عرض للطباعة
مس اء الخير للجميع الله يجزاكم خير موضوعي انو راح ان شاء االله اوصل انا وزوجتي لفرجينيا لاستكمال زوجتي شهاده الدكتوراة وانا الماجستير بعد كم شهر وبالتحديد 5 شوال 12 اغسطس ولا اعرف فيها احد ابدا اذا فيه احد من اهل الخير يقدر يفزع لنا يستقبلنا او يشوف لنا شقة قريبة من الجامعه واموري كثيره ناقصه ولا اعرف كيف اسويها من ضمنها فتح حساب من البنك وغيرهاااااا شااااكرين لكم حسن تعاونكم ومشاركتكم
مرحبا اخوي
الله يوصلكم بالسلامة ويوفقكم ويسهل امركم
للاسف انا بعيد عن ولاية فرجينيا والا كان انا بستقبلكم ..
اول شي تسويه تدور هوتيل قريب من الجامعة اللي انت فيها عن طريق موقعهم بالنت قبل ما تجي وتستاجر فيه لمدة شهر او اقل او اكثر الين ما تضبط امورك وطبعا اذا بستأجر شهر راح يسوون لك خصم ,, وهذي نصيحة من مجرب وخلال فترة اقامتك بالهوتيل تدور لك على شقة تناسبك لأني أنا شخصيا وناس كثير اعرفهم توهقوا بالشقق اللي هم ساكنين فيها طبعا نظام الشقق هنا تسوي كونتركات لمدة 6 اشهر او 12 شهر تختلف من مكتب للثاني ولازم تدفع لهم تأميل عادة يكون مبلغ ايجار شهر واذا خلصت فترة العقد وتبي تطلع تاخذها بس اذا تبي تكسر العقد وتطلع راح ياخذون مبلغ التأمين ويطالبونك تدفع لهم ايجار الاشهر المتبقية من العقد او جزء منه ... وبصراحة هذي مشكلة كبيرة تواجهنا فعلشان ما تتوهق اختار المكان اللي يناسبك والشقة اللي تناسبك ولا تستعجل ..
وأما من ناحية الاستقبال في المطار فأنصحك تتواصل مع النادي السعودي بولاية فرجينيا ابحث عنهم في النت وانشالله ماراح يقصرون معاك وراح يساعدونك بالمشورة ويساعدوك تخلص امورك , او انشالله يجي متطوع هنا ويعرض عليك خدماته وبصراحة الشباب هنا فيهم خير وما راح يقصرون .
الله يوفق الجميع يارب
الله يجزاك خير اخوي *ياليت لو احد من الشباب هنا يتبرع ويستقبلنا فالله يجزاه خير الجزاء ولو اعطيه حق اتعابه ارجو الاخوان هنا يتفاعلون معنا
سم سم يالإمبراطور .. للفزعات والوقفات رجالها .. يعلم الله اني لو بفرجينيا لأستقبلك واعشيك بعد .. بس انا بـ سياتل يابعدي ..
ولكن خذ هذا موقع النادي الطلابي اللي بفرجينيا .. كلمهم وقولهم انك بتجي وهم يستقبلونك ويسنعون امورك كلها .. هذي شغلتهم اصلاً ماعليك ..
النادي الطلابي السعودي بفيرجينيا تك - الر
رقمهم :
0017755728822
إيميلاتهم:
sscbvt@gmail.com , info@sscvt.org
ولو تروح على خيار (اتصل بنا) بتلقى تويتر والفيسبوك وسكايب لهم بعد ..
وإن جيت لـ فرجينيا واحتجت انك تسأل والا تستفسر والا أي شي هذا رقمي , دق بأي وقت ولا يردك حتى لسانك ..
2064581815
اعذرنا على القصور يالخوي .. وعسى الله يوفقك وييسر أمورك ويكتب لك الخير والخيرة..
الله يوفقك ويسهل امورك ويرحم والديك يكفيني فزعتك لي بكلامك وانا ماتعودت على الحروب الا انهم رجال وراعين فزعات ولا يهينون البقية بيض الله وجهك وشكرا على مشاركتك يالحبيب