استفسار عن الحواله من السعوديه

ههههههههههه أدري إنهآ تقهركـ لجل كذآ ..
قلتهآ لكـ بآلعآني ..

يس انا مجربها بنفسي لكن صح نسيت اقولك البنك الامريكي ياخذ عموله 15 دولار بس ,
زيادة على المبلغ الي حياخذة بنك سامبا .

ياشيخ يأخذون الي يبون المهم توووووووووووووووووووووووووووووووصل
بس سؤال ايش هو بنكك الي بامريكا ؟؟
------------

حروووووف ، والله على قد قهري ضحكتني بس جد اي رجال يقولي أستاذه هيفا تجيني قشعريره

ياااااسلام زي بنكي انا بتشيس

الله يسعدك بس قول أمين ، بكره بروح وبقولك وش صار معي

تقرير اليوم

الصباح رحت للبنك وسحبت الرصيد كاش

ورحت لسبيد كاش والحمدلله كان فاضي ماعندهم شغل غيري وعبيت ابلكيشن ونفس ماقال ابراهيم اخذو اسم البنك ورقم الحساب والراوتنق نمبر وعنوان الفرع الي فتحت فيه الحساب لأول مره وبطاقته احوالي وبس

وأخذوا رسوم ١١٠ ريال بس وقالو ٢٤ ساعه وتوصل

عاد بنتظر ٢٤ ساعه أشوف وش بيصير

تخيلو ماتوصل !! جاني وسواس لدرجه اني أكلم الموظف ورا الشباك اقوله لف الشاشة علي ابي أشوفك وانت تدخل البيانات اخاف تغلط

بس عطاني نظره !!! زي الي يقول سدي حلقك بس

المهم يعطيك الف مليون عافيه خيوو ابراهيم
ولكل من تضامن معي معنويا

الف مبرك استاذة هيفاء ههههههه

احس لمن توصل الفلوس بترتاحي نفسيا ونص همك بيروح





( تمت المشاركة باستخدام تطبيق مبتعث )

ابشرررررركم
دخل المبلغ في حساااااااابي


شششششكرا ابراهيم للمره المليوووون

بالنسبه لنظام سبيدي كاش ..
فهو فعلاً 24 ساعه ويدخل المبلغ بالحساب مباشرة ..

الرسوم اللي أخذوها منك .. هذي رسوم المبلغ اللي انتي حولتيه !
يعني لو زاد المبلغ .. تزيد الرسوم ..
واذا ذاكرتي ماتخوني .. أن المبلغ الاقصى للتحويل كل شهر 7000 دولار تقريباً ..
يعني اذا حولتي 7000 دولار .. خلاص تنتظرين ثلاثين يوم لحتى تحولين مره ثانيه ..
مايهم اذا كانت بحواله وحده او مجموع حوالات الشهر ..
لانهم يمشون على حسابك اللي عندهم ..

ولهم بطاقه يعطونك اياها .. اذا جيتي ترسلين مره ثانيه .. بس تعطينهم البطاقه ويحولون لك مباشرة ..

نظام السبيدي كاش في الحوالات جيد مقارنة باشقائه الويسترن يونين و الموني قرام ..
لكنه فقط مايحول الا على الحساب البنكي .. يعني اذا ماعندك حساب بنكي مايحول !

اذا احد حاول يحولك عن طريقه على حسابك .. لابد يقدم لهم البطاقه اللي اعطوك .. او راح يضطر يطلع بطاقه جديده ويسجل حسابك على اسمه من جديد !

المده اللي تاخذ فيها الحوالات عادة 24 ساعه ..

فيه اوقات في الحوالات , توصل في نفس اليوم (من 6 الى 9 ساعات) ..
لو حولتي من عندهم الصباح بدري , ثاني يوم (بتوقيت امريكا) راح يوصل المبلغ قبل ينتهي دواماتهم !
اعطيك مثال حتى تبين لك الفكرة :

قولي انك حولتي الأثنين الساعه 9 الصباح بتوقيت السعودية ... (راح يكون وقتها الوقت في امريكا مابين 1 و 3 فجر الأثنين حسب الولاية)
الحواله راح تدخل في حسابك الامريكي مابين 10 الى 4 العصر يوم الأثنين بتوقيت امريكا ...
يعني توصل في نفس اليوم ..

بينما لو حولتي يوم الأثنين الظهر او العصر بتوقيت السعودية ..
الحواله راح تدخل في حسابك يوم الثلاثاء الصباح مابين 9 الى 2 الظهر بتوقيت أمريكا !


هذا تقريباً اللي اذكره في تعاملي معهم !

المشكلة ان البنوك لما تحول حوالة دولية ياخذون عليك فرق عملة و رسوم تحويل دولي ..

عفوآ اختي ,,,

(خير الناس أنفعهم للناس ).