استفسار لاهنتم اخواني بخصوص معهد جامعـة ، University of Or

والله شف يابعدي .. انا بجاوب على اللي اعرف واللي ما اعرف بحاول اكذب عليك فيه هههه لا لا اللي ما اعرفه ماني مجاوبه ..

انا كنت ادرس في أوريقون وكنت ياصاحبي ميت موت عشان أدخل المعهد حق جامعة أوريقون .. لأن الجامعة ممتازة جدا وفيه ناس يدرسون فيها ويمدحونها بشكل خورافي .. الكامبس لحاله قضية يارجل ..

الولاية والمدينة والجامعة من أفضل مايمكن .. والاسعار على كيف كيفك لا فيه تاكس (ضرائب) ولا غيرها .. والناس حلوين ومبتسمين وحبوبين ماعندهم عصبيات .. ويوجين مدينة جامعية يعني أغلب اللي فيها شباب وفلة ..

ومن ناحية العوائل فـ أكيد كل برنامج انترناشيونال في اي مدرسة بيوفر لك عوائل وسكن جامعة وغيرها ..

وللأسئلة الثانية بخصوص كم ياخذ المعهد وكذا فـ هذا الرابط حق المعهد حقهم ..
AEI - American English Institute | University of Oregon

روح ادخل وشوف كل المعلومات اللي تبيها ..

والمعهد على حسب الكلام اللي وصلني انه من اروع مايكون ..

والله يوفقك يالغالي وييسر لك أمورك ويكتب لك اللي فيه الخير ..

اشكرك اخ ماجد عالمعلومات والله يوفقك ياابن العم في دراستك

عندي كم سؤال بعد اذن صاحب الموضوع

الان اذا دخلت موقع اي جامعه كيف اعرف رابط معهدهم ؟

واذا درست اللغه في معهد الجامعه ..هل اقدر احول لجامعه ثانيه ؟ لان هذه الجامعه متكدسه الطلاب فيها وانا رايح ادرس على حسابي واخاف مايجيني قبول واتوهق ...

اذا التقديم يبدأ في يناير او نوفمبر هل اقدر ارسل لهم اوراقي الان والا لازم وقت التقديم

وشكرا لكم