مساعدتكم ياخواني ، لاهنتم اتمنى الدخـول لاني بمشي " ومتردد " ((خير الناس أنفعهم للناس

السلام عليكم ورحمة الله وبركاتـــه

-

اخواني عندي كثير من الاسئله

اولها مستواي بالانجليزي ضعيف" يعني اعرف الحروف " اتكلم بشي بسيط مثل " اقول اسمي " اقول من اي انا " يعني جمل عآديه

> عآد مدري اسلك هناك او لا < هذا اول سؤال

-

ثاني شي " وش احسن ولايـــه ؟ للدراسه يعني تكون رخيصه ؟
لان فلوسي " حوالي " 60 الف ريال سعودي " لذلك كم تقعـدني

" غير كذا يعني ابي ولايـه رخيص " وبنفس الوقت يكون معهـد ممتـاز للتعليم "يعني انا جاي اتعـلم "


هل هناك معاهد تخذ منها قبول مشروط " ممتـازه بالتعليم وبنفس الوقت اذا انت جالس بامريكا " بتدفع شهري مع اكلك وسكنك "1900 دولار " حوالي كذا ؟ تقـدر تنظم الوقت ع كذا يعني ع حسب الولايـه لاكن مابي معهـد رخيص وتعليم خرطي


---
غير كذا مابي ولايـه رخيصه " لاكن اجرامـه " اكثر من رخصه يعني مدينه هـأديه وبنفس الوقت الواحـد يرتـاح فيها


فأتمنى المساعده منكم


"
غير كذا هل الي يقول الولايـه يقدر يوفر لي قبـول منهـا ؟

يعني ارسل له كل شي ويرسل لي القبـول ؟


في انتـظاركم اخـواني ؟

فيه ولايات رخيصه بس قوة المعهد مدري المعاهد بعد ما اطلعت اكتشفت أنها نوعين تجاري وتبع جامعه التجاري يركز علئ السبيكنق والكمفرزيشن المحادثه أما الي تبع جامعه يكون الرايتتق الكتابه اكثرر دائم ينصحون الي مايعرف شي أبدا بالانجليزي يدخل تجاري اربع شهور كذا وبعدها يحول أكاديمي الي هو تبع الجامعه نصيحتي لك وأنا أختك اذا ما تعرف شي أبدا ومعك وقت قبل لا تسافر ادخل معهد هينا بالسعودية اربع شهور أو ثلاث شهور ماشاآءالله معاهد الشباب افضل بكثير من معاهد البنات ولك خيارات عده وبعدها اطلع لأمريكا معهد أكاديمي تبع جامعه والله اعرف ناس طلعو تب بهذي الحركة اتمنئ أني ساعدتك والله يوفقنا يارب ويسهل أمورنا جميع

اقتباس:

---

المشاركة الأصلية كتبت بواسطة سلااااف

فيه ولايات رخيصه بس قوة المعهد مدري المعاهد بعد ما اطلعت اكتشفت أنها نوعين تجاري وتبع جامعه التجاري يركز علئ السبيكنق والكمفرزيشن المحادثه أما الي تبع جامعه يكون الرايتتق الكتابه اكثرر دائم ينصحون الي مايعرف شي أبدا بالانجليزي يدخل تجاري اربع شهور كذا وبعدها يحول أكاديمي الي هو تبع الجامعه نصيحتي لك وأنا أختك اذا ما تعرف شي أبدا ومعك وقت قبل لا تسافر ادخل معهد هينا بالسعودية اربع شهور أو ثلاث شهور ماشاآءالله معاهد الشباب افضل بكثير من معاهد البنات ولك خيارات عده وبعدها اطلع لأمريكا معهد أكاديمي تبع جامعه والله اعرف ناس طلعو تب بهذي الحركة اتمنئ أني ساعدتك والله يوفقنا يارب ويسهل أمورنا جميع

---

جزاك الله خير وجعـله بـ ميزان حسناتك والله باالوقت الحالي > حـاط لي مدرس بلبيت يجي يعلمني > ومعاي شهر وبمشي > بس يعني حسيت ان الانجليزي سهل > يوم شفت مدرسي يعني فهمه بسيط بأذن الله وكل شي بأذن الله يصير

يعني بدرس لي شهر وبمشي امريكا
:)

حركه حلوه ومفكره فيها انا بس مابعد عزمت لأني انصدمت من تاريخ دراستي بالمعهد لانها بعد رمضان كنت مفكره أنها بعد شهرين هههههههههههه الله يوفقك ويسر أمرك

بس لازم تعرف معاهد تبع الجامعه اذا اختار موعد دراستك ما تقدر تغير الموعد لابتقديم ولا بتاخير يعني اسالهم متئ دراستي بتكون وكذا عشان تعرف وش انت عليه أما المعهد التجاري أتوقع تقدر تغير وتقدم وكذا

اقتباس:

---

المشاركة الأصلية كتبت بواسطة سلااااف

ومسجله في معهد تبع جامعه بس لازم تعرف معاهد تبع الجامعه اذا اختار موعد دراستك ما تقدر تغير الموعد لابتقديم ولا بتاخير يعني اسالهم متئ دراستي بتكون وكذا عشان تعرف وش انت عليه أما المعهد التجاري أتوقع تقدر تغير وتقدم وكذا

