استفسار ما هي أفضل طريقة لتشغيل القنوات الرياضية في أمريكا؟

الله يعافيك اخوي
انا اخذت large package وفيها جميع القنوات
بالنسبة للجودة اشوفها ممتازة

بالنسبة للجهاز في رقم عندهم في الموقع اتصلت عليهم وطلبت الجهاز من خلال الهاتف هي الشركة اصلا عراقية راح يرد عليك عراقي وياخذ العنوان والاسم والايميل وتفاصيل البطاقة اللي راح تدفع منها بعد كذا راح يرسلك رقم الاشتراك لمدة سنة عالايميل والجهاز يوصل بيتك خلال خمسة ايام ومتى ما ادخلت رقم الاشتراك لك سنة كاملة

نعم فيها قنوات hd لكن ما ادري ليش بعضها يقطع والجودة عالبلازما ما عندي فكرة عنها انا اللي عندي lcd

اتمنى اني اكون افدتك

اذكر اول سنه لي بامريكا في رمضان كنت مع العائله كان عندهم دش ستلايت .. Dish ..
واشترك لي ابو العائله في الباقه العربيه < ماهوب ببلاش سواها لي ..
الموهم هو اللي علمني فيها انا ماكنت اعرفها .. وقالي اذا تبيها اسويها لك بس تدفع كل شهر خمسين دولار ..
فانا اساسا ماكنت ابيها الا في رمضان .. فاتفقت معه على انه بس شهر واحد والله وحطها لي .. وعطيته خمسين دولار لهذاك الشهر ..
وكنت اتابع الام بي سي والافلام مثل باب الحاره وطاش كلها تجي بعد الساعه 10 بالليل ..

عاد بعد ماطلعت من عندهم فكرت فيها صراحه .. ولقيت ان الستلايت لازم تدفع رسوم تركيب ولازم تكون عندك احد الباقات الرسميه حقتهم ..
وهذي كلها لها قيمتها .. واما باقة القنوات العربيه فهي باقه اضافيه مثل الشوتايم والهبو وغيرها .. فلابد يكون عندك باقه رسميه حتى تقدر تضيف باقه اضافيه ..

ولكن دش عالي الجوده صراحه .. اذكرها والله كنت اتابع طاش على تلفزون العائله اتش دي مادري كم بوصه لكنه مايقل عن 46" بوصه (شاشته كبيره)..
بس كانت صافيه القنوات صوت وصوره ... وكنت اسجل البرامج اللي ابيها ..


اما بالنسبه لايلاف و الـ IPTV ماجربتها وبصراحه مكلفه جدا ومبالغ فيها .. وحتى تلفزات ..
خصوصا ان طريقتهم غير نظاميه بالقنوات ..

اقرب مثال لهم هو الدريم بوكس للي سبق واستخدمه هو نفس النظام ..
ولكن ماعندهم اشتراك رسمي مع القنوات نفسها ..

فلابد يجيك تقطيع من جهه او دقة الشاشه تكون محدوده لبعض القنوات وما الى ذلك من امور ..

على كل حال .. هي المسأله تعود للشخص نفسه ..

وعلى ال lcd كيف الجوده؟؟

طبعا قنوات الجزيرة المشفرة موجوده صح؟؟

أشكرك اخوي والله انك أفدتني جزك الله خير والله يرحم والديك

مثل ما قلت لك الجودة اشوفها ممتازه طبعا مو مية بالمية لكن تعتبر ممتازه ،، طبعا مو مثل السانالايت لكن صدقني تادي الغرض
يعني مثلا قنوات hd صفائها عالي جدا ورائع اذا ما كانت القناة تقطع

كل قنوات الجزيرة الرياضية موجودة

جرب موقع veetle.com

hd

مجاني وتقدر تشاهد عليه المباريات في وقت المباراة فقط
شبيه بموقع justin.tv بس افضل منه بمراحل