حديثة تخرج وعندي أسئلة بخصوص اجراءات ومتطلبات الماستر في أمريكا!!

السلام عليكم جميعًا ..

السلام عليكم جميعًا...

بدون مقدمات أنا انسانة تعبت من البحث والتفكير وجيت هنا أبحث عن مين يساعدني بالأجوبة اللي يقدر عليها.
خلفية مختصرة عني: حلمي منذ المتوسطة هو الإبتعاث إلى أمريكا بعد البكلوريوس.. لذلك طورت لغتي بنفسي من المتوسطة ودخلت الجامعة تخصص ترجمة (لغة انجليزية) وكنت من المتميزات وتخرجت قبل شهر ونص بتفوق وأصبحت من الأوائل ومعي توصيات قوية الحمدلله...

بعد كذا انصدمت بمدى تعقيد موضوع الابتعاث وتداخل المعلومات واختلاف الآراء اللي لقيتها.

لذلك أبي أختصر وقتي وعندي بعض الاسئلة وأتمنى من أي أحد يجاوب على اللي يعرفه وراح أدعيله والله!!! وبالمناسبة انا عادلت شهادتي ومعي درجة آيلتس يعني كل شي جاهز بس باقي الـGRE

1. بالنسبة للـGRE .. بالبداية فيه ناس قالوا لي فيه جامعات اذا قلتيلهم ان معدلك + التوفل\الآيلتس عالي وتوصياتك قوية يمكن يصرفون النظر عن متطلب الـGRE. فرحت بداية لكن سألت جامعتين وقالوا لا هو جزء أساسي من الأبلكيشن وما يـُنظر فيها بدون الـGRE. طبعا ما يحتاج أقول كيف تحطمت.

أنا صراحة ما عندي وقت حاليًا عشان أدرس الـGRE لأني توظفت في مكان ينتهي دوامه 8 الليل. فأبغى نصايحكم.. هل أدرسه في أمريكا بالصيف وأختبره هناك؟ هل ممكن أدرسه في معهد تابع للجامعة المرغوب فيها؟

2. أنا حلمي كان أكمل ماجستير علاقات دولية أو علوم سياسية, لكن سمعت أنه عند فتح باب اللإبتعاث راح أضطر إني أقدم على تسويق (بما ان تخصصي انجليزي) مبدئياً إلين أوصل بلد الابتعاث, وقالوا إذا وصلت بلد الابتعاث وجيت أغير تخصصي لعلاقات دولية لن تقبله الملحقية لانه مو امتداد لتخصصي, هل هذا صحيح؟ هل فيه استثناءات أو ناس تعرفونهم عادي قبلوا في طلبهم؟

3. بصرف النظر عن اسم التخصص, هل أجيب قبول لتخصصي من الجامعة من الآن قبل لا يفتح باب التسجيل في برنامج الملك عبدالله؟ إذا نعم, تنصحون أقدم على السبرينق سمستر عشان يكون عندي وقت لرفع طلب تغيير التخصص؟

4. إذا كنت بطلع على حسابي, لازم أستنى إلين ينفتح باب الابتعاث هالسنة والا عادي أطلع قبلها لو جبت قبول من اللحين؟

واذا طلعت على حسابي تخصص علاقات دولية, هل سترفض الملحقية انضمامي لأنه مو امتداد لتخصصي برضه؟

5. بحاول أراسل الجامعات بنفسي, لكن إذا اضطريت للجوء إلى مكتب لضيق وقتي, أي مكتب تنصحون فيه؟

6. أحتاج أي نصيحة! علموني كيف أقدر أستفيد من وقتي وأختصره!!!

لو عندي أسئلة ثانية برجع أسألها تحملوني!!!!!!!!! :( الله يوفقكم ساعدوني في تحقيق حلمي!

بالنسبة GRE ليس كل التخصصات مطلوبه فيه كما ان الكثير من الجامعات تعطي قبول مشروط ( يعني انت رايح تدرسين عندنا في الجامعه التخصص الي تريدينه ولكن خلال سنه لازم تختبري GRE وتجيبي المعدل المطلوب ) ونصيحه لا تهتمي بالاختبار الان فقط ابحثي عن الجامعه والقبول
ثانيا : يجب قبل كل شئ ان تحددي وتتخذي القرار : هل ادرس على حسابي الخاص ام انني انتظر الى برنامج الابتعاث لخادم الحرمين ا لشريفين .. لأن على ضوء قرارك سوف تتحدد الخطوات العمليه لتكملت مشوراك الدراسي
ثالثا : اذا ما قررت الذهاب الى امريكا للدراسه على حسابك الخاص يفضل ان تدخلي التخصص التي ترغبينه ولن يقف عدم امتداد التخصص عائق لقبولك هذا اذا كان بالفعل تخصص العلوم السياسيه او العلاقات الدوليه ليس امتداد لتخصصك .. كما يمكنك الذهاب للدراسه في اوقت تريدين
رابعا : اذا ما قررتي الذهاب وفق برنامج الابتعاث فمن الافضل انتظار جلب القبول حتى الانتهاء من اجراءات الابتعاث
خامسا: خرج قرار مؤخرا لمن يريد ان يذهب للدراسه على حسابه الخاص ان يسجل اولا في وزارة التعليم العالي هذا الامر يساعد كثيرا في بعض الامور التي تتعلق بالبعثه

ولكم كل التوفيق قي قراركم