---

خليني افيدك زي مانفعتيني انا اتصلت ع مكتب وقال لي تبي ترم صيفي نشوف لك معهد والا تبي ، جامعه > الجامعه > يلعن خامسي بالفلوس> يخليني اشتغل كرسون >عشان كذا بدخل معهـد تجاري واجيب قبول مشروط > بحـد اادنى اي تخصص مبيعات تسويق اي شي اجيبه > لاكن يكون حـد ادنى > بتقولين ليش تخذ تخصص نفس كذا اجلس بالسعوديه احسلك > ادري > لاكن شوفي لمى اخذ مثلاً تخصص امن معلومات ؟ مطلوب مني معدل بالايلس > سته وفـوق او سبعـه > لاكن يوم اخذ حد ادنى > لو جبت 6 > ااقدر اغير التخصص للي ابي > يعني اقدر انقل لـ امن معـلومات > لاكن لو جبت قبول مشروط بـ امن معلومات " يشرطون علي معـدل سته او سبعه واذا جبت 5 > م قدر لازم 6 لاني مقـدر اغير التخصص خلاص ياني اجيب درجه 7 او اني اضف وجهي للسعـوديه >
يعني خوذي لك قبول " من معهـد تجاري وجيبي قبول مشروط من اي جامعه مش حالك بس بشرط تقبل الجامعه انك تدرسي بي معهـد تجاري > يوم يجيك > الضم من الدوله > اسحبي ع ابو المعهـد وشوفي احسن معهـد تبين > الواحـد يبدا صغير وبعدين يكبر مو يصير طمـاع " وبينك وبينك المعهـد ماله شغل السالفه متوقفه على فهـم الشخص " واذا انتي ماتبين الا بعـد رمضـان
عندك فرصه حلوه والله حطي لك مدرســـــــــــه بيكون وضعـك ممتاز ع ماتجيك البعثـه !!

طيب انا زي فكرتك مقدمه علئ مكتب بخصوص يجيب لي قبول مشروط في تخصص ادارة ماليه أو نظم معلومات وهذولي مابيها لان تخصصي الي أبيه ادارة تعليميه والإدارة التعليميه ما تعطي قبول ألا بشرط التوفل بس المعهد لا والله معهد تبع جامعه ثانيه في ولايه ثانيه غير الجامعه الي بدرس فيها بس المعهد قريت عنه كويس وأنا ابي دراسه اكاديميه لأني ماستر

يأكثر الجامعات الي قدمت عليها وترفض لانها تبي توفل ما تعطي مشروط جلست حول خمس الشهور وأنا أدور أخرتها رحت لمكتب والمشكلة سمعت ان جامعتي المقدمة عليها التخصصات بعضها مسكره

اقتباس:

---

المشاركة الأصلية كتبت بواسطة سلااااف

يأكثر الجامعات الي قدمت عليها وترفض لانها تبي توفل ما تعطي مشروط جلست حول خمس الشهور وأنا أدور أخرتها رحت لمكتب والمشكلة سمعت ان جامعتي المقدمة عليها التخصصات بعضها مسكره

---

انتي معاك بكالوريس ؟ يعني اذا معاك بكالوريس وتبين تكملي ، ماجستير لازم الايلس او التوفل غيرها م عتقــــــــــد ، يجيــك قبول

وبالتوفيق إختي

وادعي لنا بالتوفيق

السلام عليكم ورحمة الله وبركاته
اهلا اخوي .. راح افيدك باللي اقدر عليه
اولا يالغالي اذا كانت لغتك ضعيفه هذا م يعيب انت جاي اصلا عشان تتعلم اللغه والمعاهد كثير ولله الحمد وفيه الكويس وفيه المش كويس
ثانيا يالغالي بنسبه لـ 60 الف ان شاء الله انها تكفيك حول 6 شهور وزياده اذا م كنت راعي طلعات وصرفيات كثر
والولايات الرخيصه كثير وحاول تشوف لك ولايات ريفيه رخيصه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
بنسبه لـ قبول المعهد + الجامعه .. ترا بعض المكاتب الله بالخير اذا ما كانت الاغلب .. فحاول تجيب لك قبول من شخص تعرفه او اي شخص فاهم في القبولات والاخوان اللي يجبون قبول هنا كثير
وحاول يالغالي تدخل موقع التعليم العالي وتشوف التخصصات والجامعات والمعاهد المعترف فيها .. وقبل كل شي اذا قدمت ع معهد لازم يالغالي تجيب قبول مشروط اجباري .. لكي تاخذ الموافقه ع حسابك الخاص .. بدون الموافقه حاليا بالنظام الجديد م تنظم
ولا تفكر تقول بروح امريكا واجيب قبول جامعه بعدها اقدم ع الموافقه ع حسابي الخاص وتاخذ الموافقه لان هذا يطلع عندهم اذا الطالب باقي في السعوديه او لا ... وترا كل الشغلات تساهيل والامور جدا سهله كل اللي عليك حاليا تحدد الولايه اللي تبيها وتشوف الجامعات والمعاهد اللي فيها وبعدها تقدم .. والامور الثانيه كلها سهله .. الاهم حاليا يوصل الاي توني + قبول المشروط .. الله يوفقك يالغاالي واي سؤال انا بالخدمه ..!