عندي سوال بسيط بخصوص اختيار جامعه من الجامعات الموصى بها في امريكا
السلام عليكم انا سالفتي طويلة شوي بس ما عندي الا سوال واحد
انا انشالله رايح ادرس على حسابي الخاص في مدينة بورتلاند في ولاية اوريغون وراح افتح ملفي اول ما اوصل و ابدا في الدراسة و بعدها انشالله احول على البعثة اذا قبلوني
طبعا معاهد اللغه المعترف فيها في المدينة كلها مغلقه بسبب تكدس الطلاب و مافيه مفتوح الا معهد كابلن ولا ابغاه بسبب كثر ما سبوه الشباب في المنتدى ولا احد مدحه
ولكن الكلام هنا هو في الجامعات وطبعا الجامعات لها معاهد لغه تبعها
المهم لقيت في مدينة بورتلاند 7 جامعات من الجامعات الموصى بها من موقع الوزاره 6 منها مافيها تخصصي والسابعه فيها تخصصي بس موقوفه
و تخصصي الي ابغاه هو تقينة الهندسه الميكانيكية
فالسوال هنا
بما ان لغتي الانجليزيه مش كويسة مره وطبعا راح ادرس في البداية انجليزي وبعدها بكاروليس تقنية الهندسة الميكانيكة
فهل من الممكن اني ادرس انقليزي في معهد اي من الــ 6 جامعات هذي الي ما فيها تخصصي خصوصا ان السنة الاولى كلها راح تكون انقليزي و ما لها دخل في التخصص
و بعد كذا احول على جامعه فيها تخصصي بعد ما اجيب التوفل من معهد الجامعه وش رايكم في الحركه :):D
لان اهم شي عند الملحقة انك تجيب توفل عشان يضمون والتوفل هو طبعا راح يكون في الانجليزي
فحتى لو ضموني خلال 4 اشهر راح اكمل الين اخذ التوفل من المعهد تبع الجامعه هذي وبعدها اروح ادرس التخصص في جامعه فيها تخصصي
او لو انهم ضموني بعد ما جبت التوفل من المعهد يسير نفس الكلام بعدها اطلع و اغير الجامعه و اكمل التخصص في جامعه الي فيها التخصص حقي
المهم ان اجيب التوفل من المعهد تبع اي من الــ 6 الجامعات هذي لان هي الـمفتوحة الان
فوش رايكم في الحركه سليمه و ما عليها كلام
وطبعا انا عارف ان فيه مدن كثيره تدرس التخصص حقي و جامعاتها غير موقوفه و لكن اخترت بورتلاند لاسباب مناسبة كالنقل العام وغيرها
رد: عندي سوال بسيط بخصوص اختيار جامعه من الجامعات الموصى بها في امريكا
لالا يابعدي مافيها اي مشكلة .. يمديك تسوي هالشي واصلا اكثر الناس يسوون هالطريقة ..
وحاول تجرب الجامعة اللي في يوجين ترى جدا جميلة ..
University Of Oregon
وبيني وبينك ترى يوجين أحلى من بورتلاند من ناحية الروقان والناس اللي فيها ..
وترى لو يمديك تدرس بنفس المعهد حق جامعة أوريقون يكون أطلق ..
وبعدين انت دامك على حسابك الخاص فـ فلها وروح للمعهد اللي يعجبك لأن ما أحد ماسك يدك ولاويها ومحدد لك وين تروح ووين تجي .. وحتى لو انضميت وكان المعهد متكدس بيقولون لك غير معهدك .. ومن هنا لين تنضم ييسرها ربك..
انا كنت ببورتلاند والحين بسياتل .. وحشتني بورتلاند والله .. لكن ما اقول الا الله يعينك على لحوج بورتلاند :]
عسى الله يوفقك وييسر أمورك يابعدي ..
رد: عندي سوال بسيط بخصوص اختيار جامعه من الجامعات الموصى بها في امريكا
اقتباس:
المشاركة الأصلية كتبت بواسطة Majid Alharbi
لالا يابعدي مافيها اي مشكلة .. يمديك تسوي هالشي واصلا اكثر الناس يسوون هالطريقة ..
وحاول تجرب الجامعة اللي في يوجين ترى جدا جميلة ..
University Of Oregon
وبيني وبينك ترى يوجين أحلى من بورتلاند من ناحية الروقان والناس اللي فيها ..
وترى لو يمديك تدرس بنفس المعهد حق جامعة أوريقون يكون أطلق ..
وبعدين انت دامك على حسابك الخاص فـ فلها وروح للمعهد اللي يعجبك لأن ما أحد ماسك يدك ولاويها ومحدد لك وين تروح ووين تجي .. وحتى لو انضميت وكان المعهد متكدس بيقولون لك غير معهدك .. ومن هنا لين تنضم ييسرها ربك..
انا كنت ببورتلاند والحين بسياتل .. وحشتني بورتلاند والله .. لكن ما اقول الا الله يعينك على لحوج بورتلاند :]
عسى الله يوفقك وييسر أمورك يابعدي ..
الله يعطيك الف عافية يا Majid Alharbi و شكرا على مرورك يا عسل وشكرا لك على افادتك و راح اشوف الجامعه و المدينة الي قلت عليها و الله يعطيك الف عافية و يوفقك