استفسار كليفلاند

اهلين اختي .. انا ما اعرف شيء عن الجامعه او التخصص
لكن إن كنتي تقصدين كليفلاند اللي بولاية اوهايو Cleveland, OH
سبق اني زرت هالمدينه لمدة نصف يوم تقريباً .. صراحه مدينه كئيبه وتجيب الهم,غير كذا باردة جداً بالشتاء ونسبة السود عاليه جداً, فاحتمال كبير تكون خطره
يمكن تكون تجربة الزياره شي وتجربة السكن شي ثاني الله اعلم, لكن هذا انطباعي عن الزياره, انصحك تستمرين بولاية أوريقن احسن لك مية مره والخيار لك
باقي الامور يفيدونك الزملاء

والله هذا احساسي من الكلام عنها ياليت اللي يدرس في الجامعه يفيديني جزاه الله خير.

وعليكم السلام,,
ايه هذا قبول نهائي ع الفول وكل شيء لازم تسويه بعد كذا المفروض يجيك على البريد مع القبول الاصلي
ومن ناحية كليلافند انا عشت فيها اكثر من سنة ونصف وكنت بكمل فيها لو حصلت قبول من السي اس يو
وهذا رابط موضوع مفيد جدا انصحك تقرآه وذا كان عندك اي استفسار زيادة لا تتردد ,, بالتوفيق
http://www.mbt3th.us/vb/forum41/thread239041.html

الشباب يفيدونك ان شاء الله

السلام عليكم
بصراحة ما ادري من وين ابدا ولا ادري وش انصحك فيه
انا أعيش بهذي المدينة وادرس بنفس الجامعة..
من ناحية المدينة:
أولا اغلب سكان المدينة من البشرة السوداء والأمان فيها لك عليه يعني خطر نسبياً .
ثانيا يوجد بهذي المدينة عدد كبير جدا جدا من العرب وبالذات السعوديين وهذا بسبب الجامعة ووجود اكبر مستشفى لأمراض القلب في أمريكا تقريبا اللي يجونه السعوديين للعلاج فيه (الله يشفيهم يارب)
ثالثا ولاية اوهايو من الولايات البارد جدا جدا جدا في فصل الشتاء ,, بصراحة أنا من الناس اللي احب البرد بس مو للدرجة ذي يعني درجات الحرارة في الشتاء تصل الى 18 درجة مئوية تحت الصفر غير تساقط الثلوج بشكل كبير...
رابعا بالنسبة لي تعتبر المدينة كئيبة الى حد ما,, يعني مافيها أماكن ترفيه كثير وأعتقد الجو له دور لأن من شدة البرد الواحد ما يقدر يطلع ويغير جو..
اما من ناحية الجامعة
الجامعة تقع في الداون تاون ( الداون تاون لك عليه مو ذاك الزود)
الجامعة نفسها بصراحة قوية في بعض التخصصات مثل التخصصات الإدارية وبعض تخصصات الهندسة
يوجد معهد لغة تابع للجامعة اربع مستويات كل مستوى اربع اشهر ماعدا المستوى اللي يكون بالصيف تكون مدته شهرين تقريبا المستوى الواحد بـ 3000 دولار وشوي .. المعهد نفسه جيد ولكن إدارة المعهد سيئين بصراحة .

بس اللي يبي يوفر فهذي المدينة تقدر توفر فيها كثييييير
تقريبا السكن في الداون تاون من 600 الى 900 دولار بالشهر على حسب المكان اللي بستكنين فيه
غير كذا مافيه شي تصرفين فيه فلوسك غير فواتير الكهرب والنت والتي في
وعلى فكرة نسبة البنات السعوديات كبير بهذي الجامعة .

أنشالله أكون افدتك بشي بسيط ,, وأي استفسار انا حاضر
تحياتي ...

أخوي خالد .. ممكن اعرف انت ماجستير او بكلريوس ؟انا رايحة لهاذي المدينة بعد اسبوعين تقريبا ةجبت قبول لغة ! بس احاتي قبول الماجستير في الادارة لاني ماعرف شروطهم في الجيمات والجي ار أي !انتظر ردك اذا عندك أي معلومات

أنا بكالوريوس .. وللأسف ما عندي خلفية عن شروطهم للماجستير