ابي معلومات عن كولورادو دنفر Colorado Denver,CO

السلام عليكم ورحمه الله وبركاته
كيف الحال ان شاء الله بخير ...!
انا عضو جديد بالمنتدى الجميل ... وان شاء الله رايح امريكا من كولورادو دنفر وجهزت كل اغراضي وكل شي تمام الحمد الله ولكن حاب استفسر عن هالبلده يعني انا عارف ان فيه سعوديين وعلى فكرره انا رايح على حسابي وراح احول على حساب الملحقيه وانتم عارفين الطريقه يعني لازم انتظر وانا مضبط رحلتي كامله من السكن مع العيله والطياره ومعي قبول جامعه ومعهد ولكن ناقصني اعرف اشياء كثيره عن الديره هذي مثل طبيعتهم الاماكن الترفيهيه كيف الوضع امان وكم الساعه الناس تهجد في بيوتهم ؟ والاسعار التاكسي والمواصلات المطاعم في مساجد قريبه ؟ فيها نسبه مسلمين ؟الاوضاع بكل عام الحين الوضع برد وثلوج او عادي لآني مابعد اشتري ملابس باقي على رحلتي شهر كامل راح امشي في شهر ٣ يوم ٢٣ ان شاء الله يعني شهر وماشي من السعوديه ومثل ماقلت لكم اموري تمام ومجهز اغراضي ولكن الواحد لازم يسآل عن طبيعتهم لآني اجهل الشيئ هذا وانا رايح مع صاحبي ونفس الطياره ونفس المعهد والسكن في العيله والامور تمام التمام بإذن الله تعالى .... يعني ياليت اللي راح هناك يعطيني نبذه كامله ويعطيكم الف عافيه يااعضاء المنتدي وشكرا

حسب آخر معلومة وصلتني إن ولاية كولورادو تقفلت من الوزارة....تأكد من المعلومة هذي قبل تجي عشان ما تنكب

ماشاء الله ولا رد ولاشي الا واحد بارك الله فيك انا الان لي شهر في الولايه والولايه ممتازه وسمعت كلام من الطلاب ان ممكن انها تنفتح علماًِ بانها تقفلت بسبب صار الحشيش مسموح في هالولايه لها شهرين من سموح في عشان كذا قفلت الولايه والحمدالله ولايه كويسه وممتازه وانا ساكن عند عيله محترمه في قرين فالي ٦٥٠ دولار بالشهر مع التوصيل للمعهد لكن بررررد وكل يومين ثلاثه ثلج وناسه وفله ومعهدي كلورادو سكول اوف انجلش معهد جيد جدا الشهر ٣٧٥٠ ريال سعودي مايعادل الف دولار وشكرا للجميع وحبيت ارد على موضوعي افاده عن الولايه على فكره الداون تاون يبعد عني ٢٠ دقيقه بالسياره وشكراً