الأعضاء الإشتراك و التسجيل

الملتقيات
ADs

مساعدة شوركم وهـداية الله = شوي من وقتك اقراني وتوكل على الله

مساعدة شوركم وهـداية الله = شوي من وقتك اقراني وتوكل على الله


NOTICE

تنبيه: هذا الموضوع قديم. تم طرحه قبل 1836 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Mr_faris
    Mr_faris

    مبتعث جديد New Member

    Mr_faris السعودية

    Mr_faris , ذكر. مبتعث جديد New Member. من السعودية , مبتعث فى السعودية , تخصصى علمي , بجامعة still
    • still
    • علمي
    • ذكر
    • not now, N/A
    • السعودية
    • Jan 2013
    المزيدl

    January 14th, 2013, 06:18 PM

    السلام عليكم ورحمة الله وبركاته


    مساء الخير وصبـآح الخير على الكل .

    والله يوفقكم ويرزقكم من حيث لاتحتسبون !!

    اخواني قراري بين يديكم انتم الادرى والاكبر والافهم حسب خبرتكم وتجاربكم بالحياه الجامعيه والغربه والاختلاط بالثقافات والعادات.

    بعرفكم بـ من انا :

    عمري 25 متزوج وعندي بنت وموظف وظيفة قوية بشركة سابك . وراتبي فوق الـ 10 الالف الحمدلله.


    بوظيفة مشغل بمصانع الهيدروكاربون والبيتروكيميكل.

    ومن تخرجي وكان يراودني حلم السفر ( للدراسه) والجديه من ناحية العلم والدراسه والحصول على الهندسه لـ مستقبل و تعلم و تطوير و فخر وشرف لأجيال من بعدي .

    ولكن الوالد الله يطول بعمره كان خايف لصغر سني في ذالك الوقت ولكن الحلم والطموح فيني ينام ويصحى وكل مره اقول له ويرفض .


    المره هذي صار لي موقف وخلاني اعيد اصحي طموحي ولكن مشكلتي انا مع رفض الوالد انولد فيني شعور التردد والخوف .. لان طموحي يبي من يمسك ايده ويمشيه وانا ابي من يمسك ايدي ويقول لي توكل على الله وبنفس الوقت ابي الراي والشور الواقعي والصحيح ... يمكن يكون رايي غلط وتفكيري راح العمر عليه .


    فكرت ادرس واضحي بالوظيفه اللي خبرتي فيها 5 سنوات . وادرس هندسه كيميائيه مقاربه لتخصص وظيفتي . او ماييقارب لها .

    الاسأله:

    هل قراري صح او غلط وكم نسبته . هل هي رغبه مؤقته تعتقدون او رغبة جاده . >>> انتم جاوبوني وش رايكم .

    هل تستاهل الدراسه والهندسه اني اضحي بوظيفتي واستقراري ....بالعلم اني والحمدلله مقتدر ماديا .

    وانا لو بطلع معي زوجتي وبنتي وممكن اخوي معي... سؤالي : هل المرأه (السعوديه) بالحجاب و (النقاااب) وضعها هناك عادي وسليم وان شاء لله مافي اي مضايقات او مشاكل لو رحت وجيت وومارست حياتي العاديه بـ ( (امريكا) او بريطانيا او تلك الدول الغربيه وبالاخص امريكا) .

    وماهي افضل دولة للدراسه والامان والراحه النفسيه امريكا ام بريطانيا ام كندا ... ( ومن ناحية الالتحاق ) لاني بروح على حسابي الخاص بالبداية ان شاء لله .

    هذا اهم الاسئله واللي متردد منها ..!!

    واعطوني شوركم ونصايحكم سوا بصلب الموضوع او خارجه

    وشاكر لكم مقدما















  2. والله انا انصحك من واقع تجربة لا تترك وظيفتك خصوصاً ان راتبك ما شالله طيب
    ترى اغلب المبتعثين الحاصلين على دكتوراة وما جستير احتمال يرجعون ما يحصلون وظائف
    الان بعض الى رجعوا حصلوا على 6000 ريال وهو ماجستير
    ممكن تقدر تسجل في الجامعة الالكترونية وتكمل فية عندك فرص اخرى
    لكن اهم شي وظيفتك ما تتركها هذا رزقك ورزق عيالك
    وعسا الله يوفقك
    7 "
  3. وعليكم السلام ورحمة الله وبركاته
    اولا اخوي ،، شي طيب انك حاب تتعلم وتزود عقلك بالعلوم النافعة ،،، وانا اشجعك علئ الدراسة ولكن اون لاين او داخل مدينتك ،، لان بصراحه تترك وظيفتك هذا انا اشوفه تضحية قوية !

    اذا طبيعة عملك ورئيسك في سابك يسمح لك تبتعث علئ حسابهم وتصير ضامن الوظيفة وبنفس الوقت راح تتعلم وتفيد وتستفيد ، هذا شي حلو
    لآن بصراحه قبلك ناس تخرجو بكالوريوس وتعذبو وماجاتهم وظايفهم وما حدهم علئ البعثة الآ اللي امر منه انهم ماحصلو وظائف!
    عموما المبتعثون نهايتهم مجهولة لان مو مضمون لهم الوظايف .
    نصيحة امسك وظيفتك افضل لك وطور من نفسك باللي تقدر عليه .

    ملاحظة:
    يفضل تكتب هداية الله ثم شوركم ، مع ان كلامك صحيح ،لكن هذا من حسن الادب مع الله سبحانه .
    بالتوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.