليكم محتاجه نصيحة احد فاهم وواعي :( ولاتنسون اني بنت والبنت غير عن الولد فأتمنى تساعدوني وتجاوبون على الاسئله واذا عندكم معلومات تفيدني باختيار الولايات لاتبخلون علي :)
شكراً مقدماً ..