اريد مساعدة في اختيار جامعة في تخصص الهندسة الميكانيكية

السلام عليكم
يا شباب ويا شابات انا ناوي ان شاء الله ادرس هندسة ميكانيكية في امريكا او كندا على حسابي الخاص ومعدلي في الثانوية الحمدالله مرتفع لاكن ماني عارف ايش اختار من جامعة ليا ايام وايام جالس اتخبط فالنت من مواقع تقيم الجامعات للمواقع الاجنبية الي تحط الناس فيها ارائها عنها وصراحة ولا شي ساعد منهم غير انهم خلوني مشوش اكثر من ما كنت فياريت اللي درس هذا التخصص في امريكا او كندا او لسا يدرس او عندو خبرة حتى يساعدني لأني والله ما ابغا اورط فجامعة هيا اللي رح اقضي فيها الخمسة سنين الجاية من عمري
والنقطة الثانية الي ماني عارف ايش اسوي فيها هيا كيف اعرف كم رسوم الجامعة في تخصص الهندسة الميكانيكية خصوصا انو اسعار الجامعات تفرق المواطنين الامريكين عن الطلاب القادمين من الخارج حاوت اني اطلع رسوم الجامعات بنفسي من الموقع الخاص بكل جامعة لاكن ما فلحت فكيم اعرف رسوم الجامعات؟ خصوصا انو عندي الكثير من الجامعات اللي ابغا اعرف اسعارها في تخصص الهندسة الميكانيكية الي هيا اول خمسين جامعة فالتصنيف الي رح احط الرابط حقو ما عدا الجامعات الي خارج امريكا وكندا

هذا الموقع قدرت اطلع من خلاله افضل 200 جامعة في تخصص الهندسة الميكانيكية بس الي انا افكر فيهم اول خمسين بس و university of toronto
QS World University Rankings by Subject 2012 - Mechanical Engineering | Top Universities


الزبدة يا شباب ابغا 1- مساعدة في اختيار افضل جامعة من التصنيف الي حطيتو وتكون من اول خمسين وكمان university of toronto (لانها مو من ضمن اول خمسين في هذا التخصص) وياريت الي يعرف ما يحكم من ناحية قوة الجامعة وبس من جميع النواحي مثل تعامل الدكاترة واهتمامهم بالطلاب والحياة الجامعية بنفس الجامعة وصعوبتها

2-وكيف اعرف رسوم الجامعات في تخصص الهندسة الميكانيكية خصوصا الجمعتين ذولا 1-university of toronto 2-university of california los angeles (ucla)

3-وايش رايكم في university of toronto بالنسبة للي درس فيها او يعرف احد درس فيها لاني بحثت في عن اراء الناس في الجامعة في مواقع غير عربية (كندية او امريكية) اللي فهمتو منها انو اكثر الناس كانت جالسة تتكلم عن قد ايش هذي الجامعة صعبة, بس مو صعبة كأي جامعة قوية لا كانو يتكلمو ويقلولو انو من كثر صعوبتها كانو الجامعة بالعاني تبغا الناس ترسب !!! فيارييت اللي يعرف شي عن هاذي النقطة يقلي,,, ورايكم ايضا في جامعة university of california los angeles (ucla)

(الزبدة طلعت اكبر من الموضوع نفسو:shy:)

يا اخوان واخوات الي حاب يساعدني يتفقد القائمة بأفضل 50 جاعة من هذا الرابط افضل لأنو محدد فيلو الجامعات الامريكية والكندية
http://www.usnews.com/education/worlds-best-universities-rankings/best-universities-mechanical-aeronautical-manufacturing-engineering

يا سادة محتاج مساعدتكم والله :/

ردو عليا يا جماعة الخير :headbonk:

يا اخ انا قلت ابغا رأيكم في الجامعة والاشياء الاخرى اللي فوق مو ابغا قبول جامعة قبول الجامعة اعرف اطلعوا بنفسي :nono:

ردو عليا يا شباب

الله يعينك اخووي