حوار وش الولايات والمدن الي تقدم نقل عام بشكل ممتاز فب امربكا( دون الحاجه الى شراء سيارة)

أنا حالياً مقيم بسياتل وفيها نظام المواصلات العامة لكن باصاتهم قدييييمة ومن جوا ريحة خياس الله يكرمك وأحياناً تتأخر والأشكال اللي فيها تخوف...والإشتراك الشهري للبطاقة يعتمد على حاجتك لها..وأنواعها كثيرة..لكن أنا عن نفسي احياناً أتنقل بين جهات المدينة يعني 2 zone والأشتراك الشهري يكلفني 90 دولار شهرياً

فيه في Portland خ’ـدمه موـآصلـآت ـآكثر من رـآئع’ـه , وـآسع’ـآرهـآ تخ’ـتلف , ـآلسـآع’ـتين بـ 2.50 دولـآر , وـآليوم كـآمل بـ 5 دولـآر , ـآسبوع’ـين نسيت بكم وـآلشهر بـ 100 دولـآر بس تقدر تلف ـآلمدينه كـآمله وـإللي ح’ـولهـآ ,, خ’ـدمـآتهـآ ـآكثر من ممتـآزه ..

فيه عندك شيكاقو وماأدراك ما شيكاقو..
قيمة البطاقة الشهرية 100 دولار

للمعلومية اخوي ترا السيارات في أمريكا رخيصة جداً .. و 3 الاف دولار تجيب لك بالراحة سيارة تؤدي الغرض و زيادة ولو بغيت ارخص فيه بعد

باكلمك عن المدينة اللي اعرفها وهي منيابولس /سانت بول في منيسوتا . نظام مواصلاتهم ممتاز وفي تطور مستمر ب 85 دولار شهريا ، لكن اي مدينة متوسطة او كبيرة الحجم وفيها جامعة اكيد فيها نظام مواصلات لخدمة الطلاب . وايضا حط في بالك حتى لو المدينة فيها مواصلات الامر يعتمد على مكان سكنك اذا انت ساكن بعيد من وسط المدينة يمكن نظام المواصلات العامة فيه محدود

صحيح بس لاتنسى ان هناك تأمين وقد يكون غالي خاصة لشخص ماعنده خبرة قيادة في امريكا وايضا البنزين اغلى من السعودية

التأمين ليس غالي مرة بحيث يمنع من شراء السيارة .. والبنزين فعلا غالي جداً لكنك اذا اقتصرت على المشاوير الضرورية جداً فقط ( من الجامعة للبيت والمطاعم القريبة فقط وهكذا ) فلن تصرف كثير خاصة اذا ما كنت ساكن بعيد.. لاسيما وان المواصلات في بعض المدن قد لاتغطي كل مشوايرك الضرورية .. لذا انا افضل السكن في مدينة صغيرة ورخيصة مع شراء سيارة .. وللمعلومية ترا الفورد التورس النظيفة موديل 2001 تباع بـ 2500 دولار فقط .. واذا جيت ترجع للسعودية تبيع السيارة ثانية وترجع لك فلوسك .. فالسيارة تضمن لك الوصول لكل مكان تحتاجه من دون الإضطرار احيانا لركوب التكاسي والتي اسعارها غالية جداً في جميع المدن وتكسر الظهر

وسائل المواصلات مهمه والسيارة أيضاً للي عنده عائلة والتأمين يختلف سعره حسب الولاية و غالبا يكون غالي للي عمره اقل من ٢٥ سنة


ولا عنده رخصة أمريكية

من رأيي ان مدينة اوستن تكساس من اروع المدن للدراسة وفيها باصات بدون مقابل للطلاب

انا في مدينه شامبين المواصلات لطلاب الجامعة مجانا
والباقي اشتراك سنوي ب60 دولار (الباصات جديدة ومريحة)
شيكاغو 100 دولار في الشهر

بالتوفيق يارب